كل وحدة تحكى عن يوم عرسها وقت طلعتها لبيت العريس

انه عرسي باذن الله جريب بعد شهرين
وكل مافكر في هاللحظه اتضايق واتييني افكار اني اكنسل العرس وخلاص مابي اتزوج
واقول خل اتم مخطوبه احسن :'(

ماتخيل اني باودع الحياه اللي عشتها وتعودت عليها طول عمري
ولا اتخيل اني اطلع من بيتنه اللي عشت فيه ولا ابتعد عن اخواني
ولا حتى اعيش يومياتهم بالهواش والضحك والسوالف
ماتخيل اجوفهم جدام عيني يكبرون
وماتخيل اني اعيش في مكان ماسمع فيه حس امي :'(
ولا اتخيل انها ممكن تبطل علي الباب وتدش غرفتي تسولف
:035::035::035::035: وماتخيل ايي اليوم اللي اقعد فيه مبطله شنطتي واشيل ثيابي واغراضي من بيتنه قبل العرس

كل مايصير لي موقف مع امي ولا تعصب علي
اقولها ماما لتعصبين علي ترى كلها شهرين ومابتسمعين حسي في البيت
بتفتحين حجرتي مابتشوفيني على سريري وتقعد تصيح وياي وتقولي لا تقولين جذي :-#

والله ياخواتي شعور متناااااااااااااقض
ودج تستقرين تكونين اسره تتزوجين تعيشين مع حبيبج
وفي نفس الوقت عندج رفض للتغير رافضه تودعين حياتج ودلعج في بيت ابوج
والمسئوليه صعبه
كلها مساله وقت
عقب شهرين بقولكم شصار فيني خوفي اخرب مكياجي يوم العرس :confused:

مشكورين خواتى على المشاركة بس شكلي ما استاهل التقييم منك صح ؟؟؟؟؟
وين باقي العرايس الحلوين

اني ماجربت هالشعور لاني للحين عزابيه

بس يوم خطوبه صديقتي و توأمي عند الزفه كان عادي متأثره بس مو مبين لانه كنت مع اخواتها في حوسه الترتيبات و مقابل الناس و جدي

بس اخر الوقت يوم نسلم عليها بتمشي فرطتها و ما قدرت قعدت اصيح من فرحتي لها و في داك الوقت كنت احس خلاص ما راح اجوفها و خصوصا انه احنا جيران و كل عصريه معاها فالبيت و مع اخواتها و كنا عيله وحده



احس هالشعور حتى لو تتخيله الوحده طعمه غير عن التجربه
فرح و حزن .. توتر و خوف .. حياه جديده .. مسؤوليه
احساس حلوو و مهيب
يارب ييسر الامور و نعيش هالاحساس

ربي يرزق كل العزابيه بالزوج الصالح اللي يسعدهم و يصونهم
و يهني المتزوجات و يسعدهم و يرزقهم الذريه الصالحه اللي تملي دنياهم حب و فرح