ماعندي غيركم ساااااااااااعدوني .. زوجي باط جبدي

ا

ام شهووودة الحلوة

عروس مشرقة

12-07-2010 | 10:14 AM

:'(:'(:'(:'(:'(

ضايقة فيني الدنيا وماعندي غيركم اشكي له ..

زوجي هاملني وااااااااايد ومايهتم فيني مثل قبل .. من تزوجنا وقبل لااولد كان كلا يقعد معاي يرجع من الشغل ينام العصر والمغرب انا اروح بيت ابوي ساعتين وارجع ويكون هو بالبيت مسكين ينتظرني اسوي له العشا ونتعشى كان واايد يحبني ومايفارقني .. ومن ولدت ويبت ولدي قعدت في بيت ابوي 5 ايام بعد المستشف في هال5 ايام قام يروح حوطة مع ربع اتعرف عليهم عن طريق ولد خالة ومن ذاك اليوم وهو ليليا يرووح من بعد صلاة المغرب الى الساعة 10 و ساعات اكثر :( مو هني المشكلة المشكلة انه مايفوت يوم الا يروح ليهم والين قلت له طلعنا يقول اذا بطلعكم راح يكون العصر مو الليل ,, عشان بس يروح لهم اللي قاهرني انه دايما يبين لي انهم اهم مني ومن ولده مع ان المنطقة بعيده عن بيتنا اللي فيها الحوطة يعني مسافة نص ساعة بالطريج .. تخيلوو خساير بترول وغيره .. وغير هذا الشغل اللي هو فيه صار ليهم فترة كل اسبوعين يسوون بركة مبيت وكل مرة يروح واذا قلت له لا تروح يعاند ويقول لي اللي مايروح يقولون عنه سكان مرته :confused: حاولت معاه بكل الطرق انه مايروح ماااااااااافيه معاند والحين صار له 4 مرات يروح والخامسة ياية بالطريج هذا الاسبوع بيروحون ليلة السبت ... انا مريضة ومعاي جرثومة بالمعدة :sick: وارتجاع شديد وساعات الحموضة تقعدني من النوم اكون مختنقة مااقدر اتنفس من جذي اقول له لاتروح اذا مبيت لان اخاف يصيدني شي وانت مو معاي يقول مابيصيدج شي ..

وبعد مشكلته انه وايد واثق من نفسة انه مو مقصر معاي بولاشي .. مع اني اشتغل واساعدة وساكنه بغرفة في بيت ابوه وانا جامعية وهو ثانيوية ,, وكل اللي اسويه مايبين في عيونه واثق من نفسة انه مو مقصر معاي .. ساعات احس نفسي انه ماخذني بس عشان يطفي رغبته مع اني ماخذته عن حب تقريبا يعني كان بينا نظرات بس ...

انا دايما اتعدل له واحاول اكون في احسن حالاتي واشتري العاب زوجية وغيرها واسوي حركات بس وقت الجماع يكون رومانسي وبعده الرومانسية تروح منه .. وانا احس نفسي جوعانه رومانسية انا وايد رومانسية وهو جاااااااااااف مع انه ماكان جذي كان رومانسي ايام الخطوبة وبدايه الزواج بعد مادري شلي غيره :o مع اني والله ماتغيرت عليه بشي وحبي كل يوم له يزيد عن قبل بس بهالتصرفات اللي يسويها احس روحي بيجيني يوم بكرهه :( ..

شورو علي شنو اسوي معاه ؟؟ من قبل كان يسمع كلامي الحين كلا يعاندني :thumbs_down:
ساعات اقول يمكن من كثر مااهتم له هو صاير جذي ,, اقول بهملة يمكن يجي لي بس اخاف اهملة ويروح يدور له وحدة يكلمها :confused: ,,

تعبت من التفكيييييييييييييير ... واللي باط جبدي انه مو حاس انه مقصر معانا :mad:من في هالزمن تقبل تاخذ واحد عنده بس ثانوية وبيسكنها في غرفة ؟؟ المفروض يحطني على كفوف الراحة لاني اساعدة ..

أ

أم جـرّاح

عروس مبدعة

12-07-2010 | 10:25 AM

بصراحه مدري شو أقول لج بس جربي ترسلين له مسجات
تجذبه لج زود .. عبري فيها عن مشارعرج وشوقج له ترا أحيان بالكتابه تعبرين أحسن وأفضل .. وحاولي بالليالي الرومانسيه .. تدلعي عليه شوي .. حاولي تغيري من روتين البيت .. أو حتى في تنظيم شكل غرفة النوم . حسسيه يتغير في حياتكم .. مره بكلمه. مره بدمعه. مره بحركة الدلع ..
وإن شاء الله بالتدريج راح يلقى التجديد فالبيت ويرجع لج حبوبه .. و ربي يقدّم لج الخير في حياتج ..
والسمووحه ..

ا

ام شهووودة الحلوة

عروس مشرقة

12-07-2010 | 10:42 AM

مشكوورة حبيبتي بس سويت اللي قلتيه ومانفع معاه بس حزة الحزة اوكي ويوم ثاني وينكم يالربع

&

јǿđ

عروس ماسية

12-07-2010 | 10:43 AM

ام اتنا;12616337:
:'(:'(:'(:'(:'(

ام اتنا;12616337:

من في هالزمن تقبل تاخذ واحد عنده بس ثانوية وبيسكنها في غرفة ؟؟ المفروض يحطني على كفوف الراحة لاني اساعدة ..

وايد ناس تقبل هذا مو معيار انج تاخذين هالشي !
عيل ليش تزوجتيه !! هذي نقطة

ثاني نقطة مو كأنج وايد حاطه اهتمامج عليه ! انا زوجي كان بيتوتي
بشكل ما تتصورينه تم سنه على هالحال تدرين اني مليت !!
اقوله اطلع سو لك اي شغله \ بس مو تيلس لي بالبيت !
وصج تعرف على ربع وتقريبا يطلع يومياً وانا اللي الحين متغربله ههههههههه
بس عادي يوم اقوله يسمع كلامي وييلس عادي بالبيت ومخصص
الجمعه حق طلعتنا

ثالث نقطه ترى الريال ما يحب يحس انه احد يكون حوله وايد ولا يراقبه او يمنعه
من الوناسه اللي هو عايش فيها ! خليه ياخذ راحته
مرده بيتملل بروحه صدقيني وانا هالشي شفته بزوجي
احيانا ما يطلع يومين يعني دوام وبيت بس يووم اسأله يقول متملل مالي خلق اطلع

رابع نقطه خفي الرومانسيه شوي يعني حركات وما اعرف ايش هذا من صالحج
ترى يمكن الاعضاء يوم يقرون كلامي يستغربون ويمكن يعارضون!
اقولج ليش من مصلحتج ! يوم احد يسوي لج شي كل يوم تقريباً وكل ساعه
ما تحسين خلاص تمللتي !

شوفي يوم يروح مكان قولي له ان شاء الله تستانس حبيبي بهالطلعه
وبشتاق لج ومن هالكلام بيني له انج مستانسه انه بيطلع
مرده بيحس بشي وعادي اييج بالليل من بدري
ولا يـأجل طلعته وغيره في وحده جربت هالطريقه ونفعت مع زوجها
وخاصه انه عوضها بشي كبير خلاها تستانس

عسى ربي يوفقج ويبعد عنكم الشر عن حياتكم
ننتظر منج اخر تطوراتج

ا

ام شهووودة الحلوة

عروس مشرقة

12-07-2010 | 11:11 AM

јǿđ;12616530:

وايد ناس تقبل هذا مو معيار انج تاخذين هالشي !
عيل ليش تزوجتيه !! هذي نقطة

ثاني نقطة مو كأنج وايد حاطه اهتمامج عليه ! انا زوجي كان بيتوتي
بشكل ما تتصورينه تم سنه على هالحال تدرين اني مليت !!
اقوله اطلع سو لك اي شغله \ بس مو تيلس لي بالبيت !
وصج تعرف على ربع وتقريبا يطلع يومياً وانا اللي الحين متغربله ههههههههه
بس عادي يوم اقوله يسمع كلامي وييلس عادي بالبيت ومخصص
الجمعه حق طلعتنا

