زوجي يضربني ساعدوني شلحل..؟؟؟

نمله كشخة 23-06-2010 69 رد 2,827 مشاهدة
ن
مرحبا اخواتي كيفكن،،

بالمختصر راح ادخل بالموضوع لاني ميته قهر:'(

متزوجة من 3 اشهر تقريباً وزوجي دوم يطقني تخيلواا حتى

بشهر العسل طقني وبقع جسمي وطلع الدم من جسمي !!

مب مقصره معاه ابد واحبه والبي كل طلباته ورغباته بس مشكلته

وايد عصبي ومن يعصب يطقني ،، حاولت معاه بالحسنى كلمته الف

مرة وكلمت حتى اهله والمشكله يكذب !!

دائماً يرمي اللوم علّي ويقول لأهله اشياء ماقلتها ولاسويتها

بس حتى يبرر طقه لي واهله يصدقونه !!!!

ميته قهر وغصه من كنت عروس يطقني ،، خبرت الوالد

ولمن كلم زوجي رد عليه و قاله انت مايدخلك بيني وبين زوجتي!!!

عاد الوالد قالي من يطقج مرة ثانية خلاص اخذج البيت واطلقج منه

واني بحيرة احب زوجي ومابي احمل لقب مطلقة

لان المجتمع مايرحم

وهم تعبانه من طق زوجي لمن يعصب ولااعرف شسوي

معاه اقل شي ولو

كان كلام عادي يقول اعصبه ويطقني بدون رحمة!!

ساعدوني راح اموت قهر من زوجي واهله:'(

ص
الله يساعدش اختي
و الله عورني قلبي عليش
يعني للحين في رجال بهالعقلية
اختي المفروض ما تسكتين عن الموضوع ... يعني انش تحمين لقب مطلقة و اتعيشين في بيتكم معززة مكرمة احسن بالف مرة
من الضرب الوحشي اللي تتعرضين اليه ....
افرضي انه ضربش يوم بالغلط على اي مكان و يصيدش _ الله لا يقوله _ اعاقة وش بيفيدش الزواج عقب
كنا بننصح انش اتكلمينه بالهدوء بس لللاسف شكلش استنفتين كل الخيارات المنطقية
و هو ما اتغير ... يعني اذا كان يضرب و يكذب و لا يحترم ابوش ... وش فايدة العيشة ويا زوج مثل جذيه
لو اتطلقتين و هو ابغض الحلال الله ما راح يضيعش و بيجيش اللي احسن منه ان شاء الله

بالتوفيق اختي
B
لاحول ولاقوه الا بالله......الله يهديه يارب.....بس والله ماعارفه بشو ارد عليك تجاه هالمشكله.....اول شي ادعيله الله يهديه و يحميكي من عصبيته........ماوضحت شو الاسباب اللي على اساسها يضربك....يعني هل من دون سبب....او يصير نقاش بينكم وبعدها الامور تحتد وهو يعصب ويضريك؟؟؟؟

