بنات عندي مشكلة ماتنومني الليل

بصراحة بنات انا كنت من زمان متابعة هالمنتدى بس بدون مااضيف اي مشاركات
كنت اتابع بصمت
وكنت اشوف الروح الحلوة وروح التعاون اللي كنتو تتميزون فيها واللي هالشي نادر انه يصير في اي منتدى ثاني
عندي مشكلة اليوم واتمنى انكم تساعدوني فيها
ادري انه مالها حل من وجهه نظري
وتعبت من التفكير
وهالمشكلة منغصة علي حياتي ونومي واكلي وشربي
وزاد تفكيري فيها هذي الايام
المشكلة الله يسلمكم اني لمن كنت في صف سادس ابتدائي كنت انام في بيت جدي وايد
لاني كنت احب جمعات البنات هناك خصوصا ايام العطل لانه اهلي كلهم يكونون هناك
وانا مع بنات خالاتي كنه نبات في بيت يدي ايام الاجازات بالاسابيع
وساعات يكونون معانا عيال خالاتي الاولاد
في مرة من المرات:'(
والله لما اذكر هالموقف دموعي تنزل لا اراديا
ولد خالتي اللي بدون اخلاق حاول انه يتحرش فيني
بس انا قعدت اصيح
وماكفاه هالشي لكن حاول مرة ثانية وماابي ادخل في التفاصيل بالضبط لانه هالشي يجرحني وايد
واغتصبني:'(:'(:'(:'(
وانا خفت اني اعلم احد
ومافي احد يدري عن الموضوع
وانا الحين من جم يوم متقدمين لي ناس
والولد زين وماعليه كلام
بس ماقدر اوافق عليه لاني مو بنت وبتصير لي فضيحة اذا عرف هالشي بعدين
وصدقوني يابنات رغم انه صايدني هالشي عمري مالعبت ولا خربطت بالعكس كنت على طول ادعي انه الله يحل هالمشكلة
وانا الحين مو عارفة شسوي
محتارة لاني حتى اذا رفضته اهلي بيسالوني ليش؟؟
وماعندي لهم جواب
وماقدر اقول حق امي صدقوني بتذبحني عادي
هذي شرف مو لعبة
بس هالشرف ضاع ومو انا السبب
انجدوني قبل لااضيع


تحياااتي