ثالث نقطه ترى الريال ما يحب يحس انه احد يكون حوله وايد ولا يراقبه او يمنعه
من الوناسه اللي هو عايش فيها ! خليه ياخذ راحته
مرده بيتملل بروحه صدقيني وانا هالشي شفته بزوجي
احيانا ما يطلع يومين يعني دوام وبيت بس يووم اسأله يقول متملل مالي خلق اطلع

رابع نقطه خفي الرومانسيه شوي يعني حركات وما اعرف ايش هذا من صالحج
ترى يمكن الاعضاء يوم يقرون كلامي يستغربون ويمكن يعارضون!
اقولج ليش من مصلحتج ! يوم احد يسوي لج شي كل يوم تقريباً وكل ساعه
ما تحسين خلاص تمللتي !

شوفي يوم يروح مكان قولي له ان شاء الله تستانس حبيبي بهالطلعه
وبشتاق لج ومن هالكلام بيني له انج مستانسه انه بيطلع
مرده بيحس بشي وعادي اييج بالليل من بدري
ولا يـأجل طلعته وغيره في وحده جربت هالطريقه ونفعت مع زوجها
وخاصه انه عوضها بشي كبير خلاها تستانس

عسى ربي يوفقج ويبعد عنكم الشر عن حياتكم
ننتظر منج اخر تطوراتج

خيووو كلامج على عيني وعلى راسي وانا ما ابغيه يقعد معاي كل يوم ابغيه يخصص لنا يوم بالاسبوع يكون لينا بس ,, هذا مايأجل ولا يوم مايروح ليهم اللي يقهرني انه وايد متعلق فيهم اكثر مني ومن ولده :( ومايدلعني يعاملني بجفاف ,, حياتي صايرة روتينيه يومي ممل :thumbs_down: ..... والله ضايق خلقي يوميا شغل وبيت واذا بروح بيت ابوي ساعة او ساعتين مع العلم ان بيت ابوي جيرانا يعني اروح بروحي مشي .. يعني مااحس بتغيير ..

ع

عبق الساده

عروس مشرقة

12-07-2010 | 11:35 AM

حبيبتي أبدي عالجي الغلط وين وليش هالتغيير المفاجاء الريال قبل كان شي والحين شي شوفي وين الغلط اللي بحياتج قاعد يصير شوفي ليش كل هالاهمال من صوبه عذر الحوطه مو عذر مقبول في شي لازم تعالجينه يعني الريال يحبج واضح من كلامج بس ليش تغير حاولي تجددين حياتج يمكن مل من الروتين حاولي تشترين له هدايا لا تلومينه وايد على أي شي حاولي تغيرين في ستايلج حاولي تطلعين معاه تزورين أهله أمه أبوه خواته حاولي تفهمين شنو شاعله شنو مخليه متوتر ونصيحه أختي سالفة أنا جامعيه وهو ثانويه أنسيها هذا أكبر غلط تقارنين نفسج بزوج وثانيا أنتي أخذته جدي شنو الجديد الحين أنتي رضيت فيه جدي ثانويه حبيبتي أدري مو قصدج شي من هالكلام بس نصيحه لا تفكرين فيه مجرد تفكر لان جد يخرب بيوت الله يدفع عنا وعندك البلاء

الله يسعدج ويؤفقج يا رب

ا

البحـNooRــرين

عروس فضية

12-07-2010 | 11:37 AM

أعتقد كلام الأخت جود صح
يعني خفي من الحركات و الرومانسية .... همليه أشوي و خليه ياخذ راااحته في الطلعة
مرده بيتمللل و بمل من الطلعة لهم
لان توه الحين متعرف عليهم ...
خفي من حركات الرومانسية .. و مرة وحده فاجئيه بليلة حلوة ...
و غبي فترة طويلة و ردي سويله .. و خبريه بمسج اني في هالليلة عني مفاجأة لك
راح يشوق خاصة انه قاعد يفتقد هالحركات و بعد فترة تسوينها له

