شعري رااااااح ساعدوني ناوية أشيله بالموس

nqn;12569995:
شوفي حياتي انا سمعت ان الصبار وايد زين حق الشعر....تاخذين قطعة صبار وتشيلين اللب كامل وتخلطينه في الخلاط عقب تضيفينه على علبه فيها زيت حلبه وزيت زيتون وثوم وشوي زيت خروع عشان يغلض شعرج وزيت جوز الهند وكل هالمواد تلاقينها في الجمعيه او اي عطار.....وقبل لاتستعملينهم سخنيهم 1/4 ساعه في ماي حار وعقب دلكي فيهم شعرج وعقب ماتخلصين تمشطينه حطي على راسج فوطه دافيه وخليه حول النص ساعه او ساعه بس مو اكثر .....ترا الدهن صج انه مفيد للشعر بس اذا طول ممكن يضره...

الله يشفيج من العين ....حسبي الله ونعم الوكيل خاطري اعرف ليش يحسدون يعل عيونهم البـــــــــــط ......اقري اذكار الصباح والمساء كل يوم

معلومه جديدة لي إن الدهن إذا طول يضر الشعر وأنا ليل ونهار أدهن شعري:-o

شكرا الله يسعدك

نوسة حياتي
تمنيت
كيكة قطرية

تسلمون والله يكتب لكم كل خير
زيارة طبيب تكلف كثير والمادة ما تسمح لي

همس999;12573733:
والله مثل حالتي حاسه فيك

الله يرجع شعورنا مثل او ل

ان من كثر الوسوسه امسك جوالي وصور فروت راسيل واحلى

الله يشفيك ياهمس 999 ويبعد عننا الوسوسة ويرجع شعورنا مثل أول وأحسن

صمت ريميه;12578146:
ياعمري روحي لشيخ لو شاكه انها عين :(
الله يشافيك وربي حست فيك لان اختي الصغيره زيك بالضبط وانا لي كم اسبوع شكلي بصير زيكم بعد يطيح بشكل جنوني :(

استخدمي زيت زيتون مقري فيه عسى الله يعينك ويشافيك وجميع المسلمين :(

الحمد الله بديت أقرأ على نفسي الرقية الشرعية وسورة البقرة
والله يشفي أختك ويبعد عنها العين والحسد
ويا عمري إن شاء الله ماتصيرين مثلنا والله معناتنا ما يعلم فيها إلا الله إرقي نفسك من الأن

عيون الظبي..;12578208:
اول شي وقبل كل شي اختي الله يشفيج ويرجع شعرج مثل قبل واحلى

وثاني شي تعودي دايما اقري ع نفسج هب بس شعرج كل شي حتى لما تجوفين انج احلويتي مثلا اقري ع عمرج ترا العين تصيب

والحينه ابدي ييبي زيت زيتون وخلي حد يقرى عليه وادهني به شعرج ثلاث مرات ف الاسبوع

واستخدمي الصبار تراه واايد زين للشعر حبيبتي بس اهم شي كل شي اقري عليه اي خلطه بتسوينها اقري عليها وخلي نيتج لله بس ان الله قادر يشفيج

وبس كل ماتجوفين نتيجه حلوه صلي ع نبي واذكري ربج ولاتراوين الناس شعرج اختي تراه مب زين مب الكل يصلي ع النبي وهذا الشي عن تجربه


وانتي تسوين كل هذا خلي ايمانج بالله قوي انه الوحيد الي يقدر يشفيج

وماعليج شر ان شاءالله والسموحه ع القصور

تسلمين معلوماتك حلوة الله يفرج همك ويرزقك بإللي تتمنينه كلامك فادني كثير

بنوتة الرفاع;12578249:
الله يشفيج اختي وانشالله يطلع لج شعر حلو وناعم وطويل بعد

الله يجبر بخاطرك ولكي بمثل ما دعيتي لي وأحسن

اميرة الاحساس;12585274:
ياحياتي عليكي ان شاء الله يارب يرجع متل اول يارب

الله يسعدك ويجبر بخاطرك
شكرا

جوارس;12585487:
يارب يرجع شعرك مثل اول واحسن

لاتشغلي بالك ترى الحاله المزاجيه تلعب دور

غذي نفسك بعصيرات وخضروات واشياء مفيده وحطي زيوت والله ماعندي فكره بس ماحبيت ادخل واطلع بدون رد

واهم شي كثري من الاستغفار وصلي الليل وادعي

الف سلامه لك عزيزتي ..

شكرا
صح الحالة المزاجية تلعب دور ألاحظ فترة الإمتحانات يزيد التساقط
الله يسعدك
ويارب يطول شعرك لين ركبتك وينعمو مثل ذيل الحصان

cool 3roos;12592611:
ان شاء الله يرجع شعرج مثل أول .. اتوقع ان سبب تساقط شعرج عين صابتج

شكرا عالدعاء الحلو

أكيد سبب التساقط عين ألاحظ أحيانا لمن أقرأ سورة البقرة تنمل أطرافي وأحيانا راسي
حسبي الله ونعم الوكيل

لاياختي لا تروحين لدكتوره ولاشي اولا ابعدي عن كل الشامبوهات الكيماويه واستخدمي الشامبو الاحمر القديم اللي مرسوم عليه صورت حرمه وعليه سلفر واستخدمي جل الصبار ودلكي فيه فروت الراس وزيت النارجيل جدا رائع ونصيحتي لاتكثرين من الزيوت استخدمي نوع واحد فقط وراح تدعيلي