ǁ♥ǁǁǁ تجهيزات عرائس { ليبيـا } لشهر شعبان 1431 - 2010 م / الجزء = 13 ǁǁǁ♥ǁ

cute soma;12694909:
توتو... شكرا لاهتمامك حبيبتي... لو سمحتي ممكن نعرف وين مكانها رقية... بالتفصيل لو أمكن...

سوما ان شاء الله اليوم ايكون عندك عنوانها بالتفصيل

لكن بس بنقولك ان اسعارها غاليه شويا :worn_out::$:
لكن كويسه هلبا في الخياطه

kittyحتى انا نفس رايئ توتو والله اول امس شفتلها عروسه مسكينه مش طالعه عليها بهجه العروسه ابدا لا والتسريحه مش حلوة بكللللللللللل ودايرتلها قصه حفالي تى شن هذااااااااا؟؟؟؟؟؟؟؟
ونحسها مازال مشفنانه في حط المكياج مش مدموج والا كيف مهممن الاخير ماعجبتنيش وكل واحد ورايه وانا قلت للي ماحجزوش ردو بالهم وكل واحد وحظه
وانتي ان شاء الله تطلعي حلللوة يااااارب وتتفنن فيك ف عرسك

رقيقةالمشاعر;12703001:
يسلمو ياقلبى والله حبيبتى حاسة روحى مشوشة مش عارفة من وين ابدى

يارب يقدرنى مشكورة على المساعدةF:


يارب يسعدك ويهنيك:L:

حبيبتي رقيقه ممكن انا خشيت علي الخط من غير الو:-#:o
لكن حبيت بس انقولك توكلي علي ربي وبشويا بشويا واهو احني كلنا امعاك اي حاجه تبي تعرفيها كلنا في الخدمه
ونصيحه مني ابدي في الحاجات الكبيره زي الصاله والعشي وفيلوك والمزين ولو بديري زمزامات اختاري بكري لان الحجز ليه ليه وربي ايهنيك يااارب
وكله بتسخير من ربيF:

سؤال المخالفة
نبي ناخد استشوار وفير اما احسن ماركة تنصحوني بيها

واستشوار براون هل فيه في ليبيا الاصلي؟

سؤال المخالفة تاني

نبي نسال علي نوع الزيت اللي تستخدميه قبل لا ديري مكاوة الشعر
باش ما يديرش تقصف

بنات نبي نسئل على افضل الزيوت المجربه لتطويل الشعر

معليش ثقلت عليكم
عندي سوال عن كريم الكركم وين انحصله ((في اى محل في مدينة سبها))

kitty cute;12700923:
السلام عليكم
علاش اتقولوا ان نجاة النجار مش كويسه بالعكس انا شايفه عندها كم وحده وعلى الخفيف والتقيل وكلهم حلوات الحق
بس ممكن لانكم تحبوا العروسه تكون مكياجها اوفر على التانيين
وبعدين المفروض ما تقولوش هكي باش تخلعو البنات لان ممكن يكونوا في وحدات حجزوا عنها وفات فليش تخوفوهم وبعدين كل وحده ونصيبها

صباح الخير على الحلوات....والله عندك حق الاسبوع الماضى طلعت صاحبتى بصراحة قمة الروعة مكياج وتسريحة مع العلم ان صاحبتى مزاجها صعب والفيلو خيطاته فى تركيا ..والله طلعت زى الاميرة بشهادة الجميعF:F::thumbs_up::thumbs_up:

سؤال المخالفة
بالله اللي تعرف وحدة ادير في مقروض حاجة صح تقولي

زهور ليبيا;12708004:
بنات نبي نسئل على افضل الزيوت المجربه لتطويل الشعر

أكثر زيت مشكور لتطويل الشعر حسب معرفتي زيت عافية مع الحلبة مشكور هلبا في تطويل الشعر وانتي توا نجهز في واحد ناوية نبدا فيه بعد ماشكرتهولي اختي....
وانشالله لو في وحده مجربة شي تاني احسن تفيدنا:thumbs_up:

بنات افضل مقشر للوجه والجسم

كوين قصدك زيت عافيه متاع المطبخ مخلط مع الحلبه ؟

QuEEn of icE;12714001:
أكثر زيت مشكور لتطويل الشعر حسب معرفتي زيت عافية مع الحلبة مشكور هلبا في تطويل الشعر وانتي توا نجهز في واحد ناوية نبدا فيه بعد ماشكرتهولي اختي....
وانشالله لو في وحده مجربة شي تاني احسن تفيدنا:thumbs_up:

قصدك زيت عافية متع الطبخ

قولينا كيف تخلطيه مع الحلبة

يابنات في كريمات للجسم في ماركس اند سبنسر حلوات واسعارهم كويسه لو تاخدوا منهم للبتات حلوات ريحتهم