لا تضغطين عليه وايد لأن شفتي شنو قاااال اهوا مااا يبي يبين لهم انه اهوا سكاااااان مرته
فخليه يثبت رجولته

ا

ام شهووودة الحلوة

عروس مشرقة

12-07-2010 | 11:46 AM

عبق الساده;12616922:
حبيبتي أبدي عالجي الغلط وين وليش هالتغيير المفاجاء الريال قبل كان شي والحين شي شوفي وين الغلط اللي بحياتج قاعد يصير شوفي ليش كل هالاهمال من صوبه عذر الحوطه مو عذر مقبول في شي لازم تعالجينه يعني الريال يحبج واضح من كلامج بس ليش تغير حاولي تجددين حياتج يمكن مل من الروتين حاولي تشترين له هدايا لا تلومينه وايد على أي شي حاولي تغيرين في ستايلج حاولي تطلعين معاه تزورين أهله أمه أبوه خواته حاولي تفهمين شنو شاعله شنو مخليه متوتر ونصيحه أختي سالفة أنا جامعيه وهو ثانويه أنسيها هذا أكبر غلط تقارنين نفسج بزوج وثانيا أنتي أخذته جدي شنو الجديد الحين أنتي رضيت فيه جدي ثانويه حبيبتي أدري مو قصدج شي من هالكلام بس نصيحه لا تفكرين فيه مجرد تفكر لان جد يخرب بيوت الله يدفع عنا وعندك البلاء

الله يسعدج ويؤفقج يا رب

اختي هو صار له 3 سنين على هالحال يوميا يروح ليهم ;) ومايتنازل ولا ليلة مايروح :!!:

وانا ماافكر ولا اقارن نفسي اني جامعية وهو مو جامعي بس اشوف اللي ياخذ جامعية يشيلها على كفوف الراحة لانه قاعدة تشتغل وتساعدة ,, انا ابغيه بس يقدر تعبي في الشغل عشان اساعده مع ان غيري عايش في البيت ومرتاح وانا لاشقة ولا بيت وبعد اشتغل ومو مرتاحة حتى نفسيا !!! يعني على الاقل يقدرني ويحط ببالة التضحيات اللي ضحيتها على شانه ,, بس ماكوو تقدير وهذا اللي مضايقني :(

ا

ام شهووودة الحلوة

عروس مشرقة

12-07-2010 | 11:47 AM

البحـNooRــرين;12616940:
أعتقد كلام الأخت جود صح

يعني خفي من الحركات و الرومانسية .... همليه أشوي و خليه ياخذ راااحته في الطلعة
مرده بيتمللل و بمل من الطلعة لهم
لان توه الحين متعرف عليهم ...
خفي من حركات الرومانسية .. و مرة وحده فاجئيه بليلة حلوة ...
و غبي فترة طويلة و ردي سويله .. و خبريه بمسج اني في هالليلة عني مفاجأة لك
راح يشوق خاصة انه قاعد يفتقد هالحركات و بعد فترة تسوينها له

لا تضغطين عليه وايد لأن شفتي شنو قاااال اهوا مااا يبي يبين لهم انه اهوا سكاااااان مرته
فخليه يثبت رجولته

مشكووورة خيوو ع النصيحة وان شاء الله بحاول اكون جافة معاه بعض الايام ,, المشكلة من اصير جافة يحسسني اني مقصرة معاه واني مامني فايده او ناقصة مثلا .. بس بعد بحاول اخذ برايج :thumbs_up:

ح

حلم العروسة

عروس جديدة

12-07-2010 | 11:53 AM

حبيبتي كل شي تكولينه على زوجك هو طبيعي وكل الازواج يسوون مثله ولكن الاهم هو هل لم يردلك طلب هل هو مقصر وياج في شي هل يقوم بواجبه بشكل جيد معاج في الليالي الرومانسية وهذا هو الاهم وان كان هناك تقصير يمكن ان تجلسوا في مكان يكون هاديء ورومانسي وبعيد عن البيت وتقولي له كل شي والله ولي التوفيق

