ǁ♥ǁǁǁ تجهيزات عرائس { الجزائر } لشهر شعبان 1431 - 2010 م / الجزء = 3 ǁǁǁ♥ǁ

سندس2010;12759807:
السلام عليكم يابنات بلادي
انا راني سجلت جديدة وعجبتني بزاف هذي اللمة اللي كل وحدة فينا تفيد خواتاتها وفي نفس الوقت تستفيد
المهم انا راني مخطوبة جديدة ونورمالمون نبدى نوجد بصح منخبيش عليكم راني حاصلة واش نبدى نوجد خصوصا انو معندي والو وزيد نورمالمون العرس حتى العام الجاي ان شاء الله
المهم عندي اسئلة واستفسارات بزاف راني عارفة راح نكسرلكم ريسانكم
راني نرجع
تحياتي للجميع

line1984;12765983:
السلام عليكم يا بنات بلادي انا راني جديدة بصح معنديش clavie بالعربية

firdaousse;12761465:

السلام عليكم بنات

سندس اولا اهلا و سهلا و مرحبا بك F:
ثانيا كلشي مبروك عليك ربي يهنيك :thumbs_up:
ثالثا ماتخافي ما والو :confused: رانا هنا لمساعدة بعضنا و انشاء الله نفيدوك و لمل لا تفيدينا :I: و زيد عام كامل بربي انشاء الله بالتنظيم يكفيك :study:

سندس2010;12766944:
شكرا لك يا فردوسة وربي يخليك ويهنيك
وفعلا رانا الكل هنا باه نساعدو بعضانا خاصة انو بلادنا العزيزة تزخر بتقاليد رائعة
حبيت نسقسيكم راني حابة نخدم 2 شورات واحدة نتاع البرودي نديرها وردية والخيط وردي والثانية نديرها بغرزة الحساب ندير القماش اصفر والخيط بني اما الكوفرولي نخدمو موف ويجي بالياسمينات وفيه عفايس كروشي ملصقين فيهم وريدات
راني نستنا في رايكم

firdaousse;12759389:

يعطيك الصحة اشراق على المشاركة تاعك

بربي انشاء الله هديك السلسلة رايحة نديرلها البراسلي تاعها راه يسوى 8ملاين اااااااااااااااااااااااااا
بطبيعة الحال نسلك الذهاب بالدفعة
الذهب تاعي راني نشري فيه من ميلة من عند واحد كونفيوس خاطر غير الذهب اللي ما تشريهش من عند اللي ماتعرفيش تولهي
اخر خطرة سمت فيها الذهب عندي 10 ايام و راه الغرام تاع الذهب تاع الخارج يدير 5000دج يا يما واش غالي يقتل يحرق
كي نقول للذهاب اللي نشري عليه راه غالي يقولي
كي غلا زاد حلا هه هه هه هه

ღ MiMi ღ;12782370:

فردوس يتوحشك الخير حنونة:) كانت ضرسة العقل دايرة فيا حالة ما قدرتش ندخل و مبرووك عليك البراسلي و الله فرحت كي دفعتي عليه :03:تتهني بيه و ربي يكملك على خير بصح بزاااف 500 الف للغرام:-o

مماتي وين راهو 350 الف وش من ولاية؟^o) حنا راهو 390 حتى 400 الف و دهب تع مصر عيان مشي حاجة دهب دزاير خير