يا بنااااااااااات محتاجة رأيكوا في اهم قرار في حياتي

تَنْثُرُ الكَونَ عِطرَاً;12501538:
إياكِ وحذارى وأوعى أن تتزوجى من شخص دون اقتناع كامل به وبظروفه وشخصيته .. وإياكِ ثم إياكِ أن تتزوجى لمجرد الزواج وهروبا فقط من كلام الناس ..

ولا لمجرد ان كل من حولكِ قد تزوجن ..وأنتِ مازلت فى مقتبل العمر حبيبتى ..23 سنة لسة نونو والله
ولا تقولى أنا لا أخرج ولا يرانى أحد ..فالله قادر على أن يجمعكِ بزوجكِ متى شاء وكيف شاء وهو عز وجل قادر على كل شئ ..
إذا فكرتِ فى الإرتباط بهذا الشخص فبعد الإستخارة والإستشارة لا بد ان يكون هناك اقتناع كامل منكِ به وبعمره .
يعنى ماأود قوله لكِ هو أن المشكلة ليست فى فرق العمر بقدر ماهى فى تفكيرك به....أشعر والله أعلم أنكِ لستِ مقتنعة ولكن تحاولين إقناع نفسك غصباً ..حبيبتى نصيبك يصيبك ..فلا تقلقى
إذا مش مقتنعة به بالكامل لا تتزوجيه اختى .. وللموافقة لابد ان يكون هناك اتفاق بين عقلك وقلبك.. لابد أن يكون هناك ارتياح قلبى للشخص مع القناعة العقلية به وبصفاته الشخصية وأخلاقة وليس فقط اقتناع بالمستوى الوظيفى أو المادى

الله يوفقك للخير ويرشدك للصواب

حبيبتى كلامك اكتر من رائع ومعاكى حق فى كل كلمه فعلا موافقتى لازم يكون اساسها اقتناع تام بدون اى ضغوط
وبجد ضحكتينى على كلمة نونو باين عليكي عسوله
انا مقتنعه بكلامك بس خايفه اقعد اقول لسه سنى مش كبير الاقى العمر جرى بيا فى كتير بنات عملوا كدا والسن جرى بيهم

شاذروان;12501630:
الله يكتب لك الخير
اذا كان الشخص المتقدم لك سنه 40 سنه فلا نستطيع ان نقول انه رجل كبير ولكنه شاب كبير .لانه فى قمه نضجه وتألقه ومشاعره المتزنه غير ذلك لم يسبق له الزواج لظروفه التى كتبتيها
اقول لك اجلسى معه وتعرفى اكثر على شخصيته بعيدا عن السن اذا عجبتك شخصيته وطريقه تفكيره توكلى على الله
اذا شعرتى ببعد المسافات بينك وبينه وانك فى وادى وهو فى وادى ففكرى فى الرفض
لابد ان تكونى مقتنعه بنسبه كبيره حتى لا تندمى فى وقت لا ينفع الندم وتقولى بعد ذلك يا ليت
وعليك بصلاه الاستخاره وإن شاء الله يهديك إلى الخير ويوفقك

جزاك الله خير ياقمر على النصيحه بجد كلام رائع واساس سليم للتفيكر

أنا أشوف إن العمر موعيب بس اهم شي استخيري كم مره لعل ينكتب هذا الزوج خيرة لك في دينك ودنياك

ملاك العراق H;12501635:
حبيتي اذا كنتي خايفه بس من العمر فتوكلي على الله وافقي اما اذا كان فيه اكثر من عيب فلا والف لا بس عمره العمر ما كان عائق صدقيني الكبير بالعمر يكون انسان واعي وفاهم الحياه ويدلل المراه صحيح مو قاعده بس الاكثريه هيجي تفكيرهم واهم شي انتي استخيري وما خاب من استخار والله يوفقج يارب ..
تقبلي مروري .......

اشكرك حبيبتى على رايك جزاك الله خير

i miss u dad;12501800:
فارق السن ليس له علاقة بالمحبة و الود و التفاهم بين الزوجين ،،بدليل انك تشوفي ازواج من نفس الفئة العمرية و يحصل بينهم مشاكل و توصل للطلاق كمان، و تشوفي ازواج بينهم فروق كبيرة و مستمرين مع بعض غير انك تلاقي رجال في عز الشباب و متزوج من واحدة اكبر ب10 سنين او اكثر بس بيحبها و يموت فيها،،

عشان تعرفي تفكري صح و بذهن صافي شيلي من بالك حكاية العمر بيجري و القطر يفوت و الكلام هذا كله، لأن الأفكار هذه هتخليكي ما تفكريش بعقلانية و كمان سيبك من افكار ان فرق العمر ممكن يكون سبب عدم تفاهم و غيره، يعني ما تضيعي وقت في الحيرة و التفكير و لكن اتخذي خطوة تساعدك على حسم الموقف و اتخاذ القرار.

التفكير الصحيح بيقول انكم تسألوا عن الرجل كويس و لو في فرصة تعرفوا عليه عن قرب و حاولوا انتي و اهلك تستكشفوه،،احتمال كبير تلاقي فيه حاجات ما تلاقيهاش في الشباب اللي من عمرة او حتى اكبر ب 5 سنين، و طبعا هذا كله و انتي متوكلة على الله و اكيد راح تتضح الرؤية و تعرفي انتي محتاجة ايه في المرحلة الجاية.

