استفسارات و تسؤلات الامهات عن كل شئ ::: الجزء الثانى

bosy_md;12605313:
ميرسي يا سوسي .. بس هو مقاس ٣ ده يلبس لحد سن كام تقريبا؟


صوت العيون هو اللي في المعرض ده اللي قصدكم عليه؟ أنا بعدي عليه كل ما انزل المعرض بس مش ببص عليه بحسبه مصري و بخاف من الاسماء اللي مش معروفة الصراحة.. طيب يعني بجد كويس اجيب منه و لا بيبي فاين احلي؟ اه نسيت اقولك أصل أنا من مرسي مطروح بس المعارض دي مش طول السنة صيف بس يعني..

هو المعرض يا جميله شفته واحده كدا كل الى عندها بامبرز ومناديل تغير الحفاض وهو فعلا شغال فى الصيف بس
لانى مبروحش غير فى الصيف الحمد لله
وبيبى فاينى مشفتش حد شكر فيه صراحه

Bossy22;12609103:
يا بنات هى الرضاعة لازم كل ساعتين وللا لما البيبى يجوع يعنى لو قعد4 ساعات من غير رضاعة غلط وده فى حالة ان الوزن كويس

لا يا جميله كل لما تجوع طبعا ان شاء الله

Bossy22;12609458:
دلوقتى يا بنات انا اديت لبنتى تطعيم الشهرين يوم 30-6 اوكى وكان سنها شهرين و اسبوع دلوقتى اديلها الروتا والانفلونزا البكتيرية امتتى ؟؟؟؟؟؟؟؟؟؟؟؟؟؟ ضروورى عشان اتلخبطت خالص وهى عندها شهرين و18 يوم دلوقتى

بصى كنت سالت الدكتور على التنظيم زيك كدا
بس كنت بدى انفلونزا بكتيريا فقلى لا ملهاش دعوه اتاخرتى او لا
فانتى برده اسالى الدكتور بتاعك

بنات ان والده ليا 4 ايام والحمد لله اللبن نزلي بس رنا بتقشط قشط لون اصفر
مش عارفه ليه
وكان بحس رضعتها صغيره اوي مش بترضع كويس وبحسها بتتعب كده
مش عارفه انا بتخيل ولا ايه

حمد لله على سلامتك انتى ورنا
وبتهيئلى هما فى الاول بيرضعوا كل شويه حبه نونو نونو

هوبا انا بنتى اول الولادة كانت بترجع ترجيع لونه اصفر كده الدكتور قاللى عادى و ناس قالولى اللون ده من الادوية االلى انا كنت باخدها بعد الولادة مش عارفة بقى بيفتو وللا ايه بس هو عموما عادى

نونة جرعة الفيدروب 4 نقط ومكتوب كده فى النشرة بتاعته

صوت العيون;12603534:
وهو كدا يبقا مخفف صح ولا نخففه اكتر لما يتعصر
ماهى اول مره اشوف العلبه دى
هل فى هايبر وكارفور وخير زمان والحتت دى
كمان قوليلى الكارير استخدمتيه من امتى

اه موجود فى هايبر وكارفور شفته هناك كذا مرة

m@hy;12591854:
ربنا يشفيلك اوجى ياااارب

انا كمان الدكتورة بتاعتى قالتى البرشام اللى بيدر اللبن زى الهربانا ملهوش لازمة بعد شهرين من الولادة اصلا فلوس على الفاضى


انا كنت منزلة فرق بين البامبرز السعودى و المصرى هبصلكو على الصور

الله يخليكى يا ماهى

صوت العيون;12592878:
السلام عليكم ورحمه الله وبركاته

سؤالى بالنسبه لعصير التفاح ازاى بتعصروه ممكن اعرف سالت السؤال دا كتير ومحدش بيرد لعيا مش عارفه ليه كانه سر قومى
كمان عصاير ايه غير البرتقال خصوصا لو مش موسم البرتقال
وبيتخففوا بنسبه كام لكام ان شاء الله

