مع عيالي...حياتي تشقلبت فوق تحت....ساعدوني ياامهات

اذا ماكنتي محتاجة الشغل.. اطلعي منه
او اخذي اجازة امومة، مدري عندكم هالشي او لا في شغلك

اولادك وبيتك اهم من الشغل..

والله يعينك

نظمي وقتك وحاولي تعويضهم ايام اجازتك

والله صعبه شغل من 4 الى 7 هذا لوحده يهد الحيل
الله يكون بعونك

حبيبتي اذا مو محتاجه الشغل اتركيه لان هو سبب المشكله دوام من 7 الى 4 اكيد بترجعين مهدود حيلك ماراح يكون لك نفس تقابلين زوجك وعيالك سيحان الله المرأه اساس البيت اذا غابت عن البيت راح تكون في البيت مشاكل كثيرة.

الله يعينج اختي ادري الحياة صعبه وتتطلب ،، اهلج مو قريب منج ما يقدرون يساعدونج؟ خواتي يشتغلون وعندهم عيال بس الحمدلله الله يخلي امي مو مقصرة معاهم ..
امم بس اذا ما كنتي يم هلج ، نظمي امورج حبيبتي ومثل ما قالت ام علاوي سهلي كل شي واهم شي نفسيتج خلها على طول كووول وما راح تتعبي وارجعي مشتاقه لعيالج ومتحمسه لهم ونظمي امورج وقسميها مع الشغاله وزوجج ،،

الله يكون بعونك أختي مشكلة دوامك انه طويل وايد الصراحة بروحه يهد الحيل.. وماعندكم ساعات رضاعة؟؟؟؟؟
إذا قادرة تجوفين لك دوام بمكان ثاني تكون ساعاته أقل يكون أحسن عشان ترجعين لعيالك وزوجك وبيتك وتقضين معاهم وقت أطول وترتبين أمورج..
ولو قادرة بدون معاشج تاخذين إجازة مفتوحة لحد مايكبر البيبي شوي يكون أحسن.. يعني ظروفكم تسمح .. لأن أنا ماقدرت آخذ إجازة لأن ظروفي ماتسمح أحتاج للمعاش...

شوفي أنا قضيت اربع سنين ونص ماعندي الا ولدي كانت حياتنا مول هادئة حتى من أنومه خلاص ماعندي شي بالمرة بس بعد مايبت بنتي كلش كلش حياتنا اعتفست هو غيران منها مايتركها بحالها وهي ماشاء الله حركية عكسه بالمرة حتى زوجي كم مرة يقول انتي هملتيني ومهتمة بعيالج أكثر.. وسبحان الله أطلع حامل وبنتي يادوب بتكمل السنة وزاد الشقا والتعب والحين احس حياتي بتعتفس أكثر وانا من النوع اللي ماخلي عيالي مع الشغالة بروحهم.. فانا اخذ ولدي المدرسة الصبح وزوجي لأن دوامه متأخر يوصل بنتي بيت أمي...
فالصبح أخلي الشغالة تنظف الصالة والحمام وتغسل الثياب يكون لين رجعنا من بيت أمي الظهر يبقى عليها تكوي الثياب وتدخل غرفتنا تكنسها وتغسل حمامنا وإذا في شي بنطبخه للعشه احيانا من بيت أمي آقول دام حامسين مثلا بصل حمسوا لنا حق عشانه يكون لين رحنا الشقة مخلصين من الريحة ويبقى نطبخ العشه...

أنتي خليها تقوم الصبح قبل طلعتك وتنظف الصالة والحمامات يكون لما يصحون عيالج هي خلصت ولما ينام البيبي تبرز حق الأكل يعني تقطع البصل والخضرة والكبير تشغله بشي تلفزيون العاب.. ولين انتي رجعتي مايبقى عليها الا كواي الثياب اللي غسلتهم الصبح وتبرزون حق العشه..

الله يكون بعونك أختي...