ياريت تحللي المواقف اللي هو يضربك بعدها ووضحيها لنا واكتبيها....وعلى اساس هالشي نخبرك شو تسوي او الله يقدرنا وندلك عالصح وتسويه.....وانشاءالله اساعدك وبنات عروس مايقصروا معاكي.........بس ياريت توضيح اكتر لمشكلتك....بحفظ الرحمن...
ز
الله يساعدش ويهديه
ع
خايفه انك تحملي لقب مطلقه ولا خايفه على نفسك ؟؟؟؟؟؟؟
الناس بتتكلم يوم يومين وفي النهايه بيسكتوا وبعدين منتى اول ولا اخر وحده تطلق
اشتري راحتك وصحتك اهم من كلام الناس وحبك لزوجك ما بيفيدك بشي دامنه ما اهتم ولا راعى هالحب
ولا سمح الله في يوم من الايام يصير لك شي من الضرب
دام هذا اوله ينعاف تاليه خلي اهلك يوفقوا موقف جاد عشان يعرف ان وراك ظهر ويوقفوه عند حده
وما ياخذ راحته ويضرب وقت ما يبغى
ولما تشوفيه بيمد يده عليك امسكي يده وانهريه خليه يعرف انك قويه
لا تسكتي على ضربه والله يعينك
ف
اختي شو اقوووووووولج والله انتي غلطانه
انتي الي عودتيه يمد يده عليج
المفروووووووظ من اول مره ما تسكتين الرجال ما يحب الحرمه الضعيفه
ويمد ايده عليج وانتي في شهر العسل
اختي انتي انسانه ولج مشاعرج واحاسيسج
وبعدين موقف ابوج صح
اطلبي الطلاق
وبقولج شي اي حب واي بطيخ
ولو هو يحبج مستحيل يمد يده شو انتي لعبه عنده
وبعدين ليش تعيشين مع واحد كذاااااااااااااااااااااااااااااااب
اليوم كذب على اهله بكره ما يندرى شو يسوي
يمكن يتكلم عليج
اختي انتي في بدايه حياتج
قبل عن تحملين من هالشخص
اقولج من الحين
اذا مده يده عليج مره ثانيه
روحي المستشفى على طوووووووول
واخذي التقارير وعلى طول على اقرب مركز شرطه
لا تسكتين له
وبعدين المحكمه غصبا عنه بتطلقج
وعلى قووووووووووولتج لقب مطلقه صدقيني اذا انتي وديتي تقاريرج الشرطه
الناس ما بتلومج لان عندج الدليل
وانتي الله بيعوووووووضج بالي احسن منه
ن
صرخة زينبية;12432791:
الله يساعدش اختي

و الله عورني قلبي عليش
يعني للحين في رجال بهالعقلية
اختي المفروض ما تسكتين عن الموضوع ... يعني انش تحمين لقب مطلقة و اتعيشين في بيتكم معززة مكرمة احسن بالف مرة
من الضرب الوحشي اللي تتعرضين اليه ....
افرضي انه ضربش يوم بالغلط على اي مكان و يصيدش _ الله لا يقوله _ اعاقة وش بيفيدش الزواج عقب
كنا بننصح انش اتكلمينه بالهدوء بس لللاسف شكلش استنفتين كل الخيارات المنطقية
و هو ما اتغير ... يعني اذا كان يضرب و يكذب و لا يحترم ابوش ... وش فايدة العيشة ويا زوج مثل جذيه
لو اتطلقتين و هو ابغض الحلال الله ما راح يضيعش و بيجيش اللي احسن منه ان شاء الله



بالتوفيق اختي




هلا خيووو ،،

اييي في رجال جذي وصار من حظي ونصيبي الحمدلله

على كل حال ،،

زوجي مايحترم اهلي ودوم يسب والديني واهلي ويضربني

على ابسط الاشياء

خايفه اصير مطلقه هذي المشكله اتحمل الضرب والسب

ولاادري شسوي دائماً

اتغزل فيه واكشخ له ومااقصر بأي شي واهو مايتغير ولايحس!

الله كريم:(
ه
شنووو يضربج !! الدنيا سايبة .. الي ما يحترمني ما ينفعني حبه .. قبل الحب احترام حبيبتي
هالايام في جمعيات الرفق بالحيوان .. وانتي انسانة وعندج لسان تسكتين عنه
كل ما سكتي بيتمادى .. المفروض من اول مرة يرفع يده تعلمينه شلون يوقف عند حده
المفروض حتى لو كان يمزح وياج .. وضربج وهو يمزح توقفينه عند حده لان بعدين يده اتصير خفيفة عليج
وانتي يضربج ويطلع من جسمج الدم !! وتسكتين
وخايفة تحملين لقب مطلقة!! لا خليه يضربج ليين ما يصير فيج شي لا سمح الله وعقب .. بيقول ما يبغيج وبيحملج لقب مطلقة ..
وعقب عاد .. مطلقة ومعوقة لا سمح الله .. بعيد الشر
واذا ضربج .. واهله ما صدقووج .. راويهم البقع .. دافعي عن نفسج .. روحي بيت اهلج .. انتي اهلج مو قاطينج
واذا ما يحترم بيتكم .. ولا يحترمج .. ويجذب ..!!
شنوو ناطرة يعني!!
ترى النار ما تحرق الا رجل واطييها .. والناس ما بتعيش وياج علشان بتحس فيج !!
ترى الزم ما عليج نفسج .. والناس ماعليها الا من الظاهر
الحين احسن قبل لا يصير عندج عيال!!
شذنبهم كل يوم يجوفونج مضروبة .. واكيد بيوصلهم شووي من الطق!!
سامحيني حبيبتي.. بس والله من قهري عليج
الله ييسر لج امورج .. ويحنن قلبه عليج
ن
BLUEMOUNTAIN;12432834:
لاحول ولاقوه الا بالله......الله يهديه يارب.....بس والله ماعارفه بشو ارد عليك تجاه هالمشكله.....اول شي ادعيله الله يهديه و يحميكي من عصبيته........ماوضحت شو الاسباب اللي على اساسها يضربك....يعني هل من دون سبب....او يصير نقاش بينكم وبعدها الامور تحتد وهو يعصب ويضريك؟؟؟؟

