تجمع حوامل وامهات قطر لشهر شعبان لعام 1431 هـ ؛ 2010 م

مزمز

حماتي العكس تربي في الامارات وبعد 15 يوم تجي قطر تكمل نفاسهاااا

قصوبة

اصلا ما يحتاج نقعد في المستشفى وايد.. بالكثير يومين.. انا اليوم الثالث ما صدقت رديت البيت..
شعور كريه..
في ناس ما يستقبلون حد بعد الولادة الا عقب فترة لين ارتاحت.. قامت سوت عشا واييونها الناس مرة وحدة.. << احلى جي..
في المستشفى اذكر ياتني الصيحة من كثر ما كنت مرتاحة من القعدة بسبة الخياطة.. والناس اللي في الغرفة احسهم في عالم ثاني..

حماتج عايشة في الامارات؟

ما اتخيل اربي في الامارات .. اخاف.. ههه

اهل ريلي فيهم عرج اماراتي

رمستهم شوي اماراتية هههههههه

قاعدين في بوظبي

صبــــآآآآح الليــــل F:
كيفهوووون السهرانين ؟!!

شهالخبريه التعيسه
من صجهم يوم ونطلع انا يومين وتمللت وطلعت على مسئووليتي لان دمي نازل وايد مارضو اطلع
بس وايد تعبت في البيت الناس تجيني اول اسبوع وانا مب حاسه فيهم منسدحه
على الكنبه لاني ماحطيت سريري في مقعد الاستقبـال ماقدر اقعد ولا اوقف ,,,
والزينه يمنعون الزينه الاوفر اللي تخرب الحجره اما الاشياء البسيطه عادي ,,!!
وعن عدد المراجعين اقص ايدي اذا مب 500 قطريات والبقيه الباقيه جاليـآآآآآت المفروض
يسوون مستشفى خاص فيهم واحنا القطريات بروحنـأأأأأ وايد بيريحون نفسهم وبيريحونا


سـارآآ
تقدرين تعرفين في نهايه الثالث بس عند دكتور شاطر
عندج عدنان في حملتي الاولى من اول الثالث قالي وساميه النمله من الثالث
اعرفت لرفيقتي شفيها اما الباقين اغلبهم نهايه الرابع ومريم سلمان في الخامس تقووول الجنس


لافنــدر
الله ريوووق الفجر محلاااااااااااه تذكرت ايام اول
بيتنا وبيت جدي وعماني احذى بعض نتجمع في الليل وسهر
للفجر نسوي ريوقنا عقب كلن يتوكل بيته :*_*:


امونتـي
ودي اساعدج بمحلات البحرين بس مب مطيحه فيها وايد
تبين دبي حاضرين لج ههههههههههههه

في امون سووينا جذي لان انا واختي ربينا مع بعض سووينا عشا عشان سلامتي مرة ووحدة افتكيت عن عوار الراس

هلا يغار

ترا في الامارات جذي المواطنات يولدون في مستشفى والاجانب في مستشفى ومن ضمنهم الخليجيات

قصوبة توني بقول لها هالمعلومة ههه
هني الاجانب اذا راجعوا في مستشفى لازم يدفعون 2000 مادر 200 ماذكر..

الحين عشااء سلامتكم تسوونه عقب الولاده وانتو بنفاس
والا عقب ال 40 ؟؟!!!!
لان العاده عندنـا ان عشاء السلامه عقب الاربعين يسووونه اهل الزوج
على سلامتهم مرت ولدهم
واذا ام البنت بغت تسوي لبنتها قبل لاتروح لجماعتها عادي تسويلها

يغار لاذكريني احنا يسوووووووووووووووون لنا الف عشوة والف غدوة لين الاكل يطفح من جبدج ححححححححححححححححححححح

مادري ليش

يغار

هاي هو... عقب الاربعين..
بس فكرت فيها.. صج ايام النفاس تكون لايعة جبدج من نفسج وماتحسين بارتياح نفسيا ولا جسديا هه
بس الناس يغيرون جو..
يعني انا صادني اكتئاب عقب ما ولدت بحمود.. بس لما الناس يزوروني كنت انسى .. وفالليل ارد ..
اذكر ريلي يوم يسلم علي عشان بسافر قعدت اصيح اصياح بصووووت.. اول مرة يشوفني جي..
بس تصدقون عقبها ارتحت .. حسيت فضفضت من الصيحة..

احنا امي تسووووووووووووي لنا عشان ان في الااربيعين


وجدتي


اما اهل الريل ع حسب النفسية اذاكنت مستعدة حق السالفة ولا ياجلون لاني اكون بعد الاربعين لحد يكلمني

مرررحبااااا كروووشااات ومااميييز

شخباااركم؟؟

حلوووه سوووالفكم
بالنسبه حق العشا احنا اهل الزوج يسون حق مرت ولدهم في يوم الاربعين على طوول ومنها اتكوون كاشخه ومتسنعه وكل شي
الله تذكررت بعد الاربعين الووحده اتحس انها ارررجعت عروووس من عقب غبررره الحمل خخخخخ

سـارآآآ
ساميه النمله في عيادات الكندي في السد
اذا ماخاب ظني اللي كانت فيها عايده الصالح قبل
وهي بالمواعيد تتصلين تاخذين موعد ,,


مـوزآآآن
كآبه الاربعين فظيعه كل تبين الناس حولج مايخلونج ثواني
حتى لو انهم طول اليوم ويـآآآج تعالي لراحو صيـآآآح ونيـآآح استغفر الله

لافنـدر
ليش ليش لحد يكلمج
يوووم يوم اربعيني يوم عرسي حسيت اني عروس مره ثانيه
شعور حلووو والله دشيت البيت كاشخه ومتسنعه
وعشااااي مسوينه والنسـوآآآن كلهم موجودين هلي وجماعتهم ومعارفهم
تنسين كآبه الاربعين كلهاااا في هاليوم



طالبه لي من المعصره وتوه واصل ,,, شكلي بتسمم من هالمعصره
بس جوووعـانه :*_*:

دح دح صديقة السهر مابينت اليووم

انا في امونة اوكي بعد الاربعين سووووووا لي

بس في ساروة نفسيتي ووايد اتعبت ماتتخيلين شلوون كنت كلة احس بضيقة وكتمة لين بعد شهرين الحمدلله ارتحت وانا قلت لهم خلو سالفة العشا لين بعدين احسن وعقبها سووا العشا

صباح الخير

متجمعين من ورااااي

حلو موضوعكم
احنا ماعندنا هالشي مادري ليش بصراحة هو افك و المرة ترجع بيتها بسكات
بس عند اهل ريلي عادة و هي ان لما الوحدة تربي من حريم عيالهم او بناتهم يطرشون لها عشاها
لما كنت في الاربعين اهل ريلي طرشوا لي عشاي و مرت حماي بعد يحليلها و عقب مارديت البيت زارتني بنت عمتهم و جايبة العشا معاها
هي حلوة هالعادة دام اني عند اهلي او اهل ريلي لكن لو بيتي بروحي و الله اللي بابتلش لوول 

وامي بعد كانت مسوووووووووية عملية في يدها وتعبت بعدها مع اكتئاب الولادة حالت امي زادتني تعب لانها ماكنت بتحضر فاجلت السالفة