التجمع( 15 )لأحلى وأروع أمهات.... أمهات شهر اغسطس 2010

ايه ادري هو ما بيقصر ويايي
بس شكلي اني على اخر الحمل قمت اهلوس

اني التوزيعات تقريبا خلصتهم خالة زوجي
ويوم الجمعه طبعت البطايق ووديتهم ليها

وكويت ثياب حموود بس للحين ما حطيتهم في الشنطه
قلت بنتظر لين ما عمتي تجهز البساطات والقماطات لان هي الي بتسويهم ليي

واغراضي بعد للحين ما جهزت شي
حتى الشنطه ما جهزتها

واساسا قايله بروح ماكس او السرور باخذ ليي بيجامات حق المستشفى وملابس داخليه وللحين ما رحت
ما ادري متى بكمل اغراضي

هو مسكين يحاتي اكثر مني لان معتمده عليه وهو كلش هالايام ما يفضى
لان شغل ومعهد

وبداية 8 بعد بيكون امتحانتهم
والله يستر انجان ما اولد ايام امتحاناته

اني قايله لرجلي جيب ليي صبار مخرخش وحامض

وراح جاب ليي خوخ ومشمش وكرز
وجايب بعد رطب كيلوين مستجن
يقول ليي لا هذا اخلاص بيعجبش
اقول له بس واجد
يقول ما عليه زين للولاده

قمت ونزلت اكقر من كيلو تحت لبيت عمي
لان ادري بيخيس وما باكله

هههههه
الله يساعدش عليه
هذا ويش عجل بيسوي اذا ولدتين

من الحين البنات بدوا يتسحبون
اصغر شكله ما بيجي ايام ولادتنا الا ما فيه احد يدش
لان الاغلب بيكون والدين

هالاسبوع زوجي قايل ليي بيطلعني يعشيني لان الدكتوره قالت ليي اتحركي بس على خفيف عشان نفسيتش
بس متحيره وين اروح
تشيليز لو زياره لو تبريز
ويش رايكم

المشكله اذا الماي مو شوي مثلج ما ينشرب بالذات في هالجو

مسكينه هالكيران حشيتون فيها حش