شوفو يا خواتي عزيزاتي حبيباتي ... أنا الله يسلمكم رحت سنتر بوينت ومذركير وشريت منهم هالاقراض
طبعا اهني الأحمر واااااااااااااااااااايد حبيت لونه خخخخخخخخخخخخخخخخخخخخخخخ
والتبان بس اللي من مذرير الأوفرول من مكان ثاني ايي كامل اهو وقماطه بس انا ركبته مع التبان والكبوس ولا اهو بروحه مع القماط بعدين بتشوفون قماطه
هذيلي خذيتهم من مذركير طبعا اهم ايون ثلاث ويا بعض بس انا لان فتحتهم وغسلتهم ... خخخخخخخخخخخخخ وفي منهم طقمتهم مع كبابيس وتبانات فصارو كل واحد بروح ...
طبعا اهني الاوفرول ماله شغل بالتبان ولا الكبوس بس انا طقمتهم بكيفي انشالله يكون راكب هههههههههههههههههه
طبعا اهني بعد انا مطقمه وشغله اكتشفتها مادري اذا كنتوا تدرون عنها او لأ أنا لمن شريت هذيلي ظاق خلقي لان شفت ان كل افرول يبيله تسوس يعني لازم اييب تسوس على لون الكبوس لان اللي يايبتهم له بيض ماكو الوان تالي اكتشفت انه اللي من مذركير التسوس تون بالافرول بس ما كنت حاطه فبالي لو تشوفون صوب الجم في شغله تجفسينها يعني حركه متى ما تبين تبطلين الجم (الدس) ومتى ما تبين تدخلين ايده وتسكرين هههههههههههه امبيه استانست ولمن قلت حق رفيجتي وبنات خالتي لان حتى اهم حمل وهم شارين من مذركير راحو شافوا ولا صج الدسوس منهم وفيهم بس ماكنا ندري ههههههههههههههههههه
الموووووووووووووووووووووهم اكمل الصور ...
هم هذا مطقمته عاد انشالله يكون لابج معاه مو مرقع ...
وهذيله أول ان ون عجبوني الأبيض مسكر صوب الريل بس بدون تسوس ...
والمخطط برمادي في تسكيره صوب الريل بس بكيفي وقت اللي بسكر اجفسه وقت اللي ببطل أشيله نفس حركة الجم انشالله يكونون واضحين ...
هذيلي الفوط وحده منقشه زرقه ووحده زرقة ساده ووحده بيضه مطرزه بازرق ...
وهذا الحوض مع الأسفنجه اللي تنحط تحت البيبي طبعا الحوض معاه اسفنجه ومعاه صحن الماي ومعاه فوطته وفوطه زغيره بس يبيلي المغرافه مالت الماي ويبيلي بكج اللي ايي فيه مقراضه ومقص ومقياس حراره بروح اشتريه لازم ... أنا بغيت اللي ايي كاااااااااااملمن له بس مالقيت حسافه وحزتها ريلي يله ويله عندي شغل وربعي ناطريني فقلت يالله أخذ هذا وتالي اكمل ...
الفوط اللي بالنص خذيتهم من مذركير واللي عالجوانب من سنتربوينت ....
بنات هذا نايلون اللي ينحط حدر الياهل وقت البتبدليله البامبرز ... بس استعمال واحد اشرايكم هذا ولا هم بعد لازم أخذ اللي يتسفط (أحس اللي يتسفط أذرب شفت منه بمذركير بس نوع واحد وما عجبني وسنتربوينت ما كان فبالي كلش بس بروح مره ثانيه واشوف اذا عجبني شكل معين خذيت) ... واللي مع النايلون الاحمر هذي مطارة حق احطها ورا ظهري او بطني تدرون عشان أدفى ههههههههههههههه ....
وهذي يا محفوظييييييييين الكرامة والسلامة الشفاطه طبعا انشالله ما احتاج لها بس انا اصلن مو فبالي أخذها كلش بس شفتها وشفت سعرها رخيص قلت أخذها لعلي أحتاجها الا يكون عندي ...
