تعرفون اموووش ربيان ,, عاد انا غيرت وخليته خثــاق ( حبار )
لذيـــذ وتغيير عن الربيان اللي تعودنا عليه بهالوصفة
المقادير والطريقة مع بعض :::
تقريبا كوبين خثاق مقطع مكعبات ونسلقه في ماي وملح وملعقة صغيرة كمون حب
وملعقة صغيرة فلفل اسود حب و4 حبات هيل صحيح(( اللي حابة تضيف بهار غير براحتها ))
تقريبا يفوح نص ساعة لاني احبه طري ماحبه يابس
نفوح في قدر آخر استكانة ماش نغسله عدل ونفوحه نص استواء ولازم يحتفظ بشكله
لا تهرونه في السلق يعني لاحظوه وجيكو نضجه وجذي بيكون شكله
نحمر بصلة 1 او 2 ونضيف م ص ثوم مهروس ونضيف نص فليفلة خضرة رومي مقطع مكعبات
نحمسهم مع بعض ونحط البهارات ..احب احط البهارات قبل لا اضيف الطماط عشان يبين
طعمهم اكثر ( نص م ص فلفل اسود + م ص كمون مطحون + م ص ليمون اسود مطحون +
م ص بزار + نص م ص كركم + عود دارسين + لومية سودة وحدة )
نضيف طماطة كبيرة مقطعة وقبضتين يد شبنت وفلفل حار اخضر
نضيف الخثاق بعد نضوجه
ونزيد عليه الماااي ونضيف الماش بعد ما نصفيه
ونخليه يغلي غلوة وحدة ونعدل الملح عقب نحط الرز انا حطيت جيلة ونص
نخليه يتشرب الماي عقب نقصر عليه ونخليه يترسى وهذي شكله وهو منجووب :D
وعلينا بالعافية واتمنى تجربونه ترى حلو ولذيذ لا تنسون السلطة والجرجير :worn_out:
النقل مسموح شرط الذمة والضمير ودعوة بظهر الغيب بالذرية الصالحة
والله لا يحرمني من دعواتكم الطيبة وتقييماتكم الحلوة F: