جدول غذاء لعبادي

امممم جود يعني الدكتورة قالت لج عطية اكل .. وانا عمتي ذبحتني مو راضية :(

انتي اي دكتورة ؟؟ انا دكتور محمد الرفاعي ..

المهم جربي معاه الخضروات اول اغليهم واهرسيهم وعطية .. مثل الكوسة - البطاطس - الجزر ولين ما يتعود عليهم عقب عطية فواكة مهروسة مثل الموز - التفاح - بالاضافة الى السريلاك والبسكويت .. هذي الاكلات كلها مناسبة له ..

وفعلاً مثل ما قلتي انا اعطي بسبوس رضعة 90 مل وعقب ساعة ونص اعطية مرة ثانية يقول يبي بس الثانية ما يشربها كامل شوي منها بس .. فلذا دخول الاكل ضروري ..

ايه فديتج الاكل الحين عادي لأنه قالت الحليب بهالعمر ما يشبعه ابد
دكتورته منى الجفيري بالسلمانية ( عيادة الاطفال )
هي اللي اشرفت عليه من ولادته لين الحين ما شاء الله عليها

انزين روحي حق الدكتور وقولي له
ليش عمتج مو راضيه ! عطيه انتي من دون لاتعرف لأنه ولدج تقريبا نفس عمر ولدي

اي دكتورة منى شاطرة وايد وحبوبة .. ولد حماتي يتابعون عندها .. قالت الى حماتي اول ما يبداً يدخل الشهر الخامس عطية اكل .. انا عطيتة سيريلاك على قمح ..

حبيبتي ولدج عمره 4 شهور صح ؟ حسب التوقيع

تو الناس على الاكل لازم تنتظرين لحد 6 شهور .. كل الدكاترة حالياً ينصحون بهالشي

يتوم;12441085:
اي دكتورة منى شاطرة وايد وحبوبة .. ولد حماتي يتابعون عندها .. قالت الى حماتي اول ما يبداً يدخل الشهر الخامس عطية اكل .. انا عطيتة سيريلاك على قمح ..

يفضل تعطينه على ارز لأنه اخف شي هذا على كلام الدكتورة منى

بشه المنفشه;12441220:
حبيبتي ولدج عمره 4 شهور صح ؟ حسب التوقيع

تو الناس على الاكل لازم تنتظرين لحد 6 شهور .. كل الدكاترة حالياً ينصحون بهالشي

هلا اختي بكرة بيكون 5 شهور والدكتورة قالت لي ابدي معاه
لأنه الحليب ما يشبعه الحين

كيف 4 شهور ودكتور قالج تعطينه اكل ^o)

المعروف بكل العالم الاكل ينعطى للطفل بعد ما يكمل 6 شهور

نحن كل يهال العيلة ما نعطيهم الا بعد 6 شهور لانه معدتهم بعدها صغيرة

انا صح ما عندي عيال بس من كثر قراءاتي وخبرتي بيهال العيلة وربعي صرت اعرف الحمدالله

ويقولج اكبر غلط تعطين الياهل اكل قبل 6 شهور ،، تراهم لاحقين عالاكل لانه معدتهم بعدها صغيرة

ان شاءالله تتقبلين كلامي ولا تضايقين بس مجرد رأي لا اكثر

انه يوم ولدي عمره 3 اشهر كنت احط له بسكوت في الحليب.... 4 اشهر...مهلبية كستر او عيش... بس من حليبة ...
خضرة مفيوحة ... فواكة في الخلاط .. وجذي

انا ابني عمره اربع شهور واسبوع وكنت من الشهر التالت ياكل بسكوت مع الحليب والحين عمره 4 شهور واسبوع ماما قالتي دخليلو اكل دخلتلو سيريلك ويجي جاهز ميلوبا رز انت ضيفي حليب يلي يشربو وكمان ميلوبا فواكه مشكلة بس مع ماي وبعد اعطيه حبة بطاطا وجزر وكوسا ورخمس حبات رز كلو اعملو عالبخار بعدين اطحنو صح ما يحبو بس بضل وراه لحد ما يتعود ومرات نص موزة بعملها بالشوكة بحبها كتيرر ومرات نص جبنة مثلتات ومرات احط حليب وبسكوت وملوبا فواكه بحبو بس مش كتير يعني 30 مل حليب ومبارح رحت طعمتو وكل شي تمام والحمد لله

هلا جود

انا بنتي كانت جذي ماتحب تااكل لانه ماله طعم

اذا بتطبخي البطاطس خليه معاه شووي تفااح يعطي طعم

وشوي شووي يتعود

لانه ماايعرف ياكل اذا بتاكليه اكليه ولقفشه ماايله على جنب عشاان ماايقدر يطلع الاكل

بالتووفيق

تسلمون كلكم

بس بعلق على الاخت nadoon
ميلوبا الرز نفس سيريلاك الارز !
ولا غير !
انا اقصد بالطعم
لأنه بسكوت فارليز الحمدلله ماشي معاه ويشربه بالحليب عادي
بس السيريلاك اللي متعبني شوي وياه

ممكن تعلموني كيف اسوي كل صنف على حدة !
تسوون خير والله ..
يعني المهلبية مثلاً
رز مثلاً والخ ..