اذا تقدرين اخذي اجازة من غير راتب لما يكبرون عيالك شوي وتنظمين امورك وياهم

والله يخليهم وتشوفينهم عرسان ياارب

مشكلتك سهله ...لاكن شي جميل انك حسيتي بتقصيرك في حق بيتك وعيالك


وهذا بحد ذاته يكفي
الشي الاساسي حطي في بالك انهم امانه بتسألي عنهم امام الله عزوجل وحطي في بالك بعد ان كل شي مع الاصرار والعزيمه يسهل باامر الله مهما كان صعب
وتخيلي وضعك لو بدون شغاله وشوفي الفرق وانظري للي ماعندهم شغالات وبيوتهم مليئه بالاطفال ..
وقبل كل شي استعيني بالله واكثري من الاستغفار
اتمنى افتدك لو بشي بسيط ....دعوااااااااااااتك

موفقه ياااااااااااااارب

الله يعينك ياقلبي التربيه صعبه
انتي خلي الخادمه تهتم بالكبير وانتي بالصغير وطول الوقت راح يكون نايم
ووقت نومه اطبخي لك ....
ولما تكوني بالدوام والصغار نايمين الخادمه تنظف البيت وباقي اليوم تساعدك
بالصغار ...

أكيد الوضع صعب
بس انتي حاولي تاخذين اجازة طويله من الشغل لحد مايتعدل نوم الصغير وتحسين انك مسيطرة على الوضع شوي

الله يساعدك حبيبتي
حبيت ادعيلك

الله يعينج صراااحة بس اهم شي انك تنظمين وقتج يعني تقريبا انتي يكون عليج بس طبخ لان الخدامة راح تنظف وتغسل وانتي بس ترجعي من الدوام تاخ\ي دش وتريحي شوي وتقعدي مع زوجج وعياللج وبعدين تسوين العشا وتعشين عيالج وزوجج وتقضين شوية وقت معاهم وبعدين ترقدين عشان تقعدين نشيطة يعني من ترجعين من الدوام ما عندج مسوؤلية غير العشا والعيال والزوج والله يوفقج ان شاء الله

الله يعطيكم العافيه حبايب قلبي....كلامكم رفع معنوياتي...وماشاءالله عليكم يابنات البحرين..اغلبيتكم ردودكم حلوه...ولاهانوا باقي خواتي الله يجزيكم كل خير.....بالنسبه للاجازه ماعندنا اجازه امومه ...بس طلبت ساعة الرضاعه وباصير اطلع الساع ٢ لمدة سنتين والحمدلله احس كذا هانت عندي....بارجع بيت اهلي وبانام الين ٤ لاني انزل عيالي عند امي وبعدها باروح بيتي يكون فيني نشاط ابتدي انظف وارتب واسوي عشانا،،،،كلامكم الحلو خلاني اعرف اقرر وش اسوي....والله يفرجها ويفتحها عليكم وين ماتروحون

الله يكون بعونش

لازم كذا وجود طفلين قريبيين من العمر يسبب زحمة وربكة للأم

لكن بما ان عندش شغاله خليها لأمور البيت وانتي على الصغير مسؤوليته مهما يكون خفيفة رضاعة وتبديل ونوم

وخلي الشغاله تجهز لش أمور الطبخ وانتي على طول تجين وتطبخي

والوظيفة قدمي إجازة أطول من كذا على الأقل 6 شهور لين الصغير يستقر في نومه وتنتهي مشاكل المغص عنده ويستقر أكثر


والله يعينك ويساعدك

الحمدلله تسهلت امورك.. يعني انتي مثل حالي عيالك يكونون في بيت أمك وقت الصبح.. فخلي الشغالة من تصحى تحط الثياب بالغسالة وتنظف الصالة وتكنسها.. وإذا تبون تجهزون للعشه خليها تقطع او تحمس في بيت أمك يكون لين رجعتوا جزء من الطبخ منتهين منه ولما ترجعون تكوي الثياب اللي غسلتهم الصبح وتنظف غرفتكم مثلا وبكذا هانت إن شاء الله...