متجدد @@كل وحده تحب الميك اب تبى تتعلم تعالو نستفيد من خبرات بعض و كل يوم منتج جديد@@

لانا

nice2eyes

مشكورييين خواتى كلكم ذوووق :)

اسعدنى تواجدكم وبأنتظار تجاربكم

أنوش;12589132:
فوشيا موضوع جميل تسم ايدك
وتسلم ايد كل البنات اللي ساهمت بمعلوماتهم

واسمحيلي اسال كم استفسار ضروري

عايزة اعرف اسعار ماركة مكياجي في الفاونديشن والجلوس
وهل فيها نوع فاونديشن حلو مش بيسيح ومقاوم للماء ولالا والجلوس درجة ثباته وترطيبه حلو ولالا

وماركة برستيج موجوده بالسعودية ولالا ؟؟؟

افيدوني لان الماركة دي مش عندي في مصر وعايزة عنها معلوماااات

وربي تستاهلين احلا تقييم

وننتظر موضوعك تبع الاضاءه باحر من جمر..

وابغا كريم اساس خفيف لبشرتي الدهنيه يكون للبيت ويبين كانه طبيعي<< ماتعطا وجه خخخخ

وربي نفسي انزل صور مكياجي بس البلاتوث تبع لابتوبي خرباان!!!!!

بس بحاول....

@@فوشيـــا@@

وفيتي وكفيتي يا قمر تسلم ايدك وعنيكي عالرد الجميل دا
وانا متابعة معاكم خصوصا فيما يخص الاضاءة والبلاشر اللي جرب منتجات فيهم حلوة يفيدنا بالاسعار

تسلمين حبيبتي ع هالموضوع الرائع

تسلمين ياقمر عالموضوع الرووووووووعه ....

هذه بعض الاشياء الي استخدمها كثيييير ...

كريم اساس من مايبلين حلو وتغطيته متوسطه كويسه مرة للي ماعندها عيوب كثيرة في الوجهه ويرطب الوجه في نفس الوقت مو ناشف ومموه كويس يعني يفرش معك في الوجه مايحتاج كميه كبيرة منو


ورحت من فترة على سنتربوينت وشفت الكريم الجديد من مايبلين الابيض اللي كنتي حاطتيه في مجموعتك انا كمان ماعجبني وتندمت اني اخذتو الصراحه مايعطي تغطيه ابدا ولاشي بس لون افتح يعني كأني حطيت كريم اولاي :worn_out: بس ناشف مو رطب ماعجبني ابدا ...

بلاشر كريمي من مايبلين رووووووووووووووووووووووعه الوانها كلها تحفه وتعطي اطلاله طبيعيه وفيها لمعه ناعمه حلوووووة عندي لونين وردي فاتح ولو مشمشي على برونزي تحففففه:L:


الماسكارا احب مرة من مايبلين برضو في نوعين تحفه بجد الورديه والصفراء روعه وماتكتل الرموش كا رمش بحاله وسوادو حلووو:adore:


ارواج مايبلين روعه خصوصا الجديده تحفه الوانها وفيها لمعه رووووعه اللي عندي اخذت اثنين وردي فاتح على لولي لون خياااالي والثاني لون مشمشي حلووو ما اتذكر الارقام الحين بشوفها وبحطها هنا ان شاء الله ...

افضل بيس للبشره من سيفورا كلمة روعه قليله عليها واحسن من اي منتج آخر يحمي البشرة ويمنع تكون القشور ويمنع تكون الخطوط الدقيقه من كريم الاساس:)

وتعجبني ماسكارا برجوا النحاسيه حلوة وماتتكتل ابدا مهما حطيتي تعطي كثافه حلوة وتفرق الرموشي وحلوة للصباح او العصريات والزيارات العاديه


طلع ماسكارا اجدد حلوة مرة تعطي كثافه كل ماحطيتي وكثافه قويه بعد وتطول وحلوة من جد وفي نوعين سوداء عاديه او سوداء اكسترا اقوى يعني لكن عيبها الوحيد انو تطفش وقت تمسحين المكياج بالغصب تروووووح :-#


وفي ريملات حلوة من برجوا اخذت انا التركواز والاسود والاخضر كلهم بلمعه وحلوة فرشاتها رفيعه مرررة تتحكمين بسماكة وعرض الرسمة زي ماتبغين ;)
من هذه المجموعه اخذت التركواز اما الاسود والاخضر من مجموعه ثانيه مالقيت صورهم عالنت بس الكميه صغيره من تحت

بينيفت تعجبني مرة منجد روعه وعلبها حدها كيوووت واللي احبهم مرررره:adore:

