مرحبا بنات جده
ابغى منكم طلب
تدلوني على محلات تاجير فساتين الزفاف الراقية جدا
تكون موديلات ايطالي او فرنسي
ما ابغى تخابيص و تطريز اشكال والوان و اقمشة رخيصة
انتو فاهمين قصدي
بليز لاتطولو .. زواج اخت زوجي اخر الشهر هذا
شوفي حبيبتي مدام طلبك يكون بسيط ومافي تطريز مااعتقد تلاقي ابدا ابدا ايجار .. الكندرة مول والعمارة الزرقا ومحلات قليلة جدا في سوق اليمامه اللي عندهم نظام تأجير.وكل موديلاتهم تطريز وكريستلات. وانا اشوف العروسه اذا ماكان فستانها مطرز ويلمع بالكريستالات صدقيني ماتطلع عروسه وهذا رأيي قلبو ..
يا قمر انا اكيد ابغى تطريز
بس على نظام دميتريوس و رهيد
مو التطريز المخبص
اكيد فاهمتني ياذوق
والف شكر لك على مرورك
بدك نصيحتي ياعسل..
ادخلي موقع ديمتريوس او مواقع سبوزا.. اختاري الاستايل اللي يعجبك واللي نفسك فيه.. وبعدين خدي جولتك في محلات التأجير المعروفة في اليمامة .... الخ..
بعض المحلات تنفذلك طلبك وتأجرلك هو وتصيري انتي المستأجرة وتكوني اتحكمتي في الاستايل والشك الناعم وتقدري تختاري الخامة.. بس طبعا ما راح تكون هاي كواليتي زي اللي في بالك.. بس نسبيا حيكون قريب من اللي طلبتيه..
او فكرة تانية.. خدي جولة في منتديات النت وشوفي اللي فستانها من رهيد او ديمتريوس وحابة تأجره.. حيكون انسب..
يسلمو ياقمر
فعلا فكرة حلوة
بنات اللي عندها فستان ايجار بهادي المواصفات ترسلي الصور بليييييييييز
اشكركم على التفاعل
العرسة اشترت فستان