المقادير بسيطة اوس
3 بيضات
معلقة فانيليا
نص كوب سكر
نص كوب دقيق
ربع كوب نشا
الاول نخلط اول 3 مكونات سوا
نضربهم مش اقل من 5 دقايق على سرعه عاليه لحد ما يبقوا شكلهم زي الكريمة كدة
نكون قلبنا النشا والدقيق سوا ونحطهم على خليط البيض
نقلب زي ما عرفين من تحت لفوق برفق
نجهز صينيه ونفرشها بزرق زبدة
نصب خليط الكيك في الصينيه ونساويها كويس وندخلها الفرن على درجة حرارة 160 لمدة 10 دقايق
نقلب الصينية على ورقة فويل ونزيل ورق الزبدة برفق جدا
نقطع الجوانب عشان نساويها
نجهز مكونات الحشو
كريمة فوستر كلاركس
وعلبة دانيت بالمهلبيه
وعلبة فواكهة مشكله
نضرب الكريمة بالطريقة المعروفة ونضيفلها المهلبيه والفاكهة ونفردها على الكيك
نلفها براحة جدا وبحذر بالفويل وندخلها التلاجة ساعه او اتنين
ونخرجها ونقطعها
اتفضلوا
وطبعا ممكن نسيح شيكولاته بيضا على حمام ميه ونغلف بيها السويس رول هتبقى تحفة جدا بس للاسف مكنش عندي بس ان شاء الله المرة الجايا