ربنا يكتب لك الخيرF:

كلامك رائع ومرتب جزاك الله خير على النصيحه الغاليه حبيبتي

ŚũҝąЯ Ŋă3m;12502457:
الغالية .. اول شي انتي اللي ضاغطه على نفسك وخايفة من المستقبل رغم ان هالشي عند الله .. تطمني انك تعتبري صغيره وان شاء الله بتلاقي عرسان دام ما ناقصك شي

بس لا تفكري في الشخص اللي تقدملك من هالناحية .. خلي اهلك يسألوا عنه كثير .. وسوي فترة خطوبة تتعرفوا فيها على بعض .. شوفي افكاره ودرجة التفاهم بينكم وبعدين قرري تكملي ولا لا

جزاك الله خير على رايك يا قمرايه

الوفـــأإآء ڪلـﮧ ~;12505442:
استخيري وتوكلي على الله
ااعرف ناس فرق بينهم بالعمر اكثر منك
والحمدلله ناجحين بحياتهم
الله يسعدك يارب
اهم شي الاستخاره
ياعسسل
وفرحينا بخبر زواجك =)

اكيد ياقمر ان شاء الله بس ادعولي ربنا يكرمني بحسن الاختيار

خــوخــه;12506303:
مدام متاكدة ان كلشي مناسب لج
اتكلي على الله سبحانه والله يوفقج

جزاك الله خير حبيبتى على ردك

الله اعلم

استخيري وان شاء الله خير

سلام عليكم
ابتداء ربنا يقدرلك الخير حيث كان .. ويبصرك بالصواب
ان شاء الله السن فيهوش اى مشكلة . بس حاولى تتحروا فى السؤال عنه
وحاولى تعرفى ليه كان مأخر زواجه كل ده ..هو خطب مرة وفركش ليه؟ وبعدها ماحاولش يرتبط ليه .. ربنا يكرمك يارب ولو فيه خير يجمعك بيه
بس والله انا بقولك كده لمصلحتك لأن مسألة السن بتقلق فى حالةواحده ان قعد فترة طويلة اوى من غير زواج .. والدنيا ياحبيبت فى الزمن ده ياما فيها فأوعى تنخدعى بالمظاهر اصبرى واسألى كويس حتى لو اتخطبتيله بعد الاستخارة الطويييلة اوى حاولى تعرفى كل تفاصيل حيات ومتفوتيش حاجة الا لما تحلليها وتفهميها ..مش علشان انتى بتعملى من الحبة قبة بس علشان تبقى فاهمة كل حاجة ومتتصدميش
انا بكلمك من واقع تجربة اتسرعت فيها واتخدعت بالمظهر (مش ماديات وبس لا حتى الاخلاقيات ) علشان بجد فى ازمة أخلاق فى زماننا ده
وربنا يكرمك ياحبيبتى يارب .. ويرزقك زوجا صالحا كما تريدين

توكلي على الله ، وعمر السن ما كان مشكله ، دامك متفاهمين

حبيبه قلبي انا هاقولك حاجه صغنونه كده بمناسبه خوفك ان العمر يعدي وكده: بصي انا عندي 22 سنه وهاتم23 شهر 8 اللي جاي يعني تقريبا نفس عمرك واتقدملي عرسان بدون مبالغه كتيييييييييييييير جدااااااااااا وكنت لما بلاقي في اي عريس اي حاجه مشس مناسباني كنت بارفض علي طول وماكنش بيهمني كنت ايامها في الجامعه لسه وبعد لما خلصت باقل من السنه اتخطبت ومحصلش نصيب وفركشت خطوبتي وكان اللي فركشت معاه شخص كويس بصي بقي مش هاقولك عالكلام اللي اتقال عليا اتقال عليا ان انا مش عاجبني حد وحاطه مناخيري ف السما ومتقنعره واتقال انه هو اللي كان سايبني رغم ربناا اعلم ان انا الليث اديتله شبكته المهم ياستي جه في بالي الحاجات اللي انتي بتفكري فيها دي وقلت بردو العمر هيجري بيا وكده فاتقدملي شخص سنه صغير اكبر مني ب3 سنين وكنت عاوزه اوافق بس ماما شافت عيوب فيه وكل الناس اللي حواليا شافو نفس اللعيوب وانا اللي طنت مصره عليه علشان سنه صغير ومش هيجيلي السن ده تاني المهم رفضت ومفيش اسبوعين وجالي محمود خطيبي دلوقتي وهو اكبر مني ب4 سنين والحمد لله مرتاحه موت الحمد لله ....فبجد اللي ربنا كاتبه ليكي هو اللي هيكون ومحدش هياخد نصيبك بس بصراحه ومتزعليش مني انا شايفه ان السن كبير شويه وانتي لسه صغننونه وعاوزه تخرجي وتتنططي وخايفه انه يكون وصل لسن الرسيان ومش هيقدر يفهم احتياجاتك كويس هو كلامي ده طبعا مش قاعده عامه بس حسب الشخص نفسه..اهم حاجه لو موافقتك دي علشان ان العمر هيجري بيكي والكلام ده يبقي سامحيني اني اقولك بلاش لكن لو فعلا مقتنعه بيه وبظروفه يبقي اعملي استخاره ووافقي... واسفه يا جميله لو كلامي زعلك والله انا اقصد مصلحتك وانتي زي اختي ومعلش لو طولت عليكي وربنا يوفقك للي فيه الخير

