خدامتي بتسافر واناعلى وجهه رمضان كيف ارتب وقتي

الصراحة الله يعينج

لتنظيف البيت لازم تخصصين يوم للغسيل او يومين بحكم ان عندج اطفال صغار
ملابس زوجج بعد ما ينشفون تودينهم اللاندري حق الكوي ..
رتبي الغرف و خلي الكناس حق اخر شئ
دشي الحمامات تكرمين و غسليهم مرتين في الاسبوع ودايما اختاري وقت لما يكونون الاطفال نايمين حتى لو آخر الليل
عودي عيالج خصوصا اللي في سن 7 و 5 عقب ما يلعبون يرتبون المكان باشرافج والاطفال يحبون المساعدة وايد
المطبخ خليه دوم نظيف الفرن غطيه بقصدير وكل ما توصخ مجرد تغيرينه وتحطين غيره نظيف
المواعين لو مالج خلق تغسلين صحون وايد ممكن تاخذين صحون بلاستيك اللي حق استعمال واحد وترمينه
ويبقى عندج بس قدور الطبخ جذي بتوفرين وقت وجهد في الوقوف فالمطبخ ,, حاولي تسوين شغلج اول باول لتخفيف الاشغال اليومية
ان امكن جهزي الغداء لليوم الثاني وحطيه فالثلاجة وثاني يوم تسخنينه واذا كبسة ممكن تسوين مرقة بس وثاني يوم تحطين الرز
بتوفرين وقت وايد ,, لا تسوين كل اشغالج في يوم واحد عشان ما تتعبين وحطيلج جدول
هاليوم بسوي كذا وبكرة كذا ,, اهم شي ترتيب الوقت ابتدي بالاهم ثم المهم ..
وموفقة حبوبة

الله يوفقك ويسعدك