حمله الاكل الصحي : الاكل الصحى مع الماما اكيد غير

أم حسين

يسلمووو خيوو

و ألف عاافية ع قلب حسين و زنوووب

تسلمين على هالموضوع ,, انا بعد اعاني من الحلويات والكاكوات والجبسات ولكني احاول قدر المستطاع اقصص لهم فواكهة وخضروات او اني ماانتظر يجوعون عشان ياكلون اي شي يسد الجوع لكني عرفت الوقت المناسب لاعطائهم الاكلات الصحية واحاول واحاول اتخلص من عادة اكل الغذاء الغير صحي.. جزاج الله خير ومتابعة مواضيعج ...

مرحبا

ما شاء الله عليش ام حسين كل مواضيعش حلوة و مشوقه

من فتره شفت مقابله في التلفزيون عن هالموضوع و اخصائية التغذيه تقول لا توفرون لهم الأكل الغير صحي و أكيد بياكلون الموجود اذا جاعوا و حتى لو رفضوا في البدايه ما بيموتون من الجوع مردهم بياكلون المعروض عليهم

اني صراحه اشتري في البيت بس ما ارضى اعطيه كل وقت يعني لازم يكون ماكل اكله علشان اعطيه بس هالأيام ما قمت اشتري بالمره اخلي ابوه يجيب لنا شوي من البراده طبعاً اني ما استغني عن الشيبس ههههه

اليوم قال جوعان العصر و قصصت له فواكه بطريقه مشجعه يعني احسن من نعطيه الفاكهه كامله ما بيتشجع ياكلها قصصت من كل نوع شوي و حتى اني تشجعت و اكلت وياه علشان النونو ياخد نصيبه ههههه

و هي صورة الصحن




وممكن نسوي سلطة فواكه بعد بيتشجعون لها اكثر

تسلموووون خواااتي

مسز عاادل

عوااافي ع قلوووبكم

الصراحة استغربت ان اغلب الامهات يوفرون لاطفالهم الجيبسات والكاكوات في البيت !!

أني ماأمنعهم عن هالاشياء اذا رحنا الجمعة بيت اهلي يشترون من البرادة او اذا طلع وياهم ابوهم ياخذون لهم شيبس وشيء ثاني

بس احس في البيت لو آخذ لهم جان بيقضون عليه في يومين من مللهم خخخخخ

الحين بناتي ياكلون خيار وزيتون وجبن سليس

امس اكلوا روب (كل وحدة اكلت نصها بس) وعقب بفترة قطعت لهم تفاح



صحونهم الملونة وصايرين بعضهم اطقم وياهم كوب وطاسة وملعقة كلهم رميتهم لانهم من زمان وحسيت تغيروا
وتوه ابوهم من كم يوم يقول لويه ماتأكلينهم فيهم .. قلت له من زمان رميتهم :rolleyes: خخخخخ
بس ان شاءالله باخذ لهم جدد لان يحبون ياكلون فيهم واني يعجبني انهم فيهم تقسيمات :thumbs_up:

ام حسين بالعافية على حسون وزنوب سلطة الروب واللبن والنفيش
وكم مرة اجرب اخلي خيار مع الروب مايرضون ياكلونه بس ياكلون كل شيء بروحه
والنفيش مفيييد ترى واااجد وقبل واجد اسوي اليهم بس الحين ساهيين عنه خخخ

ام مرااام ومسز عادل ماشاءالله وعوافي على الحلوين

الله يعافيكم يا رب

و النفيش اموت عليه ما اقدر اقاوم ريحته و على طول اسوي في البيت

و من الخيارات البديله عن الخرابيط بعد الذره حبيب الكل و مفيد

وممكن المهلبيه خصوصاً جاينا شهر الله

من قبل كنت مخصصه كبت في المطبخ لهسوالف بعدين يوم اتعود يروح ياخد بروحه بدون ما اكون راضيه غيرت الكبت للكبتات الفوقيه و الحين كلش اذا جاب ابوه اخشه في مكان غير
علشان اذا طلب اقول له ما عنددنا وبس

و الحين شجعتوني اكثر اني اقدم له خيارات صحيه اكثر

تسلمين على الموضوع الرائع أو تستاهلي التقييم بس للأسف ما أقدر لأن أخر مرة قيمتش يعني لازم أقيم ناس غير علشان أقيمش

ما شاء الله

عوااافي على الحلوين

وكل الطرق حلووووة

وهم شي التنوع في الالوان

وطريقة القص تغريهم عشان ياكلون وتجذبهم

عوافي على قلبكم اخواتي تسلموا ,,, وعوافي على قلب الحلوين

اليوم بناءا على طلب كتايكتنا الحلوات

سوينا ذرة عشان مايشترون من برة :D

ما شاء الله شنو هالحملة الحلوة

انا عيالي من يوم يومهم عودتهم على الصحي الحمد لله

و الخرابيط مرة او مرتين بالاسبوع بس

شكرا لك حبيبتي

الخربطة كتاكيتي كل يوم العصر يروحو البرادة ويشتروو وخصوصا في الاجازة العصريه طوووويلة ويجووعون
بس البيت ماااوفر لهم ابد لانه بيقظوون عليه في يومين
بس طبيعتهم احبوون الفااكهة واللبن

الحمد لله

جزاك الله خير

مشكورة الصراحه فكرة حلوه

تسلمون حبيبات قلبي
وربي يهدي عيالنا يارب

بسمه اطفالي زين سوييتي

ما فيه اطيب و انظف من اكل البيت

ربي يخليهم ليش يارب

الله يخليهم ويحميهم

مثل كل مواضيعك وردودك أم حسين راااااااااااااااااائع

أنا نادراً اعطي ولدي خرابيط بس السيطرة تكون كثير اصعب لما نكون في مكان غير البيت أو لما يشوف أطفال غيره يخربطون خصوصاً يوم الجمعة في بيت الوالد

لكن الحمدلله تتم خربطته أقل منهم بكثيييييييير لأن في اشياء كثيرة من الخرابيط ما يتقبلها .... يمكن لأن اساساً اكلاته محدودة من الخرابيط والاكل الصحي وما يحب يجرب الجديد عليه دائماً

عصرونية اليوم اللي صارت مغربية




خخخخ هالأيام طالع لي بطلعة عشان يآكل لازم يبي مطعم !!! اجهز له طاولته وكرسيه مثل المطعم واحط عليه الاكل عشان يتشجع وفي النهاية على لقمتين بالكثير ... بس قابلة أحسن من لا شيء