والله بالنسبه السؤالك هل الزواج اساسه الحب لا مش شرط يكون موجود في البدايه بس اهم حاجه يكون فيه احترام
ويكون حد كويس
بس بصراحه انا شيفه الزواجه دي مش فيها لا حب ولا عقل سامحيني .يا بنتي انتي تعتبري من جيل وهو من جيل تاني

وصدقيني صدقيني صدقيني.موضوع منصبه وشغله ومركزه وكل الكلام دا حلو .مش ملوش علاقه بالزواج . انتي هتستفيدي
ايه بيه ؟ممكن يبقي شغل بسيط جدا .بس انسان كويس ومتفهم وحد كدا تعرفي تعيشي معاه ويبقي تفكيركم زي بعض

وبعدين ايه 23 سنه دي انتي مش كبيره ابدا علشان تفكري كدا .وسيبك من الناس مش هتيجي تعيش معاكي .

سلام
حبيبتي

اناا اقول لا ماينفع لان بتكون

وجهات النظر غير فهمتي
لان انتي بالعشرينات وهو بالاربيعينااات

يعين بتختلفون على اشيااء
كثيرررررره هذي وجهة نظري ان الاكبر بيختلف في اشيااء
تحياتي

ودي ووردي
’~ْدلع شمر~ْ

جميله..محمود;12508517:
حبيبه قلبي انا هاقولك حاجه صغنونه كده بمناسبه خوفك ان العمر يعدي وكده: بصي انا عندي 22 سنه وهاتم23 شهر 8 اللي جاي يعني تقريبا نفس عمرك واتقدملي عرسان بدون مبالغه كتيييييييييييييير جدااااااااااا وكنت لما بلاقي في اي عريس اي حاجه مشس مناسباني كنت بارفض علي طول وماكنش بيهمني كنت ايامها في الجامعه لسه وبعد لما خلصت باقل من السنه اتخطبت ومحصلش نصيب وفركشت خطوبتي وكان اللي فركشت معاه شخص كويس بصي بقي مش هاقولك عالكلام اللي اتقال عليا اتقال عليا ان انا مش عاجبني حد وحاطه مناخيري ف السما ومتقنعره واتقال انه هو اللي كان سايبني رغم ربناا اعلم ان انا الليث اديتله شبكته المهم ياستي جه في بالي الحاجات اللي انتي بتفكري فيها دي وقلت بردو العمر هيجري بيا وكده فاتقدملي شخص سنه صغير اكبر مني ب3 سنين وكنت عاوزه اوافق بس ماما شافت عيوب فيه وكل الناس اللي حواليا شافو نفس اللعيوب وانا اللي طنت مصره عليه علشان سنه صغير ومش هيجيلي السن ده تاني المهم رفضت ومفيش اسبوعين وجالي محمود خطيبي دلوقتي وهو اكبر مني ب4 سنين والحمد لله مرتاحه موت الحمد لله ....فبجد اللي ربنا كاتبه ليكي هو اللي هيكون ومحدش هياخد نصيبك بس بصراحه ومتزعليش مني انا شايفه ان السن كبير شويه وانتي لسه صغننونه وعاوزه تخرجي وتتنططي وخايفه انه يكون وصل لسن الرسيان ومش هيقدر يفهم احتياجاتك كويس هو كلامي ده طبعا مش قاعده عامه بس حسب الشخص نفسه..اهم حاجه لو موافقتك دي علشان ان العمر هيجري بيكي والكلام ده يبقي سامحيني اني اقولك بلاش لكن لو فعلا مقتنعه بيه وبظروفه يبقي اعملي استخاره ووافقي... واسفه يا جميله لو كلامي زعلك والله انا اقصد مصلحتك وانتي زي اختي ومعلش لو طولت عليكي وربنا يوفقك للي فيه الخير

(دلع شمر);12508781:
سلام
حبيبتي

اناا اقول لا ماينفع لان بتكون

وجهات النظر غير فهمتي
لان انتي بالعشرينات وهو بالاربيعينااات

يعين بتختلفون على اشيااء
كثيرررررره هذي وجهة نظري ان الاكبر بيختلف في اشيااء
تحياتي

ودي ووردي
’~ْدلع شمر~ْ

mitcy;12508611:
والله بالنسبه السؤالك هل الزواج اساسه الحب لا مش شرط يكون موجود في البدايه بس اهم حاجه يكون فيه احترام
ويكون حد كويس
بس بصراحه انا شيفه الزواجه دي مش فيها لا حب ولا عقل سامحيني .يا بنتي انتي تعتبري من جيل وهو من جيل تاني

وصدقيني صدقيني صدقيني.موضوع منصبه وشغله ومركزه وكل الكلام دا حلو .مش ملوش علاقه بالزواج . انتي هتستفيدي
ايه بيه ؟ممكن يبقي شغل بسيط جدا .بس انسان كويس ومتفهم وحد كدا تعرفي تعيشي معاه ويبقي تفكيركم زي بعض

وبعدين ايه 23 سنه دي انتي مش كبيره ابدا علشان تفكري كدا .وسيبك من الناس مش هتيجي تعيش معاكي .

