التجمع السابع لكروشات اكتوبر(10) }~

Noor M;12513622:

السلام عليكم ..

شكرا لكل اللي كتب لي .. بجد خجلتوني بكلامكم الطيب و هالشي ما يدل الا على طيبكم و قلوبكم الصافية ..

.. بس انتوا فهمتوني غلط .. انا ما نسحبت من التجمع عشان اللي سوته نور الايمان .. صح اني عصبت لما شفت ردها ..و تضايقت ..

.. بس السبب الاساسي هو اللي يراقبوني ..

.. اذا تذكروا يومها انا حطيت الصور و بعدها كتبت رد اني بطلع و اشوفكم على خير .. لان يومها زوجي وصل البيت .. فجلست وياه بعدين لما كنا نبي ننام وصلني مسج .. فاستغربنا .. فشفنا المسج مع بعض .. و كان المسج من وحده من الاهل كاتبه فيه .. و اخيرا عرفنا جنس النونو .. استغربت و زوجي عصب قال انتي خبرتيهم قلت له والله ما خبرت حد .. بعدها رديت عليها كيف يعني ما فهمت ؟؟ قالت في وحده بتجمعكم فضحتج .. !! و قالت انج بتخلفي .............

طبعا انا يتني صدمة و على طوول افتح اللاب و اشوف تجمعنا و احصل رد نور الايمان .. !! زوجي عصب علي و بهدلني و قالي استفدتي اللحين من اللعي في النت .. وقالي اخر مره تدخلين النت و خصوصا هالموقع .. و صارت سالفة ..

لو ان محد شاف رد نور الايمان كنت عادي بقولها امسحيه .. بس السالفة صارت كبيرة و زوجي منعني من الموقع ..

.. ان شاء الله بس تهدأ الامور اقدر ارجع اشارك معكم ..

.. و اتمنى نور الايمان تدخل و تشارك .. لان انا مب زعلانة منها .. انا متضايقة من الناس اللي يراقبوني .. مستغربة .. انا حتى ما اذكر شو النك نيم اللي يدخلون فيه .. عشان اتفيق اراقبهم .. واصلا هالامور خصوصيه .. ياريت تجمعنا كان مسكر و بس لبنات التجمع ... بس هالشي صعب لان التجمع للكل مفتوح عشان الكل يستفيد ..

.. من جد كلامكم كبير و مستحيل انسى كل كلمة قلتوها لي عشان ارجع .. بس صدقوني مو بيدي كرهت المنتدى كله و غير ان زوجي للحين رافض ادخل .. و حتى اليوم لانه محد دخلت ..

.. اشوفكم على خير .. و يلا بلا دلع ردوا شاركوا نفس اول .. لان تجمعنا كان و ما زال احلى تجمع حوامل في منتدى عروس ..