طبعا اهني مميتين كبار ومميتين زغار ومصاصتين انشالله ما افكر اعوده عالمصاصه بس لعلي أحتاجها الا يكون عندي وثلاث حلمات طبعا كله ماركة بيجون وزجاج بس المصاصات بيبي ... وفرشاة تنظيف الممية والممية الكبيره كلش هذي مااااااااااااااااااااادري شكو ماخذتها تحسون هبله ياربي صج بكريه وما اعرف شي خخخخخخخخخخخخخ
قريت انها تمنع المغص مادري ضد المغص اهو شي مااييب المغص جان استانس مادريت انه اصلن المميات في منهم عاديين ومانعيين للمغص خخخخخخخخخخخخخخخ
ثوووووووووله حسبتها يعني شي فريد من نوعه بس هم عجبني شكلها المقوس حسيتها تونس ومن فوق لمن تكون بالمميه نتفة حليب تضغطين فوق بزر عشان تنزلينها مادري شكلها وطريقتها ونسوني ...
اهني ركن النظاااااااااااااااااافه وهالاشياء أنا غرااااااااااااااااااامي
الاصفر هذا شامبو وشور جل مع اني ماخذه شامبو البنفسجي مبين بالصوره بس بعدين لمن افتريت لقيت الشامبو الاصفر مكتوب عليه لأطفال حديثي الولاده جان اخذه ... خو يا غبيه انتي ماخذه شامبو يا هذا يا هذا بعد اثنين اشحقه ... هههههههههههههه
لن لاني احب ريحة البنفسجي وااااااااااااي وبعدين صج شنو البنفسجي هذا حق قبل النوم ههههههههههههههههههههه (ترقع حق عمرها)
المووووووووووووووووهم نكمل ... وخذيت بيبي أويل نوعين الأخضر بريحة الصبار وريحته صج صج صج عجييييييييييييييييييييييييييييييييبه وعذاااااااااااااااب ...
والبنفسجي طبعا ريحته ولا أروع حق بليل وقت بنام ...
ولوشن خذيت البنفسجي والوردي ولو تشوفون اني ماخذه الوردي جونسن وماركة نونو ليييييييييييييشششش؟؟؟؟ لان الوردي ريلي اهو الخذاه وحطه بالسله وانا ما كنت حاطه بالي عليه واصلن لو كنت حاطه بالي جان رديته لان ما احب ريحته ريحة نونو أحلى بوااااااااااااايد صج صج تعجبني وايد حلوه ...
وخذيت بيبي اويل الثخين اللي اهو جل بيبي أصلن اهم نفس الشي بس طفاااااااااااااكه على قولت ريلي شتقولون بعد ؟؟؟ ههههههههههههههههه
وفازلين والصابونه وكلونيا طبعا ماخذه غير هالزرقه اللي ريحتها عذاااااااااااب خذيت الوردي بس نسيت اصوره هذيلي أحلى ريحتين صراحه الاصفر ما عجبني ولو انه لو كان عاجبني جان اخذته خخخخخخخخخخخخخخخخخخخ
وعود أذون بس شكلي نسيت احطه او يمكن حاطته بصورة ثانيه مادري
وبودره
واهني كلنكس مرطب خذيت ثلاث انواع اللي بقوطي واللي بجيس طويل والصغير قلت الصغير أحطه بالجنطه وانظف فيه ايده لان معروف الياهل خاصة اللي توه بالأشهر كله مسكر ايده فلمن تعرق او تنتلف تطلع ريحه فاحس مادري لازم انظفها فخذيت الزغير والجيس الطويل قلت حق ظهره او رقبته او جسمه والقوطي حق لمن اغير البامبرز ...
والقطن حق لي سبحته أمش عيونه والقطن الثاني لاحتياجات اخرى قلت احتياط فخذيته ومعاهم مصوره عود الاذون ... وخذيتلي اسفنجة الرضاعة حقي
باقي بعد البامبرز باخذ ليبرو وباقي كوتكس وفوط حقي ومناديل ديتول باخذلي وصابون هدوم باقيلي بعد حق البيبي ومن الصيدلية بعد باخذ مناديل كحول حق سرة البيبي وماي غريب وترمومتر لقياس حرارته وباخذ كورسيه حقي احتياط اذا ما عجبني اللف بالجماغ يعني يكون عندي الخيارين ... وبصراحة يابنات ماراح اخذ جهاز التعقيم ... باخذ جدر خاص من لوازم العايله بكون خاص حق تعقيم وتنظيف المميات لاني اساسا انشالله ماراح استخدم المميه الا حق الدوا والاعشاب اذا احتاج لكن الحليب لا انشالله
الموووووووووووووووووهم نكمل
هذيلي صدريات بس أحس يبيلي بعد واكيد باخذ لان بروح بكمل باقي أغراض ماخلصت في شغلات باخذها بعد وصورتلكم جواتييه عزكم الله يمي يمي كربوووووووووووووونه حلاته والتسوس بيض كلهم مالقيت غير الابيض من مذركير
هذا كله أول يوم خذيته وثاني يوم رحت مع امي سوق المهادات وخذيتلي مهادات
شوفو الصور ...