انا اول ما دخلت الموضوع هقولك احساسى بالضبط
اول حاجه لما قولتى فرق السن قلت جوه نفسى طبعا هقولها ايه المشكله حتى لو كان 9 ولا 10 سنين مع انى مش من مؤيدى الفرق الفظيع ده
وبعدين أقرأ الجمله اللى بعدها الاقى فرق السن 17 سنه :-o:-o:-o:-o
والصدمه اللى بعدها انى الاقى اغلب الردود بتقول عادى وافقى:confused::confused::confused:

سامحينى .. بس والله ده اللى حصللى


ماعدا أراء الأخوات اللى فوق دول .. والله افتكرت انه رأيي ده مش طبيعى ومالوش وجود

عاوزة اقولك حاجه مهمه .. مع احترامى لكل الأراء
لاحظى ان مش كل الدول ليها نفس الظروف الاجتماعيه والاقتصاديه
وانتى عارفه حال مصر كويس


قبل ما اتكلم عاوزة اسألك على حاجه مهمه ؟
هو الشخص ده انتى تعرفيه اصلا وبتحبوا بعض ؟ يعنى بينكوا علاقه عاطفيه اصلا؟ ولا هو مجرد عريس عادى متقدملك ؟
وأهلك رأيهم ايه ؟؟


انا هتكلم دلوقتى على اساس انه عريس عادى متقدم
ولو طلع غير كده هرجعلك تانى واغير كلامى

انا عندى 23 سنه يعنى ادك بالضبط
وزعلانه منك عشان بتقولى على نفسك هيعدى عمرى من غير ما الاقى شخص مناسب
وعمرك هيعدى وانتى مستنيه فارس الأحلام اللى مش هييجى

عارفه كلنا كان عندنا فارس احلام
وطبعا مش بييجى بشكله 100% زى ماحنا كنا مستنيينه
بس لازم ييجى واحد فيه شبهه منه:)
يعنى فيه شبهه منه بس ناقصه شويه حاجات .. ماديه بقا .. حاجات فى شخصيته اى حاجه
بس على الاقل يبقا شبهه منه مش واحد تانى خاااااااااااااااااااالص

طب هو عشان انتى خايفه تقومى تاخدى قرار سريع كده وتتجوزى اى حد وخلاص وهو مش مناسب ؟
مع احترامى الكامل للشخص ده هو مش عارف سنه؟ ليه رايح يتقدم لواحده عندها 23 سنه
ماهى مصر مليانه بنات سنها اكبر من كده ولسه مش اتجوزت ونفسهم يتجوزوا
بنات سنهم فوق ال30 و 33 سنه وبيبقوا زى الفل ومتعلمات وشهادات عاليه وماجاش نصيبهم
على الاقل هياخد واحده تفكيرها وعقلها قريب منه حتى فى التعبير عن المشاعر فيه نضوج شويه مش زيينا
لسه عاوزين نخرج ونلعب ونهيص على اد سننا يعنى (بكره نكبر ونعقل :) )
بلاش الكلام ده ممكن تقوليلى لأ انا عاقله وهاديه ومش بحب الشقاوة والتنطيط
طب لو جبتوا اولاد بأذن الله اول ولد هيدخل اولى ابتدائى هيكون باباه عنده 47 سنه علبال مايخلص الاعداديه هيكون 56 سنه ... (انا بابا حاليا عنده 57 سنه) وانا الابنه الكبيرة وعندى 23 سنه
وده انا بكلمك على الابن الكبير امال بقيه اخواته بقا
وشوفى الفرق اللى بينك وبينه فى السن انتى هتكونى لسه صغيرة بتلاعبى وبتجرى ورا العيال وهو هيكون عاوز الهدوء والراحه مش التنطيط ورا الاطفال ووجع الدماغ ده

انتى جيل وهو جيل تانى فعلا زى ما (Micty) قالت .. انتى عارفه ان مثلا الاغانى اللى انتى بتسمعيها غير الاغانى اللى هو بيسمعها .. عارفه انه الممثل او الممثله مثلا اللى بتحبى تشوفيلهم افلام ويعتبروا نجوم شباك جيلك غير اللى هو بيحب يشوفهم
طبعا دى امثله تافهه جدا بس تخيليها كده

وبعدين ازاى تاخدى قرار فى حياتك عشان الناس اللى حواليكى عمالين يقولوا هنفرح بيكى امتى والكلام ده ؟
طب ماحنا حافظين الكلام ده ومش فى الجواز بس ده فى كل حاجه من ايام الثانويه العامه لحد دخلو الجامعه ايا كانت الكليه اللى هتدخليها وبعدين الشغل و .. و .. و ..
وعمرنا ما بنخلص من كلام الناس
انا عارفه انه يحرق الدم وانا ياما اخدت منه بس مش معنى كده اننا نبوظ حياتنا عشان خاطر الناس اللى ماحدش فيهم هينفعنا بحاجه بعد كده

وشايفه انتى اللى بتقولى على نفسك ايه
انا خايفه اني اوافق على الشخص ده لمجرد اني خايفه العمر يجري بيا او انه مستوى ومركز والغي مشاعري
كل اللي حوليا بيقولولي (اتجوزي اللى يحبك ومتتجوزيش اللي تحبيه )ولو عملت كده ووافقت عليه بعقلي ممكن ييجي يوم واحبه ولا حكون زوجه تعيسه

اديكى رديتى على نفسك

مع احترامى الكامل للى بيقولوا اتجوزى اللى بيحبك وماتتجوزيش اللى تحبيه
لييييييييه ؟
انتى مش زى كل البنات
ناقصك ايه عشان تحبى وتتحبى
خدى اللى بيحبك وانتى كمان بتحبيه