وماهى ايه الهيرو دا فى الصيدليه ولو عندك صورته وسعره

سألت الصيدلى على السيريلاك لاد ايه قالى من بعد الشهر الرابع ان شاء الله

هى جرعات تطعيم الانفلونزا البكتيريا كام جرعه هى كل شهرين صح
بعد التالت والخامس ان شاء الله والسابع هل هى بقا 3 جرعات ولا كام

الاكل كله لما البيبى يتم الرابع قبل كده المعدة مابتبقاش لسة اكتملت
جرعة الانفلونزا البكتيرية يا مورو ياللى مش بتركزى فى الكلام ;) تلاتة عند شهرين وخمسة وسبعة بس يبقى الفرق بينها وبين تطعيم الشهرين اسبوعين على الاقل
وفى جرعة تنشيطية كمان على سنة ونص

صوت العيون;12593038:
جزاك الله خير يا سارة

طيب سؤالى كمان البامبرز المصرى حساه مش بيشرب الكيكى مش عارفه ليه
وبتجمع على جالناب ولو ممكن لفوق ويسررب
يعنى مش بيتشرب
فهل ممكن اجرب فاينى البمبى دا شكله الجديد
حد جربه
او ابدل البامبرز بايه ان شاء الله

كمان حد سمع عن ماركه كوتشى سليبى

البامبرز المصرى والمستورد والبيبى جوى مش بيشربوا الكيكى بيتهيألى مفيش اى نو بامبرز ممكن يشربه

dew.dew;12583454:
ابتدى ااكل البيبى امتى ؟؟؟؟؟؟؟؟؟؟
فى الشهر التانى ولا التالت ولا الرابع ولا الخامس ولا السادس؟؟؟؟؟؟؟؟؟؟؟
وااكله ايييه؟؟؟؟؟؟؟؟؟

فى مدرستين فى الطب
يا اما لما البيبى يتم اربع شهور
او لما البيبى يتم 6 شهور
والدراسات اثبتت ان الاتنين مفيش منهم مشكلة
منظمة الصحة العالمية بس هى اللى اجبرت شركات السيريلاك والحاجات دى انهم يكتبوا من 6 شهور عشان فى ناس ماعندهاش ثقافة كافية ولما بتأكل البيبى يمنعوا عنه اللبن مع انه مهم جدا عشان كدهكاتبين الجملة دى بس قريب هيرجعوا يكتبوا من اربع شهور عادى
خصوصا ان البداية من 6 شهور بتبقى متأخرة قوى لانك لسة فى الاول بتجربى معاه الاكل نونة نونة ومش بياخد وجبات كاملة الا بعد فترة

انا هقولك على نظام الاكل اللى هبدأه مع بنتى ان شاء الله وده النظام اللى قايلى عليه الدكتور
هنبدأ الاول بالخضار: كوسة بطاطس جزر بطاطا موز تفاح
الحاجة تتسلق او على البخار وتتهرس كويس وتجربى معاه معلقة صغننة نوع واحد فى المرة الواحدة وتثبتى معاد الوجبة
وتنجربى كل االانواع لحد ماتعرفى بيحب ايه ومش بيحب ايه وتبدأى تزودى فى الكميات وتخلطى
الكلام ده لمدة اسوبعين تلاتة
وبعدين تبدأى فى ميعاد وجبة جديدة وتثبتيه برضه بالسيريلاك قمح او رز ونفس النظام اسبوعين تلاتة
وبعدين تدخلى فى الوجبة التالتة شوربة عدس وفول وصفار بيض

dew.dew;12583836:
يعنى كنتى بتفوتى ميعاد رضعه وتدوقيها ولا كنتى بدوقيها وبعديها ترضعيها فى نفس الوقت

فى الاول لما بيدوق بتكملى الوجبة رضاعة
وبعد كده بياخد وجبة كاملة مشبعة

الزبادى والجبن لما يتم 9 شهور
واللبن البقرى والعسل لما بتم سنة

كيوت لولا;12576446:
ماميهات هوا مين احسن ترمومتر في الاستخدام عن تجربة

ترمومتر الديجيتال ممتاز
انا عندى اومرون وما شاء الله كويس

أم حموودى القمر;12578762:
بنات بالنسبة للقشط الجامد اللى كانت بتقول عليه بيبو انا برضه فلة ممكن تقشط فى الرضعه الواحدة 5 مرات