هذا الأحمر والاصفر طبعا هذا الاحمر اللي صورة الافرول قتلكم ايي كامل وصج ايي افرول ومهاد ولفه والاصفر ايي خمس قطع افرول ومهاد ولفه وكبوس وتسوس
واهني أبيض مشجر بأحمر عجبني مع انه كنت ابي بس ابيض لكن هذا لفت نظري نااااااااااااااعم ...
والابيض خذيت منه ثلاثة ... هم نفس الشي خمس قطع ايي نفس الاصفر ...
وخذيت لفات حق البيبي أساس لي برد الا أكمكمه باللفة وخذيتهم ناعمين
هذيلي السادة قطن واحد أبيض والثاني أوفوايت بسالصور مادري ليش مطلعتهم جذي ...
وهذا الاوفوايت ... جنه قماط بس بدون ربطه
اهني مادري شفيها كاميرتي حاشها عمى ألوان او انحولت يا حافظ هذا لونه سكري غاااااامج مادري ليش مطلعته ابيض ...
والثانيين خذيتهم نفس الألوان بس الخامه غير تكون شبك مادري شسمونها هالخامة
المهم خذيت أبيض وبيج
وطبعا النقشه اذا واضحه تشوفونها هذي بس على زاويه وحده من اللفة المعروضه بس ولا باجي اللفة ساده مافيها شك وسوالف
والثاني السكري...
ياربي أمبييييييييييه الضاهر كاميرتي مو عاجبها لون الأوفوايت مو داش مزاجها فقامت تفلم وتحط اللون اللي على مزاجها هههههههههههههههههههههههههه
السموحه اللون موطالع عدل
ونسيت أحط شال بعد ماخذته بس من مذركير لونه ازرق عاد انشالله الكاميرا ما تفلم وتطلعه أخضر هههههههههههههههه
نفس النوعين اللي فوق بس أزرف واحد قطن والثاني شبك
بس هذا شكلي بخلي كمبل (لحاف) أغطيه فيه لمن ينام لان موحابته الف فيه الياهل أحسه شوي جامد ويابس مو مثل هذيلاك الاخذتهم من سوق المهادات ...
أما الثاني فينفع اتوقع لفه لان خفيف ...
هذا شبك أزرق ...
والمهادات والاوفرولات شاريه بعد بس عيزانه اصورهم كلهم اوكي تستاهلون ومن عيوني بس تقريبا الاشكال وحده والالوان متكرره
ومريت سنتربوينت شريت السرير بس ريلي ما ركبه ليلحين انشالله اول ما يركبه بصوره واحطه وشريتله الكفر كامل مع الحواجز بصورلكم الكفر مع اني احس لو بكون محطوط بالسرير واصوره بيكون أوضح ...
تفضلوا صورته ....
وهذا من الصوب الثاني ...
وهذا مدس شفته عجبني شكله فقلت اخذه ...
وطبعا يبيلي كفر استقبال ومحتاره فيه باجر بروح أفرفر وأشوف ...
ويبيلي ويبيلي طقم مهاد البيبي ... مع جنطته كامل ويبيلي صندوق حق شامبوهاته ... وصندوق حق ادويته ... وكبت بعد بييبله حق هدومه ... هذا غيييييييييير الأغراض اللي ابيها حقي بجايم وسراويل وستيانات وغير أغراض الحواي .... ويييييييييييي خساير ... هههههههههه وانشالله كل ما شريت شي يديد صورته وضفته ...
عاد تكفون ذكروني شنو بعد باقي ...
وصج تذكرت تكفوووووووووون سؤال صج صج صج محيرني ليش كل ما اسمع وحده مزهبه جنطة المستشفى تتب انها ما نست المره ليش يعني هم انا لازم ما انساها يعني قصدي كل وحده لازم تاخذها وشنو تسوي فيها بلييززززز ...
وشنو لازم أخذ غير المره يعني جنطة المستشفى متى أزهبها وشنو بالضبط أحط فيهااااااا