عاوزة اقولك انه اى راجل فى الدنيا مهما كان بيحب الست اللى معاه لازم يحس بحبها هى كمان ليه والا هيستحمل شويه وبعدين هيزهق
وانتى كمان تبقى بتظلمى نفسك
يا اختى اللى بيصبرنا على هموم وصعوبات الدنيا هو وجودنا جنب ناس بنحبهم وبيجبونا ومانقدرش نستغنى عنهم
مش اللى بيصبرنا انه فيه فلوس ولا جاه ولا منصب

وبعدين انتى بتقولى هو المفروض الاختيار بالحب ولا بالعقل
انا بقول بالاتنين ازاى بالعقل بس
امال ربنا ادانا قلب وحط فيه مشاعر ليه
وبعدين الاختيار اللى بالعقل ده لما تكون الشروط نافعه اصلا
يعنى يكون شاب وانتى متقبلاه ونشوف بالعقل بقا هو مناسب ماديا اجتماعيا ثقافيا مش 100% طبعا بس على الاقل ينفع
انا اسفه جدا انى هتجرأ واقول الكلام ده (ازاى نتجوز بالعقل بس؟؟؟ مافيش قلب؟ مافيش حب ؟؟ امال لما نيجى نعمل العمليه بتاعه الزواج تبقا عقل بس بردو ولا ايه ؟ فين الحب عشان العمليه دى تبقا أدميه ؟ و الا بقا هنبقا مش بنى ادمين)


انا حاسه انى رغيت كتير .. سامحينى لو كنت ضايقتك بس اصلك فى سنى بالضبط وانا حسيت انى بكلم عن نفسى
لو متضايقه قوليلى وانا امسح ردى .. او اعتبرى نفسك ماشوفتيهوش اصلا

بس اهم حاجه اعملى استخاره .. واللى فيه الخير ربنا يقدمه ليكى

اتوكلي على الله واستخيري ربنا يا حبيبتي وان شاء الله ال عيزه ربنا هيكون
وموضوع السن ده مبيفرقش دلوقت انا صحبتي برضه متجوزه واحد اكبر منها بكتير بس مش عرفه كام وما شاء الله اهم حاجه التفاهم والراحه وان الزوجه تدلع زوجها وتقوله كلمه حلوه لان في الاخر كلهم واحد
وربنا يقدملك ال فيه الخير ان شاء الله

بيتزا بالخضار;12508203:
سلام عليكم
ابتداء ربنا يقدرلك الخير حيث كان .. ويبصرك بالصواب
ان شاء الله السن فيهوش اى مشكلة . بس حاولى تتحروا فى السؤال عنه
وحاولى تعرفى ليه كان مأخر زواجه كل ده ..هو خطب مرة وفركش ليه؟ وبعدها ماحاولش يرتبط ليه .. ربنا يكرمك يارب ولو فيه خير يجمعك بيه
بس والله انا بقولك كده لمصلحتك لأن مسألة السن بتقلق فى حالةواحده ان قعد فترة طويلة اوى من غير زواج .. والدنيا ياحبيبت فى الزمن ده ياما فيها فأوعى تنخدعى بالمظاهر اصبرى واسألى كويس حتى لو اتخطبتيله بعد الاستخارة الطويييلة اوى حاولى تعرفى كل تفاصيل حيات ومتفوتيش حاجة الا لما تحلليها وتفهميها ..مش علشان انتى بتعملى من الحبة قبة بس علشان تبقى فاهمة كل حاجة ومتتصدميش
انا بكلمك من واقع تجربة اتسرعت فيها واتخدعت بالمظهر (مش ماديات وبس لا حتى الاخلاقيات ) علشان بجد فى ازمة أخلاق فى زماننا ده
وربنا يكرمك ياحبيبتى يارب .. ويرزقك زوجا صالحا كما تريدين

