شاوروا علي قراري صح ولا غلط؟؟؟

:|:|خلاص مليت من المشاكل و الحساسيات و عوار الراس...:confused:

و عشان جيه قررت أني أحل المشكله من جذورها..و انتوا اقروا و شاوروا علي...

المهم:
أنا مشكلتي هي سلفتي إلي من يوم يومها و هي مسبب مشاكل لكل حد و و صلت مشاكلها لي و لزوجي و بيتي..و قاطعناها فترة بس بعدين قررت أن الدنيا ما تسوى و الواحد لازم يصفي قلبه قبل لا يمووت فرجعت علاقتنا بس خليناها جدا رسميه..

المشكله أن هي تختلق مشاكل مالها أول و لا اخر يعني كل أسبوه عندها مشكله مع حد مره مع عمتي مره مع زوجها و مره مع أخو زوجي و مره معاي و و و ...الخ و لازم تعيش العايله في توتر دايم..قبل مشكلتي معاها كانت بخصوص بنتي لأنها كذا مره كانت تمد إيدها على بنتي..
و بسبب هذي المشكله طلعنا من بيت عمي لأنها هي بعد كانت ساكنه بنفس البيت..بس انتقلت من فتره قصيره

نحن لما انتقلنا و صارت المشكله كلمت زوجي و قتله خلاص مافي داعي نحقد و نحط في قلبنا و لازم نصفي قلوبنا و بنكون رسميين معاها بحكم أنها أم بنات عم بناتي و بناتها و بنتي يموووتوووووووووووون في بعض و يحبون بعض مووت

بس ما رحمتنا..و هذه المره بعد سببت مشكله مع بيت عمي بسبب بنتي المسكينه :'(
بنتي إلي بعدها ما كملت الأربع سنوات...

كانت عمتها شاريه ألعاب لكل وحده فيهم بنتي و بنات عمها الثنتين..بس لأن الألعاب مختلفه فقالت بنتي أبغي اللعبه إلي عند (فلانه) و اظاربوا بس يت عمتها و فكت من بينهم و قالت خلاص كلكم اشتركوا في الالعاب و قالت أنا بعد للعشر و إلي بيطلع عليه الدور بيلعب هذي اللعبه و شاء ربي ان بنتي يطلع عليها الدور أنها تلعب بلعبت بنت عمها..


قولوا سلفتي شو سوت في هذي اللحظه....:mad::mad: شلت بناتها و العابهم و دخلتهم الغرفه و منعت بنتي انها تلعب معاهم.....
و بنتي واقفه عند الباب تترجاها أدخلها و اتنادي على بنات عمها :'(:'(

و لما حطوا العشاء تخيلوا أن بنتي كانت تبغي تيلس عند بناتها و قامت و طردتها...:'(:'(
بس قامت عمتها يلست بنتي عدالها و اكلتها عمتي و أخت زوجي و الكل لاحظ تصرفها

و أنا طوول الوقت ساااااااااكته و ما أقول شيء و خصوصا أن كان في ظيوف بيت عمي لأن كانت فيع عزومة تخرج أخو زوجي و كنت عاملتله كيكه..

المهم سلفتي بعد ما خلص العشا شلت بناتها و على طول تبغي تطلع حتى ما تعشت بس عشت بناتها و ما قصو الكيكه و قعدوا يصيحون أنهم يبون يتمون و يقصوص الكيكه معاناو عمتي لحقت سلفتلي للباب تترجاها و تقولها شو إلي صار حد غلط عليج و و و (مسكينه عمتي تترجا وحده ما تستاهل) قامت سلفتي تصرخ و تقول أنتوا الكبار السبب...يعني شوفوا العقل الأخت غارت ليش أن عمتها شلتها و عطتها اللعبه لأن صادف الدور عليها..يعني المسأله مسألت غيره من بنتي مب مسألة الكبار..المهم ركبت بناتها بالغصب السياره و قعدت في السياره تظرب بناتها عشان يسكتون عمتي ما تحملت و صارت تصرخ عليها و قالت لها أنتي من يوم ما يت هذي البنت (بنتي) و أنتي قلبج يحترق و قعدت تهزيء فيها و تصيح..

سلفتي دااااااااااااااااااااايما تراقب تصرفات بنتي و تعاملها مع بنات عمها يعني ما تخليهم يلعبون و يتصالحون و يظاربون على راحتهم من غير ما تدخل...يعني ماسكه بنتي و مراقبتها (تحت المجهر)

أنا هني خلاااااااااااااااااااص مليت و شبعت مشاكل خلاص و قررت أني أبدا ما أتلاقى معاها و إذا البنات يبون يلعبون مع بنت عمهم يقدرون إيون شقتي أو أنطلعهم برع يلعبون أو بيت عمي بس من غير ما هي تكون موجوده و قلت هذا الكلام جدام عمتي عشان ما تزعل و زوجوا بعد قال صح كلامج..

أنتوا شو رايكم أنا تعبت حتى لما أسير و هي تكون موجوده أعيش في توتر لأنها تيلس تراقب كللللللللل شيء يعني أقول أحين راح تسوي مشكله أحين راح تخترع شيء يعني نيلس نراقب كلامنا و تصرفاتنا و الله تعبنا..:|:thumbs_down: