..:: النـجمـع الجـديـد مـن تـبـغـى ولـد او بـنـت ::..

شمعة محبة;12461442:

بنات أبغي اقولكم شي ..

أول شي أحس هرمونات الحمل لااااعبه دور كبير فيني هالفتره خخخخخخ ..

المهم ..
امممممم أنا حاطه في خاطري من زوجي ..
ما شاء الله عقب أسبوع تقريبا بنكمل 5 سنين من تزوجنا .. قولوا ما شاء الله ..
تخيلوا بنات مافي حوار بينا .. ما يكلمني في شي إلا ناااااااادر .. ما يسمعني ما ياخذ برايي ..
قبل كنت أحس ان الغلط مني .. بس يا بنات والله اللي أقدر عليه أسويله .. والله مب مقصره فيه .. الله يشهد علي أحاول أوفر له كل شي .. لين ساعات أمل وأقول كيفه لان ما أحس يبين في عينه ... أدريبه وايد طيب وحنون ويحبني .. لكن الانسان يتعب يوم يحس انه يقدم شي ويذبح نفسه وما يلقى شي في المقابل .. إلا ناااااااااااادر ...
ما يكلمني عن نفسه عن حياته .. ساعات أسمع أخباره من برع .. والله دايما أسأله عن يومه .. وأدلعه وأقوله كيف كان يومك ؟؟ كيف طلعتك مع ربعك ؟؟ ان شاء الله استانست .؟؟ اذا أشوفه ساكت أسأله شو فيك ؟؟ يعني مب اني ألبسه وأطنشه وما أعطيه مجال يتكلم ..
احترت وياه ..
وداااايما يغير كلمته يعني كلمته مب وحده .. وهالطبع والله طلعني عن طوري ملييييت ..
دايما يوعدني ويوم أذكره يغير الموضوع أو يؤجل المهم بشكل من الاشكال ينهي الموضوع ..

والله انه طيب وحبوب وقلبه أبيض وما فيه خبث ونيته سليمه وبيضا ..
لكن تعبت من هالحياه اللي مافيها تفاااهم .. والله أفتقد التفاهم ..
خاطري مره وحده أكلمه في شي .. يقولي صح وياج حق .. أو رايج صح أو أي كلمه تبينلي انه معاي .. أحس اني وحيييييييييده في حياتي ,, ولازم أفكر بحياتي بنفسي بدونه ..

وشي ثاني
زوجي وااااااااااااايد يحب الياهال .. و عيال اخته واااااااايد يحبونه ومتعلقين فيه .. أكثر من أبوهم ..
وأحس انهم متدخلين في حياتنا أكثر من اللازم .. يعني ما اقدر آخذ راحتي مع زوجي وبنتي بروحنا .. اذا هم موجودين .. أنا أحبهم وأدري انهم أطفال ويحبون اللعب .. لكن زوجي يقهررررني دايما يدخلهم عندنا الغرفه في أي وضع .. ساعات أكون بلبس النوم تخيلوا !!!!!
وانا عني ما أحب الياهل اللي ما يعرف يستأذن .. والله أنا بنتي أحاسبها ..
أخو زوجي متزوج من شهرين ونص .. وكل ما ينفتح بابهم مريومه تركض وتدخل .. وانا بصراحه ما أحب بنتي تكون جذيه .. عشان جذيه كذا مره أبينلها ان عيب من يفتح بابهم تدخلين .. لازم تستأذنين .. أهل زوجي حياتهم واااااايد سبهلله .. واااايد فوق ما تتخيلون .. وانا وايد أتضايق أنا أحب النظام .. و المصيبه ان زوجي جذيه .. عشان جذيه في أي وقت يدخل عيال اخته عندنا في الغرفه .. وكم مره أبينله أن انا أبغي آخذ راحتي في هالغرفه اللي عندي .. أنا ما عندي غير غرفتين .. غرفة النوم والغرفه الثانيه وايد صغيره فخليتها مخزن .. يعني ما نيلس فيها ..
يمكن تشوفون ان الموضوع تافه وما يستاهل كل هذا ,, بس أنا ملييييييييييييييييييت ..
حتى في الطلعه والدخله ويانا .. ساعات أبينله وأقوله أبغي أطلع وياك بروحنا حتى مريوم نخليها في البيت .. يعني أبوهم ما يحب الازعاج وما يطلع عياله إلا نااااااااادر .. انزين أنا شو ذنبي يعني هو ما يطلع عياله معناته لازم يكونون ويانا في كل شي !!!!!!!!
يعني بقولكم موقف صار اليوم .. انا هالايام واااااااااايد طفراااانه و وااااصله حدي من الملل .. ما نطلع ما نروح إلا ناااااادر .. و24 ساعه فالبيت جد أحس نفسي مخنوقه ..
المهم قالي زوجي خل نطلع .. ويوم ركبنا السياره .. قلتله تدري كنت بقولك خل نخلي مريوم في البيت .. لاني محتاجه أطلع معاك بروحنا ... بس يوم شفتها في السياره قلت يالله خل نخليها .. شوي ولا ولد أخته ياي .. جان يفتح السياره ويدخله .. هني أنا فوللللت :mad: ..
يعني ما يصير أطلع بروحي آخذ راحه شوي .. من شوي أقوله بنتنا خل نخليها في البيت .. ويدخل ولد أخته .. قلتله خلاص لا ناخذهم خل نخليهم في البيت .. أنا واااااايد مخنوقه ومحتاجه أطله بروحي معاك ما يصير !!!! أول شي ما كان مقتنع .. قلتله نزلهم وما بيصير عليهم شي ان شاء الله .. ويوم بنرجع بناخذ لهم حلاو من الدكان وخلاص ..
وبعدين نزلهم .....
أففففففف والله قهر قولولي مب قهر ؟؟؟؟؟؟؟؟؟؟؟؟؟
ما أقدر أسوي شي ويا زوجي إلا لااااااازم عيال اخته ويانا في كل شي ...
بجد زهقااااااااااااااااااااااااااااانه ..
آاااااااااااسفه طولت عليهم وااااايد بس كنت محتاجه أكلم حد ..
قولولي شو رايكم ؟؟؟؟؟؟

شمعة محبة;12461117:

بقايا

الحمدلله حبيبتي انتي شحالج ؟؟
آآآآآآآمين الله يسمع منج وينولج اللي في بالج يارب ..

ايماني
ما شاء الله الفستان حلو وناعم .. وأحلى شي انه ما يحتاج تلبسين اكسسوار خخخخخ ..
احنا عندنا عرس بنت عمي شهر 10 .. واختي تقولي خلينا نجهز من الحين .. في هاك الوقت تقريبا بكون في السادس . أخاف آخذ من الحين ويصير ضيق علي بعدين .. بس في نفس الوقت مابغي أخلي كل شي على آخر شي .. أبغي اخلص الحين أو على رمضان وأفتك ..
أحس مالي خلق أسوي شي ..
تتهنين في الفستان يارب .. والله يتمم على أخوج ومرته على خير ويجمع بينهم على خير يارب ..
بس ملاحظه حبيبتي .. ما يصير تقولين برب , لان حراام .. هذا الكفار طلعوا الاسم هذا عشان استغفر الله يتمسخرون على ربنا .. حسبي الله عليهم ونعم الوكيل ..

شمعة محبة;12463747:

حبيبتي طالبه كلية

مشكووووره على النصايح والوقت اللي عطيتيني اياهم ..
الوصيه الثانيه أحاول دايما اني اتبعها ..
الوصيه الثالثه كأنج تتكلمين عني .. وفعلا هالشي افتقده اللي هو اعجاب زوجي بي وبرأيي ..
لاني الحمدلله نعمه من رب العالمين الناس دايما تمدح فيني وفي رايي .. وقولهم عني اني ذكيه وحكيمه في قراراتي وتصرفاتي ..
لكن أفتقد هالشي بشكل كبير في زوجي .. لدرجة اني صرت أشك في قدرتي ونفسي ..

والوصيه السادسه بعد أحاااول اني أتبعها ..
وخاصة طبيعة عمل زوجي تحكمه انه في بعض الاحيان ما يكون متواجد ويانا ,, فدايما أحسسه اني معاه سواه بمكالمات أو مسجات ..

والله كريييييييم

ومشكوره مره ثانيه حبيبتي ...

شمعة محبة;12464659:

ايماني

فديتج مشكوره حبيبتي عالرد ..
والله اني ما عودتهم دايما أقولهم لا تدخلون .. احنا بنام الحين .. أو انا مشغوله ..
وساعات يكسرون خاطري فأخليهم يلعبون عندي .. وساعات أقولهم خذوا الالعاب اللي تبونها واطلعوا العبوا برع ..
المشكله مب فيهم المشكله في زوجي .. لان هو عودهم انهم يدخلون غرفتنا 24 ساعه ..
ويعرفون انه مستحيل يردهم أو يقولهم لا تدخلون إلا نااااااادر ...
والمصيبه انه يضايق مني اذا أمنعهم ..
علشان جذيه قلت انه ما يقتنع برايي لو شو ما سويت ..
بس الحمدلله بصراحه حسيت انه اقتنع شوي اليوم .. خاصه انه يعرف اني فالبيت 24 ساعه بحكم دورته ...
حتى أبينله ان مريومه فديتها من ينفتح باب غرفة عمها على طول تدخل .. وهذا عيب ..
صرت احس انه شوي قام يعرف ان الياهال لازم يتعلمون الاستئذان ..

وعن شغل وقت الفراغ ,, أنا من فتره في موضوع في بالي .. وادعيلي انه يتم .. وممكن جزء من مشكلتي ينحل .. بس الله كريم ..
وشو هي فكرتج قوليلي اياها ؟؟؟؟؟

وانا والله وايد واثقه من نفسي .. لكن عشت ويا زوجي تقريبا 5 سنين .. وفي كل هالسنوات ما عمره حسسني بقيمة رايي عنده .. عشان جذيه بديت أشك في نفسي ..
بس ان شاء الله ما بسمح لنفسي انها تنهدم خخخخخخ ..

وعن الفستان بحاول ان شاء الله خلال هالفتره أروح .. بس الفساتين عندنا أسعارها غاليه ..

ومشكوره حبيبتي ..

شمعة محبة;12464692:

قالولي موعد ولادتي في آخر شهر واحد أو أول شهر ثنين ..

نسيت التاريخ بالضبط .. ههههههه

وانتي ؟؟