التجمع لحوامل شهر .!. أغسطس.!.

انا ويه عبود المتفرغ يبي قيمات من الصبح كأنه شايب قلت له تذكر من يوم يحترق وجهي من القيمات من يومها ما سويته ,, وقاعد يحن

عاد انتو ما عندكم احد يوصخ ويعفس الله يعينا احنا كل يوم لازم تنظيف ,,

خخخخخ ضحكتيني شجونووو
عجبني وهو يقول انتين توصخين المكان لا هو كلش ما يوصخ
اني شقتي الي ما تتسمى شقه كلش صغيره يعني اكثر قعدتي في غرفة النوم وساعات يصير اغراض واجد على السرير يعني اكون ماكله جبس وخرابيط وشنطتي بعد على السرير واللاب توب وساعات دفتر اسجل فيه ويش بقى عليي للجاهل
يجي يقعد يتحلطم واني كله حكران
اقول له اذا استوت الشقه الي ما بتستوي ما بتشوف ولا عفسه بس الحين ما عندي مكان وين اقعد واخذ راحتي

يمممم شفيتيني على القيمات
ان شاء الله اليوم على الفطور تسوي عمتي قيمات
الاول كنت ما احبها بس قيمات عمتي لذيذه وما اقدر اقاومها بس بعد ما احبها كثر ما احب كباب عمتي
يممممي لذيذ
جوعتيني ترى اني صايمه:confused:

كريه اذا الرجال يتحلطم كأنه هو الي بينظف ,,

جان زين اقدر اصوم كل سنه اصوم بس السنه ما اقدر عن الاقل اشرب ماي ما استحمل العطش ,,
لو انا الحين اسوي قيمات مثل اول كان سويت لج انا بعد قيماتي كان لذيذ ,, بس كرهته ما اقدر اسوي ,,

اني رجلي كله جديه
كأنه هو الي ينظف
وكأنه هو الي حامل

الاول كان ينظف اما الحين لا شكلي حسدته
واني عن حساب كنت مستانسه لان هو كان يدرس في جده
والغربه تعلمهم وكان هو ينظف غرفته والحمام تكرمون
وساعات بعد يطبخون
قلت هذا اذا رجع بيساعدني
بس ولا يسوي شي
بعد بداية الحمل كان ينظف عني والحين كلش ما يسوي شي وبعد يتحلطم8o|

اني بعد اخاف احط القيمات وهالسوالف واذا احطهم امد بس ايدي واوقف بعيد واحط الشي وبسرعه اتباعد
اني اكثر شي متعقده منه البخار مال الطباخ لان كذا مره احترق في ايدي بسببه

اني زوجي صار يتحلطم لان معود على الدلع

يجي من الشغل ريحة الغدى واصله لوين وعصير ليمون بارد ينتظره

ومكيف غرفة النوم شغال علشان اول ما يتغدى ينام في مكان بارد

لثياب مغسولين والمكويين اكثر من 7 بدلات يختا ر ويتخير على كيفه


الحين يجي مافي غدى هو يجيبه وياه اذا مالقاني نايمة زين بعد

مااقدر اسوي عصير ليمون اتعب حدي شربت

لثياب مغسولين ومجعسين في الكبت والمكوية بدله وحده ويتحلطم عليها بعد

اذا اكوي قميص يبغي فانيلة والعكس

ههههه
اني من حملت لان قالو لي مو زين الحركه
صار كله يودي ثيابه الكواي
والحين شكلي تعودت يعني ما ادري شلون عقب الولاده بكوي له
واني بعد ثيابه اكويهم اول باول يعني من اغسلهم مباشره اكويهم ورجلي من النوع الي ما يلبس الشي مرتين في الاسبوع
اما اني ثيابي ساعات اكوي وساعات لا لان الاول كنت كله فانيلات وجينزات وعلى الاغلب الجينزات ما يبي ليهم كواي بس هو لا جينزاته لازم كواي

والحين بعد عنده معهد لازم على طول كشخه وكل يوم ثياب غير>>> اقول له ايه كله كاشخ والعطر واصل لوين اكيد وياك بنات >>يقعد يضحك عليي يقول انتين ولا بتتركين عنش هالسوالف

تصبحون على خير
تعبت بروح انام

توني بقول اني بقوم
لان عيوني تسكرت
واخاف بعد يقعد للشغل ويشوفني بعدي قاعده ويعصب

تصبحون على خير

}{ أم حـوراء }{;12462574:

اني خلصت اغراضي كلها وبعد احس في اشياء ناقصة :badly:

نفس الحااالة

هودج;12463129:

السلام عليكم كروشات

ادري محد يعرفني

بس دخلت كم مره وان شاء الله ارجع معاكم على طوووووووووول

يوووو

نعرفش لا دشيتين جم مرة ويانا

حياش الله في اي وقت

اسيرة حبيبي;12463348:
هلا بنات شخباركم اليوم
انا اليوم عيد ميلادي
ورحت الدكتوره الخميس قالت انه الراس انقلب وصار تحت بس باقي تسوي اشعه للحوض عشان تعرف اذاكان ضيق ولا لأ

كل سنة وانتي طيبة حبوبة


ومبروك نزول راس البيبي تحت

شجون إمرأة;12463461:
مششكوورين كل اللي سألوا عن اخباري F:


اخباري اني ظليت انازع بروحي وماحبيت ادخل غرفة النوم علشان ماايحس فيني زوجي لان راسه خفيف

لما حسيت روحي صرت احسن .. لان الالم كان يصير قوي مره وحده ويخف شوي

دخلت غرفة النوم وتمددت وكل شوي اتعفرت بصــــــــمت :-#

وبعد عناااء خف الالم شوي وتوهااااا غافيه عيوني الا زوجي يقعدني من النوم يقول ليي وش فيش ^o)

الظاهر ان كان يبين عليي اني اتألم واني نايمة

عاد كلش مو وقته توني برتاح الا هو مقعدني غطيت وجه قلت اله بنام خلني

وطلع عني واني انام شوي وارد اقعد اتعفررررت .. الالم فضيــــــــــع اول مره يجيني الم جذي


بعدين نمت وقعدت الحمد لله في الم بس اقدر اتحمله


الحين اني واجد احسن والالم صار خفيف كلش

بس اذا رجع ويش اسوي بعمري وين اروح ؟؟؟؟؟

زوجي كان يبغي يوديني مستشفى الولادة مستعجل عليي الظاهر :confused:


طول النهار على السرير حتى الصلاة ما صليت الا المغرب

افكر اذا هذا الم في الرحم يسوي فيني جذي هذا شلون الم طلاع الروح :'(

اذا صادش الالم مرة ثانية روحي المستشفى لا أني الا بذبحش هالمرة مو زوجش:mad:

أم عزيز;12464583:
الحمد لله.. البنت زينة وهدية وطيبة.. والله يكتبها من نصيب اخوي..

دعواتكم..

انه يلقي المودة في قلوبهم في يوم الرؤية الشرعية..

ليلحين ما حددنا..

ربي يجعل بينهم مودة ورحمة يارب وييسر لهم يارب

اصغر عروسة;12465208:
احلى

طلع موعدي 1 - 7

مو 3 - 7

خخخخخخخ يعني هالخميس

واني موعدي 30-6\

الاربعا

اليوم عندي presentation في الجامعة

ادعوا لي