M

Mommy2

عروس نشيطة

12-07-2010 | 12:02 PM

اختي انتي طلبتي نساعدج و ان شاءالله ماتزعلين من اي كلمه
انا لاحظت في كل كلمه تقولها انا جامعيه انا جامعيه
واهو مو جامعي
لو جامعيه بيحطني فوق راسه !!
بذمتج هذي اهو السبب الوحيد
يمكن انتي كل كلمه والثانيه تعايرينه
عشان جذي الريال تغير
جوفي الخلل من داخل البيت لازم تقعدين مع نفسج وتجوفين روحج
وين الغلط
لان مايصير الغلط من طرف واحد لازم الثنين مشتركين
واذا سالفه جامعيه ودارسه و مو دارسه
كلش ماله داعي هالمقارنه
الانسان ينخذ بالاخلاق والدين والعقل
ياما جامعيين عقلهم صغير ومايفهمون وانا ماقول الكل بعضهم
وياما ناس مو دارسين لكن عقلهم يوزن بلد

الله يوفقج

ا

ام شهووودة الحلوة

عروس مشرقة

12-07-2010 | 12:12 PM

زينه المزايين;12617173:
اختي انتي طلبتي نساعدج و ان شاءالله ماتزعلين من اي كلمه
انا لاحظت في كل كلمه تقولها انا جامعيه انا جامعيه
واهو مو جامعي
لو جامعيه بيحطني فوق راسه !!
بذمتج هذي اهو السبب الوحيد
يمكن انتي كل كلمه والثانيه تعايرينه
عشان جذي الريال تغير
جوفي الخلل من داخل البيت لازم تقعدين مع نفسج وتجوفين روحج
وين الغلط
لان مايصير الغلط من طرف واحد لازم الثنين مشتركين
واذا سالفه جامعيه ودارسه و مو دارسه
كلش ماله داعي هالمقارنه
الانسان ينخذ بالاخلاق والدين والعقل
ياما جامعيين عقلهم صغير ومايفهمون وانا ماقول الكل بعضهم
وياما ناس مو دارسين لكن عقلهم يوزن بلد

الله يوفقج

لا لا لا خيووو ولا مرة قلت له هالكلام :confused: ولا مرة يت له طاري اني جامعية لان ادري هالشي بيجرحة ويمكن يكرهني ,, بس انا اقول انا اشتغل واتعب نفسي وهو مايقدر اني قاعدة اساعدة وكلش كلش ولامرة عايرته بشي فيني لان ادري المعاير بخليه يكرهني وانا مااحب اعاير احد بعاير زوجي :!!: .. خيوو فهمتيني غلط ,, مع اني جامعية بس ترا معاش زوجي اكثر من معاشي :confused: بس انا يبت طاري اني جامعية عشان يعني اقول لكم اني اشتغل ,, مادري خخخخخ بس ولا مرة عايرته بشي ..

&

јǿđ

عروس ماسية

12-07-2010 | 12:40 PM

اختي الحين معقوله 3 سنين كل يوم يطلع ويا ربعه ومو معبرج ابد!!
احسها قووية الصراحه !

اكيد انتي مسويه شي خلاه يلجأ لهالشي !
راجعي نفسج
تقدرين تسوين له مفاجأة
تحجزين غرفه بفندق ولا منتجع
وتتصلين فيه تقولين له يا فلان انا ابيك تودينني مكان اليوم
وضرررروري توديني ولا بيصير شي
وخذيه هناك او اذا انتي عندج سيارة
دزي له مسج وقولي له انا انتظرك بالمكان الفلاني لا تتأخر
يعني حركة حلوة جذي بس مو الحين
خفي الرومانسيه بالاول بعدها سوي هالحركه
عشان ما يكون شي ثقيل عليه هو

انتظر ردج

ا

ام شهووودة الحلوة

عروس مشرقة

12-07-2010 | 01:07 PM

јǿđ;12617479:
اختي الحين معقوله 3 سنين كل يوم يطلع ويا ربعه ومو معبرج ابد!!
احسها قووية الصراحه !

