روح المعالي;12460062:هلا فيج يالعيناوية
شخبارج؟؟؟؟؟
الحمدلله من امس بديت اخذ الكركديه مرتين باليوم
ولله الحمد صداع ارتفاع الضغط راح بس بكرة بقيسه وبعرف إذا كان زين او لا ... بس انه اخذ ادوية للضغط عادي معاهم اشرب الكركديه ولا مايصير؟؟؟؟
الـبـدره;12460548:
روح المعالي
الكركديه زين للحامل؟ لأن انا ضغطي مرتفع شوي
°•♥ Teacher ♥•°;12456813:
صباااااااااااااااااااااح الخييييير
ياااا طوله الواجب بس الحمدلله خلصته ^_^
الله يوفق اللي عندها اختبارات .... ان شاء الله كل شي يكون تماااااام وتعدي ع خييييير
الله يسهلها عليكم ان شاء الله
انا شكله البيبي بيطلع رياضي\رياضيه حددددددده
من هالمباريات اللي اشوفهم ليل نهار !!! ما افوت وحده من كاس العالم مع اني ما كنت كذا :(
اذا ممكن اسألكم متى نبدي نستخدم كريم التشققات
رحت اشتريته من الصيدلية وكنت كله اقرا انه من الشهر الرابع احسن الوحده تستخدمه
بس الصيدلي قال من الشهر السابع بس !!!!
وقال لا تستخدمين شي بهالشهور لين توصلين السابع لانه مو زين !!
حيرني صراحه ... أول مره اعرف انه من السابع بس .. وجلس يأكد علي قبل لا اطلع !
يا ليت اللي جربت ولا الدكتوره قالت لها شي تخبرنا
هيبة الطاووس;12456823:
صباح الخير جميعاً غبت كم يوم تعرضت لمشكله بس الحمد لله فرجت
الدكتوره ما صرفت لي أدويه ولا شيء يعني عادي بس الفوليك أسيد .
العيناوية;12457461:
صبااااااااح الخير
روح المعالي;12457719:صباح الخير
شخباركم؟؟؟؟؟
باجر موعدي دعواتكم انه اللي ببطني يكون بخير
والضغط يكون زين عشان ما اتنوم بالمستشفى ما احبه
أم مريمي;12457764:
صباح الخير عروسات مكرشات
غبت عنكم لفترة طويلة كنت شويه تعبانة في المستشفى
متباركين بالتجمع الجديد
ويش اخر التطورات ؟؟؟؟
في احد جهز شي اني قاعده واحاتي التجهيزات ؟؟؟
وكل ما اقول الى احد من اهلي يقولون لي بعدهي وقت لا تستعجلين
وعلى فكرة رحت الى الدكتورة وقالت لي احتمال اللي في بطني بنوته فابغي اسال هل اعتمد او يمكن مع مرور الشهور يتغير؟؟؟ بما انها مو متاكدة؟؟
اللي عندها فكرة ترد عليي
تحياتي
روبه حامضة;12457952:
كروشات.........متى نحس باحركة الجنين؟؟؟؟
حسيتوا فيها ولا للحين؟؟؟
ام حمود وبرور;12468636:
اول امس رحنا برجة واستانسنا عدل...
بس الا نغص عليي وناستي حمود زنان بشكل موطبيعي..
ولاصق في جبدي مو مخلني اتحرك على راحتي...
خلاص حطيت عليه اكس.. مرة ثانية لين بنروح برجة بخليه عند ابوه مابغيه :)