ملاذ الطير 79;12441580:
كيف 4 شهور ودكتور قالج تعطينه اكل ^o)

المعروف بكل العالم الاكل ينعطى للطفل بعد ما يكمل 6 شهور

نحن كل يهال العيلة ما نعطيهم الا بعد 6 شهور لانه معدتهم بعدها صغيرة

انا صح ما عندي عيال بس من كثر قراءاتي وخبرتي بيهال العيلة وربعي صرت اعرف الحمدالله

ويقولج اكبر غلط تعطين الياهل اكل قبل 6 شهور ،، تراهم لاحقين عالاكل لانه معدتهم بعدها صغيرة

ان شاءالله تتقبلين كلامي ولا تضايقين بس مجرد رأي لا اكثر

يوم شافت ولدي اخر مرة قالت لي ابدي معاه
وهي عندها خبرة مو اي شي
لأنه ولدي من الاطفال الخدج على فكرة
وهي اشرفت حالته من ولادتي بالقسم
وربي يرزقج بالذرية الصالحه
شاكرة مررورج

هلا حبيبيتي
من تجربتي بدات مع ولدي من عمر 4 اشهر
و استخدمت له ميلوبا بسكويت مال 4 اشهر
طبعا كل الدكاترة ينصحون و يقولون المقصود من كلامهم تقليل الحساسية عند الاطفال !!

يعني انا استخدمت مليوبا 4 اشهر خال من الجلوتين >> و هذه المادة اللي المفروض ما تعطينها البيبي قبل 4 اشهر عشان لا يتحسس
انصحج اتجربينه و تستخدمينه مع عبادي

هو بستوك و سريع الذوبان مع الحليب بس انا بعد من اشتريه اطحنه بالخلاط تبع ولدي و اخليه له في الحليب

و ربي يخليه و يحفظه

انا بديت مع بنتي 4شهور ونص بلفت بلس
ولما كملت 6 شهور احطلها كوسه وجزر وبطاطس مع بعض
ورز مع صدر دجاج
انتي اللحين حطيله بطاطس وبدال ماتطحنينه بما السلق حطي معاه من حليبه احسن
وعطيه بلفت بلس حلو طعمه القمح
والله يكون بعونك

مشكورين بنات

ريحانه وزهرة راح اشتري هاللي تقولون عنه وان شاء الله عاد يتقبل

\

سندريلا عادي اضيف البطاطس مع الحليب!!! ما يصير ثقيل ولا كيف

شوفي حبيبتي أنا ولدي وبنتي بديت معاهم من عمر ثلاث شهور ونصف طبعا تذويق بس مثل كاسترد /شوربه/موز/حبحب/مهلبيه علشان تتعود المعده من بدري

وإذا كملوا أربع شهور أعطيهم عصير طبيعي وأخففه بالماء ثم أتدرج بتثقيله


وإذا كملوا خمس شهور أعطيهم سريلاك وأخليه خفيف لأن عيالي مايحبونه ثقيل/تفاح/بسكويت مع حليبهم وبالخلاط

وإذا كملوا السادس أبدأ أتفنن لهم
مثلا رز أسلقه وأحطه بالخلاط مع مل وملعقة حليبهم وحبة تمره علشان التحليه

أو خضار مع قطعة دجاج صغيره طبعا مسلوقين وبالخلاط

أو خضار مع رز أسلقهم وبالخلاط

أعطيهم الشابوره حق التسنين مع حليبهم وبالخلاط


تفاح وبرتقال وموز وبالخلاط

هذا اللي استخدم بهذا العمرأتمنى إني أفدت بشي

تقبلي مروري

زهرة السعادة;12445781:
هلا حبيبيتي
من تجربتي بدات مع ولدي من عمر 4 اشهر
و استخدمت له ميلوبا بسكويت مال 4 اشهر
طبعا كل الدكاترة ينصحون و يقولون المقصود من كلامهم تقليل الحساسية عند الاطفال !!

يعني انا استخدمت مليوبا 4 اشهر خال من الجلوتين >> و هذه المادة اللي المفروض ما تعطينها البيبي قبل 4 اشهر عشان لا يتحسس
انصحج اتجربينه و تستخدمينه مع عبادي

هو بستوك و سريع الذوبان مع الحليب بس انا بعد من اشتريه اطحنه بالخلاط تبع ولدي و اخليه له في الحليب

و ربي يخليه و يحفظه

:thumbs_up:هذا الكلام الصحيح و اللي الكل لازم يتبعة الطعام الخالي من الجلوتين