اكيد انتي مسويه شي خلاه يلجأ لهالشي !
راجعي نفسج
تقدرين تسوين له مفاجأة
تحجزين غرفه بفندق ولا منتجع
وتتصلين فيه تقولين له يا فلان انا ابيك تودينني مكان اليوم
وضرررروري توديني ولا بيصير شي
وخذيه هناك او اذا انتي عندج سيارة
دزي له مسج وقولي له انا انتظرك بالمكان الفلاني لا تتأخر
يعني حركة حلوة جذي بس مو الحين
خفي الرومانسيه بالاول بعدها سوي هالحركه
عشان ما يكون شي ثقيل عليه هو

انتظر ردج

خيووو زوجي مايحب يروح مجمعات ولا يحب سالفة الفنادق ,, هو شوي مخة مال اول مو راقي كلش مايحب يروح معاي مجمع اذا بيروح بروحة مع ربعة وفي السنه مرة او مايروح ,, بس معاي مايحب ويوم اللي يوديني يكون كلا متنرفز يقول مايعجبني الوضع مااحب اشوف الرجال يطالعونج او يدعمونج بالغلط ,, ساعات يقول لي اذا بتروحين مجمعات روحي مع خواتج مااحب اشوف نظرات الرجال لج << يازعم انه يغار ..

ن

نواره2010

عروس نشيطة

12-07-2010 | 01:21 PM

اختي قوليله متى مابتطلع مع ربعك آنه بعد باروح عند رفيجتي بس لا يتعود على الوضع

ا

ام شهووودة الحلوة

عروس مشرقة

12-07-2010 | 01:28 PM

عادي عنده يقول لي طلعي ,, وهالايام يقول لي شرايج تسافرين مع خواتج تغيرين جووو ,,
لانه هو كلش مايحب السفر وماسافر الا مرة وحدة في حياته وماعادها كلش مايحب يسافر

&

јǿđ

عروس ماسية

12-07-2010 | 01:50 PM

ريلج يبي له احد يغصبه بروحات المجعات وغيره !

عيل شلون تغيرين جو وياه ! لازم تطلعون
انزين غيري جو روحي عزميه بمطعم او سوي حركة حلوة

ن

نور واهج

عروس نشيطة

12-07-2010 | 01:51 PM

اهم شيء اختي اذا تبين ترتاتحين لا تعصبين ولا تقهرين نفسش ترى الدنيا مو مستهالة حاولي انتي اختي تعودين نفسش انش ما تضايقين اذا انتتي ما كنتي مضايقة من داخلش اهو بيحس من نفسه ، وبعد بيني ليه ان عادي انه سواء قعد وياش اوطلع عادي لان بعدين بيمل ، وانتي حاولي تشغلين نفسش بأي نشاط مثلا زوري احد ، والله يهديه ويهدينا اجمعين

u

um 3looy

عروس رائعة

12-07-2010 | 02:06 PM

الله يساعدج أختي

مثل ماقالوو الاخوات حاولي تتركينه أو تتجاهلينه شوفي شنو ردة فعله

وخلي الليالي الرومانسية والحركات تصير مفاجأة يعني مو كل يوم كل يوم

وحاولي تكرهينه في الحوطة تره الحوط مصايب وفيها سوالف مايحتاج اقول

حاولي تتحببينه في البيت حتى لو غرفة خلي يتقرب لولده قولي له انه الولد لازم نطلعه نخلي يستانس مو محروم من الصغر وكله في البيت

ع الاقل يوم واحد خلنا نسوي جو عائلي ومن هالكلام وانشالله ينفع وياه

س

سهي25

عروس رائعة

12-07-2010 | 02:09 PM

ربنا يهديه ويسخره لك يا رب
حبيبتي عليك بالدعاء وقراءة القران
عسى ربي ان شاء الله يستجاب لدعائك