ياريت تحللي المواقف اللي هو يضربك بعدها ووضحيها لنا واكتبيها....وعلى اساس هالشي نخبرك شو تسوي او الله يقدرنا وندلك عالصح وتسويه.....وانشاءالله اساعدك وبنات عروس مايقصروا معاكي.........بس ياريت توضيح اكتر لمشكلتك....بحفظ الرحمن...


هلا ياقلبي ،،

يضربني على اسباب تافهه ابسطها لمن اطلب السيارة

حتى اطلع مع اخواتي من كثر مايكره اخواتي مايوافق

يعطيني السيارة

والقهر ان فلوس السيارة فلوسي يعني من حقي

استخدمها ولمن اقوله

يعصب ويصارخ ويضربني!!!

مرات اسولف معاه عادي واقول كلمة مثلاً ماعجبته

او ماحبها يصارخ ويهجم :|

هذي حالتي معاه اشياء تافهه يضربني عشانها :(

م
عزيزتي


خلي الحب بصوب


هذا مايحترمك ولايحترم اهلك ربي يعوضك بغيره


انا ماانصح بالطلاق لاغلب المشاكل الا الضرب وسب الاهل


هذا ماينعدل حاله وزين مايربطك فيه اطفال

اهربي من هالزواج قبل لاتحملين وتندمين الف مره



موفقه
ن
عاشقة المستحيل;12432896:
خايفه انك تحملي لقب مطلقه ولا خايفه على نفسك ؟؟؟؟؟؟؟
الناس بتتكلم يوم يومين وفي النهايه بيسكتوا وبعدين منتى اول ولا اخر وحده تطلق
اشتري راحتك وصحتك اهم من كلام الناس وحبك لزوجك ما بيفيدك بشي دامنه ما اهتم ولا راعى هالحب
ولا سمح الله في يوم من الايام يصير لك شي من الضرب
دام هذا اوله ينعاف تاليه خلي اهلك يوفقوا موقف جاد عشان يعرف ان وراك ظهر ويوقفوه عند حده
وما ياخذ راحته ويضرب وقت ما يبغى
ولما تشوفيه بيمد يده عليك امسكي يده وانهريه خليه يعرف انك قويه
لا تسكتي على ضربه والله يعينك


خايفه من المجتمع ونظرته لي ،، خايفه من كلام الناس ياقلبي

المشكله لمن تدخل الوالد كلمه بأسلوب مب حلو

وانا انحرجت وكسر

قلبي الوالد ،، بس قالوا لي اهلي اذا ضربني مرة ثانية

راح يطلقوني منه

والحين صرت متحيرة لو طقني اقولهم او لا اسكت !!

الوالد مريض ولاادري شسوي بحظي توني متزوجة ماكملت

حتى 3 اشهر والله:'(
ن
قرأت معظم الردود وحز بخاطري شي واحد وهو ان اني اعرف شنو الحل

ولكن قلبي يرفضه ويحاول ينكره !

المفروض اطلب الطلاق منه واعيش معززه مكرمة عند اهلي!!

خلاص اذا مرة ثانية ضربني راح اروح بيت اهلي واللي يصير يصير

يطلقني اهو من راح يخسرني !!

