هلا ببنات عروس القمرات
بصراحة و من غير مقدمات
جننتوني و دوختوني على عطوراتكم العربية و الباريسية و طريقة بخوركم و دخونكم
يا سلاااااااااااااااااااااااام
خلتوني نفسي بجد اعمل زيكم و خاصة اني اعشق العطورات العربية
اللي خللى جوزي يهديني تولة عطر عربي معرفش اسمه و لا اعرف هو دهن و لا ايه
المهم ريحته روعة
و بما اني حامل فكرت اعمل طريقتكم دي في البخور و تعطير الجسم و الملابس ايام الولادة
عشان استقبل الناس و انا ريحتي حلوة
مش ولادة و لبن و حلبة و خلافه
بس عندي مشكلة او بالاصح كذا مشكلة
اولهم انا بشوفكم بتقولوا
اجمل
الرصاصي
انفاسك دخون
جنيد
و احنا للاسف في مصر معندناش غير عبد الصمد القرشي و ابراهيم القرشي
فيا ريت اللي تدخل تنصحني او ترشح لي حاجة يكون من المحلين دول بس
ثانيا : انا معرفش اي حاجة غير شكل التولات دي
فهل دي عطر و لا دهن عود و لا ايه بالظبط؟؟
و ايه الفرق بين دهن العود و المخلطات اللي بتحكو عنها زي مخلط الف ليلة و ليلة من اجمل؟؟
ثانيا بالنسبة للعطورات العربية
انا هسأل في عبد الصمد القرشي لو لقيت العطور العربية اللي بسمع عنها منكم و لو ان نفسي في وصال من اجمل من كتر مدحكم فيه
بس لو مفيش مش مشكلة ممكن استخدم عطر باريسي فيه عود زي فيفا لا جوسي مثلا
ثالثا بالنسبة للبخور و الدخون اللي بتتبخروا انتو فيه (جسمكم و عبايتكم)
ايه الفرق بين الشكل ده:
و الشكل ده؟
و يا ريت ترشحولي اسماء بخور على ذوقكم و نفس الشيء بالنسبة للتولات و الدهن و يا ريت تقولولي ايه الفرق بينهم و ايه اللي محتاجاه بالظبط عشان اتبخر و اتعطر ايام الولادة زيكم
اخيرا بقى انا عندي بخور يشبه الشكل ده خشب مكسر لحتت رفيعة جدا جدا
ريحته جميلة و اشتريت منه عشان ابخر البيت لكن للأسف ريحته بتروح بسرعة جدا و لو بخرت بيها المصلية او اسدال الصلاة بتبقى ريحته فحم مش بخور
الصور للتقريب و من الانترنت
اعذروني على كثر الاستفسارات و السموحة
على فكرة اموت على الخليجيات و طريقة كلامهم و اهتمامهم بانوثتهم