خلص الامر انحسم .....

حياتي لاتزعلين نفسك

صدقيني شي واحد لو كل الناس اقتعنت ففيه بترتاح من كل الناس همومها واللي هو ....

الخيرة فيما اختاره الله

انت تريد وانا اريد والله يفعل مايريد

واحلى مافي الموضوع انه يحبك معناتها رح يبذل جهده حتى يسعدك

واذا على عصبيته حاولي قد ماتقدرين تكونين مطيعه وهالشي رح يصير لما تحبينه ويصير روحك

انسي انك ماتبينه وتذكري انه قدرك

وبشطارتك تقدرين تخلينه دايم بصفك

واخيرا

اكثري من الاستغفار والدعاء

عسى الله يوفق بينكم ويشرح قلبك ويسخره لكي ان شاء الله

دامه فرحان ومبسوط عشان بياخذك ويتزوجك يعني اكيد يعزك ويحبك ويموت فيك
اعطيه فرصة وحبيه
مثل مايقولون خذ الي يحبك ولاتاخذ الي تحبه >>>يمكن هو كذا هههههههه
الله يوفقكم ويسعدكم
والف مبروك
في حفظ الله

اللهـ يسعدكـ

شوفي انتي تكلمي مع ابوج وقولي لي انتي مو موافقة وشوفي شنو ايصير اذا وافق خير وبركة اذا ما وافق الله يسخر لج ريلج ...

واذا ولد عمج ريال زين وطيب ويحبج وشاريج ومتمسك فيج شنو تبغين بعد يعني انتي يمكن رافضته لانج ما تصورتي في يوم انه ايكون زوجج بس فكرتي فيه على انه ولد عمج فانتي فكري فيه على انه زوجج ويمكن يعجبج واذا على عصبيته وغيرته فانتي تالي راح اتعرفين اتصرفين وياه من معاشرته .... وبعد انه ما انصحج انج اتكلمينه وتقولين له انج مو موافقة لانه يمكن يقصبج ابوج وتالي تاخذينه وتالي بتصير بينكم حساسات فانتي استخيري ودعي ربج انه ايوفقج ويسخره لج ولا تخافين يعني اذا كان ريال زين فوافقي والله ايهنيج ...

حبيبتي الزواج مو بالغصب اول شي واذا انك حاولتي ومارضو اهلك فالاهم هو كيف اخلاقو ...

ماعليك من انو عصبي وغيور وكذا وكذا هذا كلو بيتغير بعد الزواج بطريقتك والله العظيم عندي اخ قبل الزواج عصبييييييييييييي نااااااااااااااااااااااار ماحد يقدر يخالفو في امر والا انفجر فيه بشكل مخيف والله بس بعد الزواج ؟؟؟؟؟؟؟!!!!!!!!!!! تغير 180 درجه والله صار هادي ومايعصب بسرعه بالو طوووويل
الاهم اخلاق ابن عمك محترم ؟ مؤدب ؟ اخلاقو كويسه ؟ محافظ على صلاته ودينه ؟ هذا اهم شي ومادام يحبك ليه لا ؟ الا اذا كان في احد بحياتك ؟ حبيبتي الحب يجي بعد الزواج اكثر واكثر وكل يوم يزداد خصوصا انك فجأه راح تتفتح عينك على اشياء ماكنتي تشوفيها فيه وراح تستغربي من نفسك انو معقول هذا هو نفسو كيف ماشفت هالاشياء فيه من زمان .......... من جد عن تجربه ......... الله يوفقك يارب

دامه فرحان ومبسوط عشان بياخذك ويتزوجك يعني اكيد يعزك ويحبك ويموت فيك
اعطيه فرصة وحبيه
مثل مايقولون خذ الي يحبك ولاتاخذ الي تحبه >>>يمكن هو كذا هههههههه
الله يوفقكم ويسعدكم
والف مبروك
في حفظ الله

انا بقولك كلة وبس

اخذي الي يحبك ولا تاخذين الي تحبينة

الله يكوون بعونك...ماتدرين يمكن ربي يسخره لك وتعيشي معاه احلى عيشه..وخلص مادام الامر انحسم خليك قوويه وتفاؤلي ياالخير
اله يفرج همك حبيبتي

بس كيف ابوكي ما سألك رأيك؟؟!!!،،لان دي خطوة مهمة لاتمام الزواج،،،اعتقد راح يسألك،،ادا سالك قولي له رايك بصراحة بس بهداوة و حطي اسباب مقنعة عشان يقتنع،،،

واذا ما سالك،،انتي كلميه بس باسلوب يروقه ،،يعني لا تروحي تقولي له: انا مو موافقة و ما ابي ابن عمي و كذه،،،لاااااااااااااااااااا،،،،،،،،،انما تعالي باسلوب مثلا قولي لابوكي من غير ما تحسسيه انك رافضة: ايش رايك نصبر شوي و تاخذ فرصة تتعرف على ابن اخوك عن قرب، لانني طبعا مو رافضته بس اخاف من المستقبل و حاجات كذه ،،عشان يقتنع يصبر،،،

نصيحتي ليكي : امسكي العصا من النص يعني لا تقبليه بسرعة و حاولي تتناقشي مع اهلك عشان ما تحسي بالضغط عليكي،،و في نفس الوقت لا ترفضيه بصراحة و من اول الطريق،،خذي وقتك تتعرفي عليه عن قرب و قبل ما تعجلوا في الملكة.

ان شاء ربي يقدم لك الخير

الله يكون في عونج حبيبتي بس ليش ما تستخيرين واذا كان فيه الخير لج راح يكون من نصيبك والحب يجي بعد الزواج
اما اذا استخرتي وحسيتي بضيق فيعني انج لازم توقفين هالزواج حاولي تكلمي امك او اي احد اكبر منك ويفهموهم انه انتي لج الحق توافقين وترفضين

والله يوفقج

احب اطمنكم اني واذا ما حبيتة حاعاملة على اصول ديني وانا ما برضى اكون ملعونة او انانية وانا ما قصدت الحب بذات نفسة انا من خلال تصرفاتة بكرهه وما بكنلة اي احترام ..

خذ اللي يحبك
حاولي تتاقلمي مع الوضع

استخيري يا حبيبتي والخيره في مختاره الله ............ واذا ما تبينه روحي واجهي ابووووووووج قوليله ماابي الولد ولا احبه

ترى مافيها شي ........ وهذا حقج ونص بعد

شنو هذه الاراء الغبية؟ البنت تقول ما تحبه, تقولوا لها جربي و يمكن تحبه؟ هي مو لعبة. من رايي تخبري الولد مباشرة و تخبريه برايك, و ما اعتقد انه اذا عرف انك ما تبينه بيفرض نفسه عليك و الله ييسر لك امرك.

**اريام**;12599715:
احب اطمنكم اني واذا ما حبيتة حاعاملة على اصول ديني وانا ما برضى اكون ملعونة او انانية وانا ما قصدت الحب بذات نفسة انا من خلال تصرفاتة بكرهه وما بكنلة اي احترام ..

عفييييه عليك ياعسل..الله يسعدك ويطمن بالك:thumbs_up:

احلي الليالي;12602867:
شنو هذه الاراء الغبية؟ البنت تقول ما تحبه, تقولوا لها جربي و يمكن تحبه؟ هي مو لعبة. من رايي تخبري الولد مباشرة و تخبريه برايك, و ما اعتقد انه اذا عرف انك ما تبينه بيفرض نفسه عليك و الله ييسر لك امرك.

هلا اختي..هيا تقول خلاص انحسم الامر..يعني مابيدها شي..الله يكون بعونها