أنا حامل متى أفطم بنتي؟؟؟؟؟

هلا...انه اختي عرفت انها حامل وبنتها عمرها 4 شهور... ويوم سألت الدكتورة ... قالت لها فطميييها مباشرة .... لانه هذا يضر الجنين .. لانه بصير عنده نقص في الكالسيوم وجذي..... وعطيها حليب في الرضاعة ......

انا سمعت اذا تررضعينها وانتي حاامل بنتج تمررض ...

موززين ...

خذي ليها حليب ... وفطميها ...

...

لان اختي ماكنت تعرف ان اهي حاامل وبنتها مرضه عليها

وبعدين درت انها حاامل ..

ياليت احد يفيدج اكثررر

..

الف مبرووك

في اسرع وقت فطيهاااا

احسن لك ولطفلتك لانها راح تضعف وتمرض

والله يقومك بالسلامة

فطميها خيتو مو زين

انتي الا بتتعبين يصيدش نقص

نقص كالسيوم

لانه بصير الجنين يتغدى منش وبنتش بعد

ماتقدرين جدي

حبيبتي فطميها وخلاص مش لازم ترضعينها سنتين
ع قولت امايه ههه حولين

فطميها وخذيلها حليب اطفال بس مش نيدو

من الصيدليه

والله يحفظلج بنتج

هلا حبيبتي أنتي مثل حالتي أنا الحين حامل في الشهر 4 وقالت لي الدكتوره لازم تفطمين ولدج بعد ماتكملين 3 شهور من الحمل والحمدلله قمت أرضعه بس وقت النومه في الليل وباقي اليوم كله حليب رضاعه


الله يتمم عليج أن شاء الله

فطميها بلا تردد لان وراج جنين يتغذى منج مو ناقصة حبيبتي
وترى مهي صغيرة اخذت كفايتها من المناعة..

الحين قبل باجر
ديري بالج عليها مو زين الحليب لها يكون حار
نسمي (مهل) حروره في معدتها مو زين فطميها
وربي يعوضها بالخير



دمتم سالمين
اختكم شريفة

الافضل انج تفطمينها وخليها ع الرضاعه افضل واصح !

انا مع كلام اختي الماسة انا سمعت من الدكتورة ان ممكن ترضعي طفلك لغاية الشهر الثالث من حملك وبعد هيك على طووول تفطميه
واسئلي دكتورتك افضل حتى تطمئني والف مبروك وربي يتمم بالخير والسلامة

هلا حبيبتي ,, أول شي مبرووك الحمل
والله يتمم لج على خير

حالتج مثل حالتي ,,
دريت عن روحي حامل وقمت شوي شوي أخفف له الرضعات
يعني كل 6 ساعات إلى كل 8 ساعات إلى مرتين باليوم وبعدين مره وحده قبل النوم
صح كان يعور قلببي ,, بس هذا الاحسن ,, لأن يمتص الكالسيوم من جسمي والنونو محتاج للكالسيوم من جهه ثانيه
والحين أعطيه الحليب العادي المراعي بالنكهات أو حتى الحليب الطبيعي لانه زين له في هالسن

والله يكون بالعون ..

ياقلبي ضروري تفطميها مريت بنفس حالتك بس بتدريج عشان ماتتأثر نفسيتها والله يعنيك

حبيبتي توكلي على الله وفطميها على طول

ما دام عمرها سنه راح تنسى بسرعة ولا راح تتعبج

وخلاص اهي تاكل وتشرب

وحليبج الحين ما يمثل لها غذاء اساسي

والرضاعة مع الحمال متعب ومضر للام والجنين واللي يرضع

اصلا مو زين لا للجنين ولا البيبي اللي يرضع بتمرض الجاهله فطميها الحين
التعويض المفروض بنتش تاكل كل شي الحين
الله يثبت اليش

شكر أخواتي العزيزات على الردود الطيبة وأسئل الله أن يرزقنا الذرية الصالحة