خواتي انا بديت بجهاز الببيات اشتريت الهم الشباحات من عمر نيوبورن ولحتى عمر 6 شهور بس جبت الوان محيرة
وجبت ارواب للببيات وكوافيل تقريبا لكل بيبي 6 ارواب واشتريت تبانات مشكلة بين مسكرة من الرجلين ومفتوحة وكمان جبت تبانات لنص الرجل كتير حلوين وطواقي
وكفوف وكلاكيل وحجزنا السراير للببيات من بيبي شوب كتير حلوين وفصلت الخزانة وطاولة الغيار عند النجار وحتى مفارش السراير جبتها من بيبي شوب كتير حلوين وشريت بطانيات مشكلة بين خفيفة وبين تقيلة وكمان السلة شريت وحدة كبيرة بتكفي التوأم سوا وبتنحمل وحتى اغراض الحمام كرسي التحميم والاسفنجة وزوجي اشترى البانيو يلي على استاند وكتير اشياء بس كنت حابة اشتري كم لبسة بالوان الببيات بس اعرف جنسهم
بس سؤالي حببياتي الرضعات انا اشتريت لكل بيبي رضعتين وحدة للمي ووحدة صغيرة للحليب بيكفي ولا لازم اجيب اكتر؟
وسؤال تاني جهاز مقياس الحرارة وجهاز التوكي ووكي شو احسن نوعية فيهم للبيبي لاني محتارة؟
واكيد باقيلي لسه اشياء للببيات بس هلا بدي ارتاح شوي اسبوع زمن وانزل اشتري الي لبس خاص بالحمل لانه ما شاء الله كرشتي بينت كتير يعني حتى تحت العباية واضح اني حامل اما لبس النفاس فمع التعب قررت اخليه لبعد العيد لاني كتير تعبت من السوق
ونصيحة الكو حببياتي اذا عرفتو جنس البيبي لا تاخروا التجهيز للسابع وبعد لانه موت وتعب وبياخد وقت طويل