باركوا لي بناتي تخرجوا اليوم

مرحبا يا أمهات
شلونكم وشخباركم
F:F:F:F:

شفتوا هالنجمتين؟؟
:L::L::L::L:
اليوم تخرجوا من الروضة
الفرحة مو سايعتني
اكتب لكم ودموعي تسبقني:'(
اذكرهم لما كانوا للحين في اللفة ومأذيني لا ليلي ليل ولا نهاري نهار:confused:
اذكرهم لما كبروا شوي وصاروا يتهاوشون وقت الرضاعة كل وحدة تبي ترضع عن الثانية8o|
اذكرهم لما نطقوا بأول كلماتهم واذكر اخطائهم في الكلمات واضحك من قلب:lol:
اذكرهم في اول يوم لهم بالروضة وفرحتهم بدخولهم في هالدنيا الجديدة:p
واذكرهم واذكرهم واذكرهم...
ذكريات ما تنتهي

سامحوني هدرت واجد بس من الفرحة والله وحبيت انكم تشاركوني اياها لأنكم عزيزين على قلبي

وانتظروا ان شاء الله تقرير مني عن حفل تخرجهم:thumbs_up:
والله يحفظ لكم عيالكم
مع السلامة