استخدمو بس للشفايف لون طبيعي ورائع ويقعد يوم كامل تقريبا


هذا المنتج رائع للجسم هو يوووحد اللون حلو مرة حق السهرات احطو على الاماكن المكشوفه ( الصدر- الساقين - الذراعين :hysterical:) يعطي لون موحد ولماع وناعم جدا كانو زبده:D ههههه
وفي ارواج تعجبني مرة في ريميل وصرت احب الالوان المات لانو طفشت من اللمعه كل شي عندي لمعه:confused: وبديت بالمات حتى الشدو اشتريت باليت جديد مات
في روج جديد اخذتو من اسبوع من ماركة paupiere رقم 4 روووووووووووووووووووووووووووووووعه وطبيعي هو صاير كانه ( روج - قلوس - مرطب ) روعه من جد عالشفايف وريحتو حلوة مالقيت صورة عالنت ان شاء الله بس يضبط جوالي بصوره واحطو ....
هذا اللي اتذكره للحين >>>>>>>> وشبك طفشتينا خخخخخخ

العذر والسموحه عالاطاله :worn_out:

انه ماعندي خبرة في المكيااج خييييييييييييير شر صج عندي تناتييييييش من كريم اساس وبلاشر وشدووات بس احس مو ذااك الزوود :'(ابي شيء حلووو خخخخ:!!:
ابي مكيااااج نفس اللي الحين يحطوونه قصدي الكريم اساس يخفي العيووب وفي نفس الوقت يبيبن طبيعي مو اوووفر..... وابي اتعلم اساسياات المكيااج:confused:
كل شيء انه استفدت صرااحه من الصفحاات اللي قبل جزااكم الله خيييييييير بس ابي اعرف اهم شيء يكوون عندي وبعدين ارووح للكمالياااات:hysterical:

فوشيا تسلمين على هالموضوع المفيد والحلوو

انا شريت لي امس كحل جل من ماك ،، نفس مال ميبيلين بس قلت باخذ مال ماك
مادري جان جربتيه او لا

شرايج فيه ،، انا ماحسيته وايد غامج ،، يعني الكحل السائل اغمق بوايد لين احطه فوق العيون
يمكن لاني ماعرف حق الفرشاة بعد اول مرة استعملها

بغيت اسألج في شي بعد // شنو تنصحين بأحسن كريم مرطب للوجه

ومشكوووورة
وان شالله مرة ثانية بحط صور منتجاتي

يسلمووو يالغلا

نفسي اعرف وين ينباع؟؟!!
وكم سعره؟؟

وحلو يعني يخفي الركب؟؟

تسلمين يا قمر يا احلى فوشيا ....

تذكرت حاجه ههههه

اشتريت من فترة كريم للبشره من ايف سان لوران يعطي اضاءه خياااااال للبشره وينفع ينحط لوحده لوجود لمعه ناعمه فيها وتغطيه بسيطه جدا بس الاحلى انو تقدري تحطيه لوحده في روحه عصريه او احد جا عندك يزيل شحوب البشره ويعطي البشرة المتعبه صفاء ونقاء وينوووور انا اخذت اللي لونو وردي من جد تحفه احيانا بس احط كريم اساس واخلص احط منو شوي واوزعو بطريقه بسيطه عالبشره ينور ويعطي اضاءه وريحته حلوة وانصح الكل يتخذ منو مابتندمووون بس الاول جربيه على ايدك اذا عجبك خذيه لان الناس اذواق طبعا :) .. هذه انا صورتها بس سوري مو واضحه فجبت صورة اوضح لها من النت


القلم اللي جنب ايف سان لوران من بودي شوب اضاءه مرة رووووعه تطبقيه كانك تمسحين بشرتك على الاماكن المراد اضائتها مرة مرة رووووووووعه مالقيت صورة لها عالنت والمشكله هنا مو واضحه ..


اللي عالطرف هذا ظل سائل من برجوا حلو في نوعين في ذهبي على برونزي زي هذا اللي عندي وفي وردي بس ماعجبني الوردي هذا احلى بس الافضل ينحط منو كميه بسيطه وتحطي ظلال ثانيه وتدمجي ..
واللي على اليمين الروج اللي من paupiere لونو روووووعه 4 بين الوردي والبيج يعطي اطلاله طبيعيه للشفايف بس وقت صورتو من جوا اللون مابان ابدااااا ..:(
هذه اضاءه بودرة من بودي شوب معروفه في منها الوان بس هذه حبيتها اكثر شي مرة رهيبه ...

ماشاء الله موضوع حلو والاحلى تفاعل البنات والاستفادة الي استفدناها لان في بنات مايعرفون شنو يشترون من ميك اب وشنو الاشياء الضروريه والمهمه عشان يكون الميك اب بيرفكت وسيمبل
تسلمين صاحبت الموضوع ويسلمون البنات الي عرضوا منتجاتهم

فوشيا ، اولا شكرا جزيلا على الموضوع المبتكر و المفيد، معك حق راح يساعد الكثيرات،،،

حاولت اقيمك بس الميزان مو راضي:o

يسعدني احط تجاربي في موضوعك الرائع و اتمنى تكون اضافتي مفيدة،،

بحط منتجات ميكاب الوجه اللي عجبتني:

اولا الاساس: على فكرة بشرتي دهنية

عجبني هالاساس من maybelline يكون مثل الكريم الباودر و بعدها يندمج بسرعة بالوجه و يعمل تغطية حلوة و يخلي الوش ناشف من الدهون و اللمعان طبعا.





كمان من max factor الجديد، فعلا تغطية كانه جلد ثاني و خفيف عالبشرة.





و هذا اساس ستيك من max factor كمان،،،تغطية رهيبة خصوصا لو بشرة مجهدة و متعبة و يطول بس لو بشرة دهنية مرررة ما راح ينفع ،،كمان يحتاج له بودر كويس و مناسب






عجبني جدا ها الاساس من maybelline تغطيته حلوة و ما يتكتل و مناسب للبشرة الدهنية:thumbs_up::thumbs_up::thumbs_up::thumbs_up::thumbs_up:. ان شاء الله بعد ما يخلص باخذ الاساس المنرال.





و في هالباودر من maybelline بصراحة افضل ما استخدمت في حياتي لليوم،،و كمان حلو لو استخدمتي لحاله.





عموما من كل الماركات، افضل maybelline و maxfactor بالنسبة لكل ما يخص الوجه.


الكونسيلر:

عجبني هذا من maybelline رهيب في توحيد اللون.




و هذا كمان من rimmel حلو و خفيف و كمان مرات احطه للطلعات العادية بدل كريم الاساس و احط عليه بودر يطلع الوش موحد اللون.







البلوشر:

حبيت منتجات bourjois لأحمر الخدود ،،عندي اللون الوردي الروز و المشمشي .








ان شاء الله قريب احط منتجات العيون و الشفايف اللي عجبتني.

مشكورة عزيزتي فوشيا لردك،،،،،اتمنى تكون اضافتي بالنسبة لميكاب العين مفيدة.

1 - الشادوهات:

جربت كثير انواع و كثير ماركات بس طبعا مش كلهك اختيارات موفقة،،،بعضهم كانت غلطة :thumbs_down:

و في البعض كان كويس و حبيته:thumbs_up:

- في الشادوهات اللي تيجي لون واحد من bourjois
هذه حبيتها الى حد ما ،،بس حلوة في حالة الالوان الخفيفة مثل الابيض و الؤلؤي و الوردي الفاتح يعني الوان قريبة من الجلد





- في كمان الشادوهات اللي من MAC و من the body shop سواءا الالوان الفردية او الباليت اللي فيه اكثر من لون،،عجبوني لان الوانهم عملية و كمان مات matt يعني الوان مطفية و خامتها مثل خامة البودرة المضغوطة،،مريحة بالستخدام.




- بالنسبة للشادوهات الباليت كمان ديور حلو بس في حالة الالوان الترابية و الالوان الكثيرة الاستخدام مثل الاسود و السلفر








- لانكوم و شانيل حلوين، خصوصا من ناحية تعدد الالوان،،





- في rimmel اللي زي كذه،،بس حلو للالوان المطفية زي البيج و الوردي الفاتح،




- بالنسبة للالون اللي بلمعة و بنفس الوقت تثبت اول ما تحطيها، عندك the body shop شبه هذا ،،حلو الالوان اللي ببدرجات البيج و بدرجات الوردي و بدرجات الازرق.





نيجي للاي لاينر:

عادة بفضل الايلاينر اللي مثل القلم ،، ومن كل اللي جربت عجبوني nivea و contour resist - loreal بالنسبة للاسود و نيفيا بالنسبة للبني.






و الايلاينر الملون استخدم اما فضي او ذهبي بدرجاته و نادرا ازرق فاتح،،و بفضل قلم bourjois عشان بتدوم و اسعارها معقولة.





نيجي للماسكارا

حبيت nivea لان احسها فعلا تكثف الرموش و ترفعهم و كمان ما تكتل ،،،حلووووووووة






و حبيت حاليا maybelline حسيتها مثل نيفيا تكثف .







لي عودة مع عودة مع ميكاب الشفايف:)