تجمع حوامل وامهات قطر لشهر شعبان لعام 1431 هـ ؛ 2010 م

يغار الحلى .. يعطيج ألف عافية عالموضوع ما قصرتي

فجر الحياة واسمي الحنان ودوحانية .. تسلمون عالكتب شكلها مفيدة .. بشتريها ان شاء الله

موزان .. ما شاء الله البنات كفوا ووفوا وكلام لولوة الدوحة نفس اللي كنت بقوله لج وسالفة انها ما تروح حق أبوكم اذا بغت شي هذي احرصي عليها .. أنا عندي خدامتي القديمة هندية مسيحية محترمة وعمرها ما راحت حق زوجي وان بغت اي شي تطلبه مني وتقولي أنا .. وعندي الثانية أندونيسية عالصغيرة والكبيرة تركض عند زوجي ويقولها كلمي المدام لا تجين تقولين لي هي المسؤولة عنج وبعد استغفر الله فيها لعانة أتذكر من فترة هالسالفة .. هي اللي تطبخ ويوميا تجي تقولي اشتبون أطبخ لكم .. ومرة عصبت عليها عشان تراددني ولسانها طويل وفيها وقاحة مب طبيعية فثاني يوم الصبح ما قالت لي اشتبون أطبخ وطنشتها ورحت الشغل وشوي الا متصل لي زوجي يقولي الخدامة لاحقته الصبح لين الباب تقوله اشتبي أسوي غدا يقولي قلت لها ليش ما تسالين المدام اشدخلني في هالشغلات من متى تجين تسأليني .. وقعدت على أعصابي يوم رجعت من الشغل هزأتها اللي عندي عليها حركات ولعينة تتعمد تغيظني .. لأني أعاملها انها من أهل البيت وطيبة معاها لأبعد الحدود والزبدة ما ينعطون ويه لا ترخين لها من البداية بعضهم يستغلون طيبة راعية البيت نفس اللي عندي والله يكافيج شرها حبيبتي .. ودام انها جديدة مقدور عليها الخوف من القديمة اللي تجيج مبلتعه ومستلعنه وما يبين في عينها شي استغفر الله ..

نصفه الثاني .. الحمد لله على السلامة حبيبتي وجعله قرة عين لج ولوالده .. اللهم آمين ..

نور الحلوة .. الحمد لله عالسلامة .. ربي يحفظكم ان شاء الله

لولوة قطرية .. أنا متخرعة ما التزمت بعدد وخذت بالهبل حق البيبي ..

الأماكن .. هانت حبيبتي ان شاء الله كلها أيام وبترد لج عافيتج مثل ما كنتي وأحسن باذن الله حبيبتي .. وعن سالفة الوزن انه يوقف ما يتحرك أسبوعين هذي عادي لأن الجسم تعود على نمط معين في الأكل وقت الريجيم .. أنا بقولج شتسوين بكرة الخميس اكسري الريجيم خليه يوم مفتوح لانج لين كسرتي الريجيم تفاجئين الجسم بتغيير نظام الأكل ومثلا ترجعين الجمعة تطبقين الريجيم وشوفي وزنج اشلون بيتغير وبينزل .. وخلي كل أسبوع مرة اكسري فيه الريجيم هذي أفضل طريقة لتخفيض الوزن .. وربي يحفظج ..