اختي العزيزه

نحن لانعلم الغيب

وكل من عارض هذا الزواج منطقيا أنا معهم

لكن عليكِ بالاستخاره والاستشاره كذلك

ولا تتبعي وساوس الشيطان التي تخوّفك من المسقبل

ولاتجعلي هذا السبب هو وراء قبولك لهذا الشخص

لكنني لاأخفي عليكِ بأن هناك علامات استفهام حوله

ومهما كانت الأسباب

فالسؤال هو: لماذا لم يتزوج للآن

بغض النظر عن قصة خطوبته وعدم التوفيق فيها

أسعدكِ المولى ويسر أمورك

هو مش علشان سنه 40 سنه هنقول خلاص فاته القطر ومش يتجوز والكلام ده بس المفروض يتجوز واحده تناسبه يعني 30 سنه مثلا
يا بنتي انتي لسه صغيره جدا عمر ايه اللي بيجري بس ؟ ومش تسمعي كلام الناس اللي بتقول نفرح بيكي بقي واللي أدك اتجوزو وقرايبك خلصو ومش باقي حد غيرك
كلللللللللللل الكلام ده مش هينفعك بحاجه لما ترمي نفسك في جوازه وخلاص علشان تتجوزي زيهم وتعيشي تعيسه بصي كده بعد 15 سنه لما تكوني لسه شابه وهو خلاص قرب علي المعاش
لو وافقتي هتكوني بتظلمي نفسك جدااااااااااا بجد مفيش حاجه في الدنيا تخليكي تعملي في نفسك كده
وسيبك من موضوع اتجوز بقلبي ولا بعقلي انتي تتجوزي باي حاجه بس اهم حاجه انك تحسي بفرحة العروسه اللي بتتخطب وبتتجوز وفرحانه بعريسها وطايره من الفرحه مش قلقانه وبتقولي دي مغامره ولا لا وهيسعدني ولا هيعمل فيا ايه والناس هتقول عليا ايه لما يشوفوه ويقولو ايه اللي خلاكي تتجوزي واحد اكبر من ب 17 سنه ده انتي لسه صغيره ياعيني والكلام اللطيف بتاع الناس ده
ارفضي يا حبيبتي من غير ما تفكري اصلا وان شاء الله قريب اوي يجيلك واحد من سنك يفرح بيكي وتفرحي بيه ويعرف يسعدك وتسعديه وتعيشي حياه طبيعيه

معلش انا مش عوزه اقول حاجه غير فكري بس لما هو سنه يوصل 50 سنه انتي هتكوني لسه كام سنه..!!!

انا مش عرفه ازاي انتي بتفكري حتى انك ممكن توافقي

انتي طلبتي رأينا وانا عن نفسي بقولك لأ خااااااااااااالص

وبعدين انتي لسه صغيره جداااااااا ده يادوبك لسه متخرجه اتمنى انك تستنى عريس افضل

وربنا يوفقك ياحبيبتي الدنيا لسه قدامك

بصى يا حبيبتى انا شايفة ان توتة و ميس كات كفوا و وفوا بس انا عاوزة اقولك حاجة انت لا بتفكرى بقلبك و لا بعقلك انت الحاجة الوحيدة اللى بتحركك كلام الناس انت عاوزة تتخطبى عشان الناس بتقول و بتعيد و عاوزة تسكتيهم و خلاص و انت عندك 23 سنة يعنى صغنطوطة خالص مش دى المشكلة انا بس عاوزة اقولك حاجة انت لو اتخطبتى له عشان الناس فكرك هيسيبوكى فى حالك هتلاقى اللى جاية تمصمص شفايفها و تقولك دى صغيرة و واخدة واحد كبير و اللى جاية تقول دى طمعانة فى مركزة و فلوسة متزعليش منى بس انا بكلمك كانك اختى بالظبط و مش هتخلصى من كلام الناس غير ان فرق السن كبير مش صغير و ده هيخليكوا مش عارفين تعيشوا مع بعض لان الشخص اللى عنده 40 سنة ده صعب جدا تغيرى فيه اى حاجة و بعدين انا عندى ملحوظة هو ايه اللى مخلية يخطب واحدة اصغر منة ب 17 سنة و واضح انه جواز تقليدى يعنى لا يعرفك و لا تعرفيه المنطقى انه يخطب واحدة سنها اكبر شويه و مصر مليانة بنات زى الفل انما هو ممكن يكون واضح انه فرحان بفكرة البنت الصغيرة برضه متزعليش منى و ده بعد فترة ممكن يخلى فى بينكم مشاكل ملهاش اول من اخر
انا شايفة بنات كتير بيقولوا مش مشكلة السن و كده بس لو لاحظتى معظمهم اخواتنا من الخليج و هما مع كل احترامى و حبى ليهم الوضع عندهم غير عندنا خالص يعنى هناك ده شىء عادى و ممكن يكون مقبول زى ما هناك مقبول ان الراجل يتجوز اكتر من واحدة انما فى مصر الوضع مختلف اظن انت عارفة الراجل اللى بيتجوز على مراتة اخرته هنا ايه ( ساطور و اكياس ) ههههه فده اختلاف عادات
ارجو تكونى مزعلتيش من كلامى و فكرى و خدى قرارك لوحدك بعيدا عن الناس اللى فى كل الاحوال مش هتبطل كلام

tota_10;12509097:

انا اول ما دخلت الموضوع هقولك احساسى بالضبط
اول حاجه لما قولتى فرق السن قلت جوه نفسى طبعا هقولها ايه المشكله حتى لو كان 9 ولا 10 سنين مع انى مش من مؤيدى الفرق الفظيع ده
وبعدين أقرأ الجمله اللى بعدها الاقى فرق السن 17 سنه :-o:-o:-o:-o
والصدمه اللى بعدها انى الاقى اغلب الردود بتقول عادى وافقى:confused::confused::confused:

سامحينى .. بس والله ده اللى حصللى


ماعدا أراء الأخوات اللى فوق دول .. والله افتكرت انه رأيي ده مش طبيعى ومالوش وجود

عاوزة اقولك حاجه مهمه .. مع احترامى لكل الأراء
لاحظى ان مش كل الدول ليها نفس الظروف الاجتماعيه والاقتصاديه
وانتى عارفه حال مصر كويس


قبل ما اتكلم عاوزة اسألك على حاجه مهمه ؟
هو الشخص ده انتى تعرفيه اصلا وبتحبوا بعض ؟ يعنى بينكوا علاقه عاطفيه اصلا؟ ولا هو مجرد عريس عادى متقدملك ؟
وأهلك رأيهم ايه ؟؟


انا هتكلم دلوقتى على اساس انه عريس عادى متقدم
ولو طلع غير كده هرجعلك تانى واغير كلامى

