حزن العالم;12411256:
Black^Rose ابدا ابدا ابدا مابينا شئ غير الغيره هي تغار مني بشكل فضيع فضيع وتحاول بكل الطرق انها اتكون احسن مني في مره اخذت لها عبايه ب500 درهم عطيتها العبايه وعقتها رمتها على الأرض وقالت شكرا مامحتاجه وانصدمت وماعرفت ايش اقول من الصدمه والله لو زيارتها سهله ماكانت اهناك مشكله اصلا انا ولدت بنتي الأخيره هي ما اتصلت حتى كرامتي غاليه ابصراحه:'(
ليش اتروحين لها خلي عندج كرامة انتي متزوج فيها ولا فاخوها خليها اتولي انتي فبيتك واهي فبيتها
وادا زوجك قالك لالازم اتروحين قوليله هي ما جاتني فبنتي انا بنتي مو جايبتها من بيتنا هادي بعد بنتك ليش ما اتجي اتشوفها
وادا كنتي رايحة لحماتج شوفي الوقت اللي هي مو موجودة فيه
والله خوش اتجيبيلها الشي وترميه عيني عينك انا لو منج والله ان حتى الكلام ما اكلمها
الاجر اللي بيجي منها ما ابيه استغفر الله والله يقهرون هالادميين
انا سنعت اخت زوجي بس بالتطنيش وكانت تتصرف متل هالحقودة اللي عندج
لا اتروحين مرة ثانية اقولها لش هي تبي اتبين سيطرتها وشخصيتها يا زعم القوية اتروح تتقوى على زوجها او اخوات زوجها ما جات اللا فيج انتي
الله يعينج