بنات عندي مشكلة ماتنومني الليل

! أنــثــى !;12437803:
مرحبا اختي ،،

تألمت عشانك ، انتي فعلا بموقف صعب .. لكن لا تنسين انه مثلك أمثاااال .. كثير اللي مارين بتجربتك هذي و ما زالووو ، لكن كل مشكلة بالتصرف الحكيم الصحيح يطلع لها حل ناجح ، ثقي بالله ، انتي انظلمتي و لا شك ان هالتجربة عيشتك أيام و سنوات مريرة ، انا شخصيا ما اقدر اخلي نفسي بموقفك .. يكفي التفكير السلبي و التشاؤم اللي سيطر عليك ، و اكيد حطم احلامك كبنت تتمنى الزواج ،،


لكن الحين جا الوقت اللي المفروض تتركين كل هالظروف اللي عايشتها ورا ظهرك ، الظروف اقصد فيها كل ملامح الحزن و اليأس و الخوف و القلق .. الحين وصلتي للوقت المناسب اللي تقولين فيه stop للتعب و التفكير في المجهول ، ذكرتي انه تقدم لك عريس ، يعني اكيد انتي بعمر الزواج و نفسيتك لازم تتهيأ لهالموضوع ،، ركزي معاي الله يخليك و خلك قوية و ان شاء الله اقدر انفعك ..



أولا : انتي مو متأكدة 100% انه صار فض للبكارة ، ممكن تكوني كبرتي الخوف داخلك ، كثر القلق و التفكير يضخم المشكلة و يخليك تفكرين بشي ماصار أبدا ، رغم انه انتي تحسين بالعكس / بشكل أوضح ، اذا صار لك اغتصاب ممكن ما كان كامل بحيث انه يصير فض للبكارة ، لكن انتي بتفكيريك المتواصل ، توصلتي للهفكرة السيئة و طبعا الشيطان شاطر !



ثانيا : بما اني متزوجة اقول لك موضوع فض البكارة ما هو هندسة يدرسها الرجال و يجي يبي يقيسها أو يطبق اللي درسه و يشوف النتيجة ، لا .. شفتي كلام الاخت او علاووووي ؟ فعلا جذي البنت ، اهدئي و التزمي بالدعاء ، و الله ابدا ما يخيب العبد اللي يصر في الدعاء و خاصة المظلوم .



ثالثا و هو الاهم : احذري تكلمين اي احد في الحادثة اللي مريتي فيها ، لأنه شغله كل هالسنوات مخفية البعض ما بيصدق ، و البعض بكذبك انتي ، وممكن حد يلفق عليك قصة و يتهمك بشي غلط و العياذ بالله ، فأنا اقول لك ابتعدي كل البعد عن هالقرار لأنه راح تتعبين و ما بتلقين أي فايدة من وراه !


بالاضافة الى انه الله يغضب على العبد اللي يفشي على نفسه الاشياء اللي هو سبحانه سترها عليه ،،


شفتي شلون الله كبير ؟ ظل هالشي مخفي طول هالسنوات و ماحد عرف عنه .. لا تخيبين ظن الله فيك انتي اللي صبرتي و تحملتي هالهم على ىخر الوقت .


اذا هالرجال اللي تقدم حبيتي كل مواصفاته ، توكلي على الله و وافقي ، و انا عى ثقة انه راح يكون باب السعادة من جديد لحياتك ، ، دائما التوكل على الله نتيجته السعادة .



اتمنى لك الراحة و الامان من كل قلبي ، و بنظل على تواصل .