صرت ماتحمل الضرب جسمي تكسر:(
ر
أنا مع عاشقة المستحيل ,خلي الناس تولي شو يعني لقب مطلقه , يعني تكون حياتك جحيم بس ما تحملي لقب مطلقه !!!!!!!!!!!!!!!!!!, الناس عمرها ما تتعب من الكلام


طبعا انا كنت اتكلم بشكل عام , ما يعني أشجعك ع الطلاق لا ابدا , هذا اخر الحلول وعندي نقاط لازم توضحيها عشان البنات يفيدوك


اولا كيف تحبي زوجك وهو يضربك عفوا ,,,,,,,,,؟؟؟؟؟؟؟؟؟ أقصد شو هي الحاجات الي يعصب منها ؟؟؟؟؟؟؟؟؟؟ هل يعصب ويضرب ع شي تافه ؟؟؟أسمحيلي الضرب يهدر كرامتك ويقول لك بصوت عالي انا لا احترمك


ثانيا شو هي مميزات زوجك عشان تقولي احبه ؟؟؟أقصد هل يستاهل الصبر والتحمل ع ضربه لك ؟؟؟؟؟؟ هل يحبك مثل ما تحبيه هل يحترمك , هل موفر لك كل شي ؟ هل يسعى لاسعادك ؟؟؟؟ هل صلته قويه بربه ؟؟؟؟؟؟؟؟؟؟؟؟؟؟ الانسان الي يعرف ربه زين ويخاف منه ما يضرب زوجته اسمحيلي ع هالكلمه , حتى بعصر الجاهلية ما انتشر هالشي ؟؟؟؟ بالمختصر جاوبي عن نفسك شو هي مميزات زوجك عشان تتحمليه وتصبري عليه, هذا انت توك عروس ولا رحمك , عاد كيف بعدين


حضرته رفض تدخل أهلك , طيب جلسي معاه وكلميه بهدوء اعصاب وقوليله انك تحبيه وانه ما فيه داعي للي يسويه وحرام ولا يجوز , بس تراك صبرتي اليوم عليه بكره ما راح تصبري وجسمك ما راح يتحمل , لازم تتفاهمي معاه ع الموضوع انت انسانه ربك كرمك وكنت عند اهلك معززه مكرمه , والله يفرج عنك قبل لا تتخذي اي قرار صلي استخارة لعدة مرات والله يوفقك
p
اختي الطلاق اهون مليون مرة من العذاب لي راح تشوفينه بعدين مع زوجج خصوصا لما يعرف نقطة ضعفج الي هي خوفج من الطلاق و راح يستغلج و يستغل فلوسج و يمحي شخصيتج من الوجود و هو الامر الناهي ، فانتي اختاري راحتج النفسية و الطلاق او تحملي لقب متزوجة مكسورة الخاطر و متذمرة نفسيا
اذا ضربج مرة ثانية روحي بيت اهلج و خليه يولي و الحمد لله انج مو حامل و لا لج معه عيال ، هو الخسران مو انتي
س
الله يكون بعونك
ا
اختي راي ابوك وراي البنات ورايي بعد انه لازم تنفصلي منه رجال مثل هذا متامني عقباه اسمعي كلام اهلك
ت
ماتبين يقولون عنج مطلقه ,, بس بعد اكيد ماتبين تتمين في عذاب وإهانه

وبكره يجون عيال ويعيشون في جو مشاكل وغضب ,, وانتي تنهانين صوبهم

اختي ,, حتى لو انج تحبينه

لازم تلقين حل معـاه اكيد ,, لان لو سكتي بأسم الحب باجر تمر السنين وتقولين ليش صبرت على الطق والإهانه !!
ا
كسرتي خاطري :(
الله يفرج همك انشالله :(
B
لسه لكم 3 شهور وجسمك تكسر من الضرب كيف لو سنــــــــه ,, الله يحميك
اعتقد زوجك عاش في بيئه فيها ضرب يعني مثلا ابوه يضرب امه من وهو صغير او يضرب خواته فكبر الشي هذا معاه .
وكلمه اخيرة راحتـــــــــــك اهــــم ..
ب
الله يكون بعونك
X