وساعات اكتر وبيبقى باندفاع وساعات ينزل لبن سايل وساعات بيكون حتت كده النهاردة حصل كتير وكل يوم بيحصل بس

النهاردة ركزت معاها وخدت بالى اوى

كده هحتاج اجبلها جاست ريج وخصوصا انها بتقعد بال 4 ايامش بتعمل بيبى وفى اليوم الرابع بديها اللبوسة لانها

بتموت نفسها من العياط فقلت اساعدها واللبوسة بتنزل بحالها مع الكيكى

انا كنت بجيب جاست ريج ده لحمودى علشان ينظم حركة الامعاء ويظبط موضوع البيبى ده لانه كان كده برضه بس

لما بدا ياكل الموضوع اتظبط شوية

الف سلامة عليها ربنا يشفيها
اديها جاست ريج فعلا كويس الحمد لله وبينظم الدنيا شوية

Bossy22;12602794:
نونة بامبرز الابيض بيبقى كله قطن و الناس بتشكر فيه ميكوو كانت بتستعمله وكانت بتشكر فيه هى ميكوو فين صحيح اختفت فين
ميروو هو انفلونزا البكتيرية بعد 3 اسابيع وللا اسبوعين من تطعيم الشهرين ماكانو بيقولو اسبوعين بس و هتدو ولادكو الروتا وللا لا

اسبوعين اقل حاجة ممكن اكتر
انا اديت اوجى الروتا

♥أم°•♥DANDONA_2010 ♥•°حلا♥;12567048:
ننونا معلش هما الظاهر مولودين واخدين ع الشيل
ربنا يعنا عليهم يااااااارب
بس انا عاوزة اعرف ازاى اعرف ان الى بتقشطة دة كمية طبيعية يعنى ولا كتير وساعات القشط بيكون لبن سايل كدة وساعات بيبقى حتت مسكة نفسها زى الجبنة كدة مش عارفة قلقتونى

والف سلامة على بنتك يا بيبو وربنا يشفيهالك يارب ويحفظها ويحفظ ولدنا جميعا يارب

ربنا يخليكى يا جميل
بصى البيبى عادى يقشط مرتين تلاتة فى اليوم لكن لو بعد كل رضعة وكذا مرة وكميات يبقى كده كتير
والقشط بيبقى لبن سايل او زى الزبادى كده عادى

Bossy22;12609103:
يا بنات هى الرضاعة لازم كل ساعتين وللا لما البيبى يجوع يعنى لو قعد4 ساعات من غير رضاعة غلط وده فى حالة ان الوزن كويس

لما تجوع اكليها

Bossy22;12609458:
دلوقتى يا بنات انا اديت لبنتى تطعيم الشهرين يوم 30-6 اوكى وكان سنها شهرين و اسبوع دلوقتى اديلها الروتا والانفلونزا البكتيرية امتتى ؟؟؟؟؟؟؟؟؟؟؟؟؟؟ ضروورى عشان اتلخبطت خالص وهى عندها شهرين و18 يوم دلوقتى

يبقى لما تتم شهرين وتلات اسابيع تديها باقى التطعيمات عشان يبقى الفرق اسبوعين

hoba555;12619204:
بنات ان والده ليا 4 ايام والحمد لله اللبن نزلي بس رنا بتقشط قشط لون اصفر
مش عارفه ليه
وكان بحس رضعتها صغيره اوي مش بترضع كويس وبحسها بتتعب كده
مش عارفه انا بتخيل ولا ايه

الف مبروووووووووووووك يا هوبا حمدالله على سلامتك انتى ورنا :adore:
فى الاول الرضعة نونو ماتقلقيش

احنا يعنىمثلا بندى البيبى كل يوم نوع اكل جديد ولا اما بنجرب الحاجة نقعد عليها كذا يوم

♥أم°•♥DANDONA_2010 ♥•°حلا♥;12622473:
احنا يعنىمثلا بندى البيبى كل يوم نوع اكل جديد ولا اما بنجرب الحاجة نقعد عليها كذا يوم

لا يا دندن مش كل يوم نوع
يعني لو هاتديلها النهاردة تفاح مثلا مسلوق يبقي النهاردة معلقتين بكرة 4 بعده 6 واليوم الرابع تديلها منه لغاية ماتشبع وبعد كدة تجربي نوع تاني
ماتجربيش نوعين في نفس الوقت علشان لو ماتقبلتوش او كان عندها حساسية من حاجة لا قدر الله تبقي عارفاها هي ايه

هو الكارير استخدمه بامان من امتى ان شاء الله

دلوقتي بقي يا بنات نورين كانت بتاخد سيريلاك رز عادي وبتحبه يعني هي بدأت بالرز الاول
قلت بقي اجيبلها قمح كمان وامشيلها الاتنين مع بعض
وهي مش متقبلة طعمه نهائي وتقعد تبعد وشها مش عايزة بقالها 3 ايام كل مرة افتكرها بتدلع واغصب عليها واكلها بالعافية تاكل وبعدين بعدها بكتييييييييير بعد كذا رضعة كمان الاقيها قامت مرجعة ياحبيبتي نافورة ترجيع فجأة والترجيع سيريلاك ولبن وكللله يعني بيبقي ماتهضمش اي حاجة منه
تفتكروا بقي هي كدة عندها حساسية من القمح ؟؟؟؟؟؟؟

مع العلم اني كنت بديلها بسكوت عادي بشاي او اعشاب وبتاخده وبتحبه بس اخر مرة كانت من شهر ورجعته نفس الترجيع اللي بيحصل دلوقتي دة مش البسكوت هو هو القمح ؟

مش يمكن عشان اتعودت على اطعمه معينه
فرفضه الجديد
اصبرى شويه وممكن وانتى بتاكليها سيريلاك الرز
دخلى فى النص كدا معلقه سيريلاك القمح
وشوفى هتحس بالفرق كمان لو حست متهتميش
كملى عادى
وواحده واحده كترى من النوع التانى

فكرة برضه ادخلها معلقة في النص كدة بس انا خايفة ترجع الترجيع دة تاني
المشكلة انها جربت البطاطس والجزر والتفاح والموز مش عارفة اشمعني القمح ؟؟؟

مورو استخدمي الكارير من دلوقتي عادي

بس جربى انتى
وان شاء الله تاكله
ودوقيه يمكن طعمه وحش هههههههههه

متاكده يا سوسى اصلى خايفه بصراحه
انتى بتستعمليه
هو مش ضهرها لسه طرى ولا ايه ان شاء الله

مورو لو الكاريير نوع كويس يبقى متخافيش
لانه بيبقى فيه تظبيطات لكل الاعمار

ازاى تظبيطات
لو شفتى صور ماهى او كتكوته على الفيس بوك هو زيه بالظبط

مش عارفة انتى هنا و لا لأ بس هو بيبقى زى مثلا حزام بيضيق بطريقة معينة لو عمر الطفل مثلا 3 شهور و يتوسع بنفس الطريقة كل ما الطفل يكبر و كده

سؤال ياماماهات معلش
ارخص بلاى جيم شوفته ب169 جنيه
محدش يعرف محل بيبيع بلاى جيم ارخص من كده؟؟؟؟؟؟؟؟

عادى يا مورو انا بستعمله من وجودى عندها شهر و نص وهو مكتوب عليه من سن زيروو هو مرسوم عليه لو اقل من 4 شهور يبقى وشه ليكى لو اكبر يبقى وشه لبرة
دلوقتى يا بنات انا البامبرز بيعمل لجوجو علامات حمرا كده فاهمين يعنى اكننا لابسين برا كده و عاملة علامات
انا بخللى اللزقتين قصاد بعض بالظبط لانى لما بخليه واسع بيكون فى مسافة بينه و بين بطنها و بخاف يسرب هى العلامات الحمرا دى عادى و هى بتبقى كتير