مشكلتي كبرت

سلام بنوتات
شخباركم؟ انشالله بخير
كنت ابي اخبركم انه مشكلتي لازالت مستمرة و حدي متضايقة و حابة افضفض لكم
هذا رابط الموضوع القبلي للي ما تعرف موضوعي
http://forums.3roos.com/showthread.php?t=537519


امس تهاوشت مع زوجي هوشة عظيمة و السبب (( امه))
جابت لي ازمة نفسية
الله يسلمكم السالفة و مافيها
بدت تلوع جبدي من اسألتها و نغزاتها الي مالها داعي
و كله ساكتة و ما اتكلم
من وين جاية؟ وين رايحة؟ ليش ما تتغذون و تتعشون معانا؟ كله مسوين روحكم من الراقيين
و مثل ما ذكرت بموضوعي القبلي انا اخلص دوامي الساعة 6 و على ما ارجع البيت صارت الساعة 6 و نص و اصلي و ابدل يعني صرنا سبع و ننام الساعة 10 و نص عشان يوم ثاني دوامات
يعني الثلاث ساعات و نص انزل اقعد معاهم ساعة و نطلع اني و زوجي و هم ما يتعشون بهالساعة الي نقعدها معاهم يعني وقتهم ما يناسبنا ايام الاسبوع
في الاجازة نتغذى معاهم و اذا مسوين عشا نتعشى معاهم
المهم
و و بعد من اسئلتها و نغزاتها الي مالها داعي
ليش ما حملتي لحين؟ شوفي مرت فلان و فلان كلهم حملوا!! قلت لها ولدج مو مستعد لاطفال من الحين يبي نستانس سنة و بعدين..
اذا جبتين بنت تسمينها على اسمي و اذا جبتين ولد على اسم عمج:-#


احنا في عايلتنا الرجال الي يسمون اليهال.. احنا النسوان بس شغلتنا نحمل و نولد و هم يسمون
يعني اسمع يا ولدي هالحجي و خليه حلقة باذونك
ليش تخلين ولدي يشيل اغراضج؟ تقصد ساعات لما اشتري من البرادة حليب و مايو عصير وشغلات عشان احطه بالثلاجة و غالبا ما يكونون ثقال و الي يقهرني انها تقط نغزاتها جدام ولدها
انا ما عندنا نسوان كله هايتين بالشوارع.. بعد انا شغلي يطلب مني انه ما اكون موجودة طول اليوم بالبيت و ساعات اضطر اروح اخلص اموري فليل
في رمضان فطوركم معانا كل يوم.. احنا النسوان في عايلتنا ما يفطرون الا ببيت زوجهم... يعني نغزة لي لا تروحين بيت ابوج برمضان تتفطرين
و القهر كل النغزات جدام ولدها.. يعني حتى لو مو حاط بباله بيحط في باله
و اخر شي امس قامت تقول لولدها حتى عشا ما تتعشون معانا
قلنا لها اوكي بنتعشى معاكم ما بنطلع عشان ما نزعلها
و برزت لنا صينية لي و لزوجي فقط فيها جبن و سجق و خبز و طلعت او بالاحرى كلهم طلعوا ياكلون من برى و احنا ناكل بروحنا بالبيت
و هاي المرة الثانية الا تسوي فينا هالحركة بس عشان ما نطلع
هني انا انفجررررررررررررت و قمت اصيح و اصيح و زوجي يهديني و قلت له
ليش هي تسوي فيني جذي ما اشوفها تسوي للباقي جذي من نسوان اخوانك
يعني هاي جزاي لاني ساكتة و ما ارد عليها
هم يقولون لها بالويه و لا يفتكرون
و هي و لا تتكلم لهم و تحط لهم مكانة و قدر
و يقول لي زوجي امي كله جذي هي طباعها تضايق الناس و يقول تحملي تتهاوشين معاها ترى عادي تكفخج.. هو يعترف انه امه هواشة و هو بنفسه يخاف يدخل معاها بنقاش
بس انا ما اقدر مو متعودة على جذي
و قلت له انا ابي مكان بروحي حتى لو انك مو مستطيع دبر روحك
انا في خاطري اقول ما ابي اضغط على زوجي و بعديها هالمرة
بس ما ادري اذا بقدر اعديها المرة الثانية
لانه زوجي عليه قروض و انا ابي اكمل ادرس ماستر فوضعنا ما يسمح لنا بالسكن بشقة لانه بينقصنا المصروف

بنات شسوي قولوا لي خلاص:badly: احس روحي مو قادرة اتحمل تصرفاتها:'(
ابي احد يفهمني شلون اتصرف معاها و بنفس الوقت ما اضايقها بس احط حدود:(