انا عندى 23 سنه يعنى ادك بالضبط
وزعلانه منك عشان بتقولى على نفسك هيعدى عمرى من غير ما الاقى شخص مناسب
وعمرك هيعدى وانتى مستنيه فارس الأحلام اللى مش هييجى

عارفه كلنا كان عندنا فارس احلام
وطبعا مش بييجى بشكله 100% زى ماحنا كنا مستنيينه
بس لازم ييجى واحد فيه شبهه منه:)
يعنى فيه شبهه منه بس ناقصه شويه حاجات .. ماديه بقا .. حاجات فى شخصيته اى حاجه
بس على الاقل يبقا شبهه منه مش واحد تانى خاااااااااااااااااااالص

طب هو عشان انتى خايفه تقومى تاخدى قرار سريع كده وتتجوزى اى حد وخلاص وهو مش مناسب ؟
مع احترامى الكامل للشخص ده هو مش عارف سنه؟ ليه رايح يتقدم لواحده عندها 23 سنه
ماهى مصر مليانه بنات سنها اكبر من كده ولسه مش اتجوزت ونفسهم يتجوزوا
بنات سنهم فوق ال30 و 33 سنه وبيبقوا زى الفل ومتعلمات وشهادات عاليه وماجاش نصيبهم
على الاقل هياخد واحده تفكيرها وعقلها قريب منه حتى فى التعبير عن المشاعر فيه نضوج شويه مش زيينا
لسه عاوزين نخرج ونلعب ونهيص على اد سننا يعنى (بكره نكبر ونعقل :) )
بلاش الكلام ده ممكن تقوليلى لأ انا عاقله وهاديه ومش بحب الشقاوة والتنطيط
طب لو جبتوا اولاد بأذن الله اول ولد هيدخل اولى ابتدائى هيكون باباه عنده 47 سنه علبال مايخلص الاعداديه هيكون 56 سنه ... (انا بابا حاليا عنده 57 سنه) وانا الابنه الكبيرة وعندى 23 سنه
وده انا بكلمك على الابن الكبير امال بقيه اخواته بقا
وشوفى الفرق اللى بينك وبينه فى السن انتى هتكونى لسه صغيرة بتلاعبى وبتجرى ورا العيال وهو هيكون عاوز الهدوء والراحه مش التنطيط ورا الاطفال ووجع الدماغ ده

انتى جيل وهو جيل تانى فعلا زى ما (Micty) قالت .. انتى عارفه ان مثلا الاغانى اللى انتى بتسمعيها غير الاغانى اللى هو بيسمعها .. عارفه انه الممثل او الممثله مثلا اللى بتحبى تشوفيلهم افلام ويعتبروا نجوم شباك جيلك غير اللى هو بيحب يشوفهم
طبعا دى امثله تافهه جدا بس تخيليها كده

وبعدين ازاى تاخدى قرار فى حياتك عشان الناس اللى حواليكى عمالين يقولوا هنفرح بيكى امتى والكلام ده ؟
طب ماحنا حافظين الكلام ده ومش فى الجواز بس ده فى كل حاجه من ايام الثانويه العامه لحد دخلو الجامعه ايا كانت الكليه اللى هتدخليها وبعدين الشغل و .. و .. و ..
وعمرنا ما بنخلص من كلام الناس
انا عارفه انه يحرق الدم وانا ياما اخدت منه بس مش معنى كده اننا نبوظ حياتنا عشان خاطر الناس اللى ماحدش فيهم هينفعنا بحاجه بعد كده

وشايفه انتى اللى بتقولى على نفسك ايه
انا خايفه اني اوافق على الشخص ده لمجرد اني خايفه العمر يجري بيا او انه مستوى ومركز والغي مشاعري
كل اللي حوليا بيقولولي (اتجوزي اللى يحبك ومتتجوزيش اللي تحبيه )ولو عملت كده ووافقت عليه بعقلي ممكن ييجي يوم واحبه ولا حكون زوجه تعيسه

اديكى رديتى على نفسك

مع احترامى الكامل للى بيقولوا اتجوزى اللى بيحبك وماتتجوزيش اللى تحبيه
لييييييييه ؟
انتى مش زى كل البنات
ناقصك ايه عشان تحبى وتتحبى
خدى اللى بيحبك وانتى كمان بتحبيه

عاوزة اقولك انه اى راجل فى الدنيا مهما كان بيحب الست اللى معاه لازم يحس بحبها هى كمان ليه والا هيستحمل شويه وبعدين هيزهق
وانتى كمان تبقى بتظلمى نفسك
يا اختى اللى بيصبرنا على هموم وصعوبات الدنيا هو وجودنا جنب ناس بنحبهم وبيجبونا ومانقدرش نستغنى عنهم
مش اللى بيصبرنا انه فيه فلوس ولا جاه ولا منصب

وبعدين انتى بتقولى هو المفروض الاختيار بالحب ولا بالعقل
انا بقول بالاتنين ازاى بالعقل بس
امال ربنا ادانا قلب وحط فيه مشاعر ليه
وبعدين الاختيار اللى بالعقل ده لما تكون الشروط نافعه اصلا
يعنى يكون شاب وانتى متقبلاه ونشوف بالعقل بقا هو مناسب ماديا اجتماعيا ثقافيا مش 100% طبعا بس على الاقل ينفع
انا اسفه جدا انى هتجرأ واقول الكلام ده (ازاى نتجوز بالعقل بس؟؟؟ مافيش قلب؟ مافيش حب ؟؟ امال لما نيجى نعمل العمليه بتاعه الزواج تبقا عقل بس بردو ولا ايه ؟ فين الحب عشان العمليه دى تبقا أدميه ؟ و الا بقا هنبقا مش بنى ادمين)


انا حاسه انى رغيت كتير .. سامحينى لو كنت ضايقتك بس اصلك فى سنى بالضبط وانا حسيت انى بكلم عن نفسى
لو متضايقه قوليلى وانا امسح ردى .. او اعتبرى نفسك ماشوفتيهوش اصلا

بس اهم حاجه اعملى استخاره .. واللى فيه الخير ربنا يقدمه ليكى

تصدقى ياتوتا وتامنى بالله كلامك هو اللى كنت عاوزة اقولة بضبط حتى كنت بفكر ارد ولا مردش لانى لقيت بنات فى الاول عمالة تقولها وافقى فقلت انا لو قلت لا مش هتيجى حادجة جمب اللى قالوا ليها اه وكنت مستغربة جدا وكمان حتة ان مش كل الدول زى بعضه جت فى بالى فسبحان الله رايك زى راى واويد رايك بشده

emooosmsm;12511030:
معلش انا مش عوزه اقول حاجه غير فكري بس لما هو سنه يوصل 50 سنه انتي هتكوني لسه كام سنه..!!!

انا مش عرفه ازاي انتي بتفكري حتى انك ممكن توافقي

انتي طلبتي رأينا وانا عن نفسي بقولك لأ خااااااااااااالص

وبعدين انتي لسه صغيره جداااااااا ده يادوبك لسه متخرجه اتمنى انك تستنى عريس افضل

وربنا يوفقك ياحبيبتي الدنيا لسه قدامك

:thumbs_up::thumbs_up::thumbs_up::thumbs_up: صح كلامك وعين العقل

وانا راى ياقمر ان
فرق السن بينكم كبير قوى وانتى لسه فى اول حياتك 23 سنة دى لسه صغيورة جداااااااااااااا وخايفة من ايه دى فى بنات عندها 30 سنة ولسه بتتشرط وبتختار دلوقتى مبقاش زى زمان ياقمر وبعدين ممكن فرق السن ده يعمل مشاكل زى مابتحطى الحلو فى دماغك حطى الوحش بمعنى ان فرق السن ده ممكن يعمل غيره وخوف ان هو بيكبر وانتى مهما بتكبرى لسه برضه بالنسبة ليه صغيره والناس هتبص عليكى وكل ده هيخليه يجنن وممكن يعيشك فى سجن وبعدين انا بعيب عليها رجل فى السن ده اية اللى يخليه يروح يتقدم لوحده لو اتجوز من 20 سنة كان جاب قدها عموما ربنا يسهله ويوفقه مع وحده تكون مناسبة ليه يعنى 35 سنة 30 انما 23 لا مينفعشى خالص وسن ايه اللى هيجرى بيكى انتى اكيد بتستهبلى والله واهلك ازى سيبنك تفكرى فى كده مجرد تفكير حتى لو مدينك الحرية فى عرسان من حقك تفكرى فيهم وعرسان تانية لا وبعدين ليه متخديش شاب من سنك او اكبر منك بالكتير ب 5 سنين وتعيشوا حياتكم مع بعض تخرجى وتتفسحى وتبسطى وعلى مش كل حاجة برضه الفسح والخروج لا بس قرب السن من بعضه بيعمل تفاهم وبيدى احساس بالراحة انا متجوزة واحد اكبر من ب 4 سنين وبحمد ربنا انى مختش واحد اكبر منى بكتير وكويس قوى الفرق اللى بينى وبينه لكن لو كنت اخت واحد اكبر من ب 17 ولا 20 سنة كنت هعمل ايه اعيش معاه وخلاص لا انا عاوزة راجل احس معاه بالراحة وراحة البال واحبة حتى لو مش بحبه قبل الجواز فى حب بيجى بعد الجواز ياقمروكمان مش مهم المركز المرموق ولا الفلوس بجد اهم حاجة تكونى مقتنعه بالراجل اللى هتتجوزية ده 100فى 100 لان دى عشرة عمر ان شاء الله مش سنة ولا اتنين هتقضيهم وخلاص وكمان انا مش عاوزكى لمجرد ان يكون اسمك مخطوبة او انك شايفه ان كل اللى حواليكى اتجوزا او ان الناس بتقولك هنفرح بيكى امتى لا كل ده متعمليش بيه والله انا صحباتى كانت عاوزة تتخطب لمجرد ان كل اصحابها اتجوزا واتخطبوا وهى لا بس انا فضلت اقولها اوعى تتخطبى لمجرد الخطوبة وفعلا سمعت كلامى وبعد فترة جالها عريس الحمدا لله بتشكر ربنا عليهوبتقول الحمدا لله انى مش سمعت كلام الناس واتخطبت او انى كنت هتخطب خطوبة وخلاص فبجد راجعى نفسك واعرفى انك لسه صغيرة وقدامك فرص كتير ياقمر واقرى سورة البقرة واعملى استخارة عشان لما ترفضى تبقى برضه رفضتى باقتناع واعرفى ان ليكى نصيب وقدر فى الدنيا دى ليمكن هتقدرى تغيره مهما حصل وان ربنا كتبلك واحد هتتجوزيةوهو ده نصيبك وربنا يارب يوفقك ويكتبلك الخير ويسعدك