الطريقة سهلة اوي ومخدش مني بجد 10 دقايق
والمكونات بسيطة زي الصورة
دجاج مقطع وممكن نستخدم بداله لحم او جمبري
جزرة مبشورة
كيس بهارات ماجي برياني
ورز مغسول
نحط معلقتين كبار زيت ونحمر فيهم الدجاج مع بهارات برياني ماجي وشويه ملح
نقلب لحد ما الفراخ تتحمر
وبعدين نضيف الرز والجزر ونقلب كويس ونغطيه بالميه ونسيبه يستوي
طبختنا بقت جاهزة خلاص
الطبق كان محتاج رشه من الكسبرة الخضرا بس للاسف مكنش عندي
نعمل جنبه سلطة زبادي او اي نوع سلطة نحبه انا عملت سلطة جرجير لانها سلطة بسيطة جدا ولذيذة في نفس الوقت
وهي جرجير مغسول ومقطع وطماطم وزيتون اسود وجبن برميزان مبشور
وانا مش بحط اي تتبيله لان الزيتون والجبنه كافين جدا انهم بيدوها نكهة جميله ولذيذة اوي اوي
