حبيب الحب الحب و حبيببي
نفاس روحي بعد روحي وحالي
عسى دايم وشمسك ما تغيبي
عن عيوني وعن قلبي وبالي
:L::L::L:
تاريخ 10 يوليو
يصادف "ذكرى زواجنا"
:adore:
حبيت نطلع ونغير جو ونتعشى
حضرت لي فكره ان اعزمه
واسوي له مفاجأه..
رتبت افكاري لعشاء في مطعم coco's
*******
وبما اني كنت مشككه بحملي..:o
فكرت اني اسوي تحليل دم وفاجأه بالنتيجه;)
العصر اتفقت ويا امي الله يحفظها انها تمر علي ونطلع.. ركبت السياره وخبرتها بحملي المشكوك فيه
وعلى طوول يببت ... كللللووووش :lol::o
خبرتها اني افكر افاجأ زوجي بنتيجه التحليل من المستشفى..
رحت اول محطه الصالون استعدادا لليله :L:
وبعدها " ليلو " خذت الكيكه
رجعنا البيت نزلت الكيكه.. وانطلقناااا للمستشفى :-#
خذوا مني دم وطلعت النتيجه الحمد الله
" positive "
:)
بشرت امي وفرحت لي :D
*******
صارت الساعه 8:30 مساء
مر علي زوجي في البيت بعد ماتجهزت
ورحنا المطعم..
اتفقت ويا اخوي ايب الكيكه للمطعم بعد مانصعد فوق ونقعد
وطبعا قبل، خبرت الستاف..
وتمت الخطه ;)
والحين بنزل لكم صور طلباتنا
سلطه بلو شيز مع دجاج مشوي
طبقي دجاج مشوي بصوص الماشروم وماش بتيتو
طبق زوجي لحم ستيك بالصوص والفلفل الاسود وماش بتيتو
عصيري طعمه اينن غريب
فراوله بالنعناع والليمون :thumbs_up:
وعصير زوجي برتقال..
بعد ماطلبنا الاوردر
قدمت له اول مفاجأه
:D:D
واايد تفاجأ
وفرح من قلب
واستغرب من التحليل قالي انتي متى رحتي ومع من... لانه قلت له من قبل ماخبر احد الا بعد مااتاكد من الحمل..
الحمد الله رب العالمين
********
بعد ماتعشينا وخلصنا
دخلوا علينا الستاف الكيكه
ومسكين زوجي مو عارف شيسوي من الاحرااااج :o:|
وخصوصا جدام الناس
كانت اسامينا مكتوبه.. بس انا عدلتها بالفوتو شوب
وانا صورت فيديو من دخلتهم لحد ماانطفت الشمعه ..
صورت رده فعله..
قصصنا الكيكه وصورنا مع بعض
والحمد الله رب العالمين
فرحنا وطلعنا غيرنا جو
بما انه من ولدت ماطلعنا بروحنا
فاستغليت هالمناسبه
F:امانه ادعوا لنا بالتوفيق والله يسخرنا لبعض
ويبعد العذاال والحساد عنا والله يخلي لنا بنتنا ويحفظها من كل شر..F:
وادعولي انا ربي يتمم علي بحملي ويرزقني السليم المعافى
يارب
والله يرزق كل محرومه ان شاء الله
:L::L::L:
شموعك كل ليلة تحتفي بي
لقلبي ضي ولعمري ضلالي
عرفت الحب منك يا حبيبي
وشكرا ليك يا حبي لحالي