جوبونى لو سمحتم ولا تطنشوا

أم سلمى2007;12532985:

صح اللى عملتيه لان رجوعكم لبعض لازم يكون

على اساس سليم لاجل ما ترجعى بعد فترة قصيرة

تعانى تانى من نفس اسباب المشكلة الاولى

اصبرى شوية

لما يكلمك كلميه بحنان

ووضحى له إنك تتمنى ترجعى له لانه الشخص

الوحيد اللى حسيتى معه بالامان والراحة

لكن الأن إنتى مش حاسة بالامان لاسباب هو

عارفها وإنتى مش مستعدية تعيشى فى رعب

بقيت عمرك

فلازم يحدد حدود لتدخل الأخرين فى حياتكما لو

فعلا لسه شاريكى وبيحبك

وخليكى صامدة على موقفك ده

لانه مش فى مصلحتك التراجع عنه

وربنا يسخره لك ويهديه

أختك فى الله ام سلمى

الأصدقاء0;12542766:
أختى أم سلمى جوزى كلمنى لكنه لسه عندى لكنى أحسست أنه بدأ يلين لكلامى ولكنى أصررت على موقفى
وقولتله لازم بقى ليك شخصيه وأنت أللى تمشى بيتك مش أخواتك
وقولتله انت بتسمع كلام اخواتك بس أنا متجوزاك انت
ولقيته انكر الكلام أللى قلهولى لما كلمنى من قبل
وبيطلعنى كدابه
قولتله طلما انت شايفنى كدابه يبقى ننفصل طالما انت شايف مراتك كدابه ومش ماليه عينك
صح أللى حصل منى وكنت قاسيه عليه فى كلامى

sweet reeme;12547994:
ممكن لو هما ساعدوا بعض يرجعوا احسن من اول
الله يوفقك ويسر امرك

نونه الشعنونة;12551938:

اه والف اه من تدخلات اهل الزوج

حبيبتي
كثر الدق يفك اللحام
ليش تتركي مطرقتك لهم هما اللي يدقوا بيها
اتمنى انك فاهمه قصدي
(يعني اللي مثل زوجك ومغرور
بنفسه يحب امه هو اللي يفرض رأيه بكل صغيرة وكبيرة
بس تقدرين تمشين رأيك بالحيلة
عندنا مثل بالسعودية يقول
الرجال جبل اذا عاندتيه وطفل اذا هاودتيه
يعني
شجعيه وقوليله انا يعجبني تفكيرك وانت ماشاء الله ذكي كثير
وانا ما اعرف افكر بدونك
عشان كذا انا اميز بين أرآك وأراء الأخرين
لأن مستحيل يكون رايك انت بهذا الغباء
يعني قبل ما تعاندي وتقوليله هذا مو كلامك
كلام اخوانك
عطيه قصيدة تمدحي بيها ذكاءه وقدرته على اتخاذ القرارات وشخصيته القويه وانه مش غبي
زي فلان وفلان من اخوانه
وانت شخصيتك قوي وبتقدر تأخذ القرار لوحدك
وانا متأكده اذا جلست وفكرت بكلامك كويس راح تغير رأيك )

واتمنى الله يهديكم ويجمع بينكم بالخير

شاذروان;12566272:
أختى
زوجك كما قلتى من النوع العنيد وطالما انتى عرفتى هذه السمه فنتعامل معها ولانقف امامها
عدم رده هو رد فعل لاسوبك السابق معه فهو الان يلعب بأعصابك ليحعل رأسك تدور فيه افكار كثيره
ومن الممكن ان تكون اعصابه مشدوده من هذا الموضوع
لان هذا موضوع حياه ومستقبل
سيغيب فتره ويتصل بك
وان كان ذلك تكلمى معه باسلوبك العادى وبأعصاب هادئه ولا داعى للمهاترات والمناقشات الغير مجديه
اجلسى معه وضعى عناوين عريضه لطلباتك وبعد ذلك تطرقى الى الامور الفرعيه
وان شاء الله يكتب لك الخير وعليكى بالدعاء وقيام الليل

سندريلا مصر;12567186:

اصبري يمكن عنده ظروف مانعاه انه يكلمك والتمسيله العذر

ربنا يهديهولك

أم سلمى2007;12525559:

اختى الغالية

لو الزوجين رجعو لبعض برضاهما

بعد ان ادركا انهما لا يستطيعا الإستغناء عن بعض

وليس لتدخل اخرين وإجبار أحد الطرفين على

التنازل

وقتها قد يبدأا صفحة جديدة فى حياتهما الزوجية

أما إن رجعا وأحدهما غير راضى عن الرجوع ولا

عن شروط الرجوع

فغالبا ما سيكون هناك رواسب ستظهر على

السطح عاجلا او آجلا

إذا اردتى العودة لزوجك

فصفى قلبك تماما من كل ما ضايقك منه او من

أهله وتعلمى من أسباب المشكلة الأخيرة

والمشاكل قبلها

وحددا بعض الامور الاساسية وتتفقا عليها لتكون

حدود لعلاقتكما وعلاقتكما بمن حولكما من

اهليكما

وربنا يصلح حالك وعامة لن يساعدك سوى صلاة

الإستخارة

صليها وتوكلى على الله

وإجلسى مع زوجك جلسة صلح وحدكما

وإتفقا على ما يرضيكما

ربنا يصلح حالك ويسعدك ويهنيكى مع زوجك

اختك فى الله ام سلمى