السلام عليكم
معليش انى عندى راى بخصوص المزينات عمركم ماتحكموا على المزينه لو غلطت مره او مرتين عادى اتسير لانى انحس ان لو كانت العروس حلوه حيبان عليه بس احيانا العرائس ايكونن فى مود سئ يعنى تخميم وخوف والله هذا كله ياثر على وجههوعلى نفسيتها
وبعدين متنسوش ان كل واحد وجماله وهنا ايجى شاطرت المزينه كيف تبرز هذا الجمال للناس وبعدين حتى الحظ يعب دور كبيره ههههههههههههه
انى ان شاء الله عندى كتالوج لعروسه محتفظه بيها ويوم عرسى حناخذها معايا للكوفيره لانها تقريبا قريبه منى ومن شخصيتى وان شاء الله كلنا انكونوا حلوات فى افراحنا وخصوصا عند عرسانا
مجرد راى مع احترامى للكلامك

نبي عنوان جميلة سنتر بلييييييييييييييييييييييييييييز ضروروي ضروري يابنات وكان عندكم رقمها ابعتوهولي عالخاص

السلام عليكم يا بــنات انا جديدة معـاكم
سمعوني ترحيبكم

وهذي آحلى ورده لكم F:

نبي عنوان جميلة سنتر بلييييييييييييييييييييييييييييز ضروروي ضروري يابنات وكان عندكم رقمها ابعتوهولي عالخاص

شوفي يا طرابلسية
وانتي نازلة من جهة صالة المندرة .. تفوتي جامع الصقع
تركبي من الكوبري .. اول زنقة على يدكـ اليمين تخشي منها .. قبل الشجرة الكبيرة اللي يلفن منها السيارات
البيت يجيك على يدك اليسار لونة ابيض وفيه احمر
بس ركزي بتلقيه بسرعه :I:

..

اني مشيت له ماعجبنيش مكيــاجهم مافيه شي مميز .. صح ماركات
بس عادي هذا بنظري :thumbs_down:

انتي امشي وشوفيه :)

فيرونا 25;12724557:
السلام عليكم
معليش انى عندى راى بخصوص المزينات عمركم ماتحكموا على المزينه لو غلطت مره او مرتين عادى اتسير لانى انحس ان لو كانت العروس حلوه حيبان عليه بس احيانا العرائس ايكونن فى مود سئ يعنى تخميم وخوف والله هذا كله ياثر على وجههوعلى نفسيتها
وبعدين متنسوش ان كل واحد وجماله وهنا ايجى شاطرت المزينه كيف تبرز هذا الجمال للناس وبعدين حتى الحظ يعب دور كبيره ههههههههههههه
انى ان شاء الله عندى كتالوج لعروسه محتفظه بيها ويوم عرسى حناخذها معايا للكوفيره لانها تقريبا قريبه منى ومن شخصيتى وان شاء الله كلنا انكونوا حلوات فى افراحنا وخصوصا عند عرسانا
مجرد راى مع احترامى للكلامك

عجبني رايك :thumbs_up:

فعلا الميك اب يعتمد ع الوجه مش ع الملامح

يعني البنت لازم تحافظ على بشرتها نظيفة من الحبوب النمش وغيره

وتحميها من الشمس والغبرة

اكيد بدون شك مكياج العروسة بيكون ممتاز

ولو في بشرتها مشكلة تلحق عليها وتعالجها مشاء الله دكاترة الجلدية عندنا موجودين

ليبين و باسعار مناسبة مش غالية حتى :thumbs_up:

يعني باختصار المكياج الحلو مايبدا من الكوافيرة

يبدا من بشرتك لو كانت جيـّدة او لا :065:

حياتي ليبيا;12710534:
سؤال المخالفة
بالله اللي تعرف وحدة ادير في مقروض حاجة صح تقولي

تو نشوفلك وحده عند خالاتي

بس فيه محل حلويـات اسمه ثمرة الايــادي في بن عاشور

شوفيه روعه مقروضهم :thumbs_up:

مكــانه :

نفس شارع مطعم الكوخ في بن عاشور

وحتى نفس الجهة يعني لو جاك الكوخ ع اليمين المحل بيجيك ع اليمين

حياتي ليبيا;12689289:
حبوبات وين نلقي ماركة Este Lauder يبيعوا فيها

مرحبا حيــاتي شوفي محل اللؤلؤة في النوفليين جنب شركة أكيدة LG

ولو مالقيتيش عندهم ممكن يوفرلكـ .. او ممكن يقولك وين تلقيها

و عندك محل وارء فندق الكبــير حتى هو مكيـاج و عطور ممكن تلقي عنده

اسمه راح من بالي بس هوا محل واحد مافيش غيره ..

بالتوفيق F: