§¤*~ لإستفسارات الخلطات الشرقيه والبخور ~*¤§

العاذرية حلو

هلا خواتي ادور خلطه قريتها اهني لكن مب محصلتها اللي هي 6 نقط دهن عود وملعقه جلسرين اظني ونسيت الباقي اللي تعرفها بليز تخبرني ظروري

waham;13187776:
هلا خواتي ادور خلطه قريتها اهني لكن مب محصلتها اللي هي 6 نقط دهن عود وملعقه جلسرين اظني ونسيت الباقي اللي تعرفها بليز تخبرني ظروري

اختي استخدمي محرك البحث،،و ممكن الاخوات يفيدوكي بخلطات من عندهم

أنثى بمعنى الكلمة;13163941:
هاااااااااي بنات شخباركم ؟؟

وشمسوين مع بداية المدارس والجامعات الله يعينا على اللوعة ..خخ

بغيت اعرف شنو احسن دهن عود استخدمتيها ؟؟؟

وشنو احسن خمرية او مخمرية استخدمتيها ؟؟؟

(((مع ذكر السعر واسم المحل واسم المنتج ))) ^^حلوة المنتج خخخخ تأثير بداية الدراسة ههههه

وبحفظ الله ورعايته ..

احلى دهن عود البورمي من سيد جنيد ..,,

وفيه العود النادر من اجمل حللو وبارد :adore:

واحلـى خمريه جربتهآ من زهور الريف تجيك بالتوله اسمها ( هيربل ) ريحتها صابون خالص :L:

اتمنى اكون افدتك .,

أحلى شي مسك القرشي وأرز لبنان ومسك روز من عند أجمل

لو تبغين دهن عود خالص مو مخلط روحي العواد اللي باسواق طيبة عنده التوله ب1500 يعني الربع ب350 صراحه ريحته تجلس بالملابس اسبوع ما تروح والا روحي الشرهان اللي بطريق الملك فهد عند اسواق التميمي عندهم دهن عود التوله ب800 اسمه دهن عود فاخر حلوة ريحته والمخمريات انا صراحه ما جربت مخمريات معينه انا اخذ من الماجد العطور الزيتية اللي بالتول وااحط منها شوي بيدي وامسح لى شعري وابخره تطلع اليحة خيال طبعا هالمحلات كلها بالرياض يا عسل

السلام عليكم ورحمة الله وبركاته


بناااات هذي أول مره أكتب في هالقسم وياريت ماتبخلون عليه بإجاباتكم

من عنواني الموضوع وااااضح

عندي بودرة دهن العود وبودرة ألف ليله وليله والمسك الأبيض وبعض من التولات الحلوه وعطر هوجو مع الجل والمرطب حقه

خاطري أعرف طريقة أعطر فيها جسمي ويتم فيه الريحه الحلوه مع النعومه طبعا
أو أعطر ملابسي وغرفتي

بس أكتفي بالبخور اللي يتم ساعتين ويروح من الغرفه


بلييييييز ساعدوني وخبروني بطرقكم وعطوني نصايح
لأني محتاجتنه والله

:'(أفاااااااااااا والله خمس شاهدوا الموضوع

ولو وحده ردت


ماعليه مشكووووورين :'( :'(:'(

ان شاءالله البنات مايقصرو

هلا وغلا
لمن تتحممين اخر شي بالليفه والجل تبع العطر خليه على جسمش
خلصتي سباحه
نشفي جسمش وخلي المرطب عليه
واخذي وحده من التولات الحلوة اللي عندي وخلي ورى اذنش وعلى ايديش والرقبه وورى الركبه
كبل لاتلبسين رشي العطر بالجو وحاولي تدخلين عليه
بالنسبه للملابس من كبل لاتلبسينهمم عطريهم بعطرش المفضل واذا لبستيهم مسحي مسحتين من الدهن العود
مووووووووووفقه

ان شاء اله ابنات يساعدوك اختي
عن نفسي اختي
اخد اعطر مع الطقم كامل استعمل اشاور جل
وبعدين احط اوشن تبعه
ومعطر الجسم ارشه عى جسمي
وبعدين العطر الملابس
واستعمل المسك الابيض في ادني امسحه
اتمنى اكون افدتك

نور قلبي اولادي;13383427:
هلا وغلا
لمن تتحممين اخر شي بالليفه والجل تبع العطر خليه على جسمش
خلصتي سباحه
نشفي جسمش وخلي المرطب عليه
واخذي وحده من التولات الحلوة اللي عندي وخلي ورى اذنش وعلى ايديش والرقبه وورى الركبه
كبل لاتلبسين رشي العطر بالجو وحاولي تدخلين عليه
بالنسبه للملابس من كبل لاتلبسينهمم عطريهم بعطرش المفضل واذا لبستيهم مسحي مسحتين من الدهن العود
مووووووووووفقه

مشكووره فديت روحج ع الرد


طيب والبودره حق دهن العود وألف ليله وليه شلون أستخدمها

وبالنسبه للجل كيف أستخدمه يعني قصدج
أفرك فيه جسمي ولا كيييف

ماعليه تحمليني بس وربي ماعرف

لحونه الحلوه;13383721:
ان شاء اله ابنات يساعدوك اختي
عن نفسي اختي
اخد اعطر مع الطقم كامل استعمل اشاور جل
وبعدين احط اوشن تبعه
ومعطر الجسم ارشه عى جسمي
وبعدين العطر الملابس
واستعمل المسك الابيض في ادني امسحه
اتمنى اكون افدتك

ماقصرتي حبيبتي

طيب والبودره حق دهن العود وبودرة ألف ليلة وليله

كيف أستخدمها ؟؟

شوفي اختي بقول طريقتي:

بس ما قلتي لي المسك اللي معك مكعب او بالتولة؟ بفترض انه بالتولة.

طبعا مش لازم انك بتستخدمين كل الاشياء اللي ذكرتيها مرة واحدة.

بعد ما تكوني استحميتي او اخذتي دوش و تليفتي بالشاور جل و الصابون تنسفي و ادهني جسمك بلوشن ريحته حلوة،، و بعدين حطي المسك تحت اذنك و في اماكن النبض و بعده بنفس الاماكن قليل من احد العطور اللي بالتولة،،و بعدها تبخري و بخري شعرك و رشي العطر.

ممكن تمزجي محتوى التولات،،مثلا تعملي ثلث تولة من مسك و ثلثها عطر تحبي و ثلث عطر اخر،،،المهم يطلع ريحة حلوة و مميزة بيكي.

ممكن كمان تدهني جسمك بلوشن العطر و بعدها ترشي العطر و محيط الاذن و الرقبة بعطر التولة.


البودرة رشيها بعد الاستحمام و التنشيف و رشي عليها عطر.

تحية عطرة للجميع
ومبارك شهر الحج سلفا
اخواتي الاحظ اقبال على مخلطات العربيه
والاغلبيه يمدح فيها ياليت اللي لها تجربة مع العطور
والدخون تشارك ولو بشئ بسيط ...

ليه دمجتوا الموضوع :(

على كل خواتي قرات انه اليوم بدء عرض مره حلو اشتري اي شئ من العربيه والثاني مجاني

عطر سعره 5 مية تاخذي عطر او اي شئ بـ 500 ايضا

يالله تفاعلوا انتظر خبراتكم وذكر المخلطات فرصة العرض جاء على حظي

بنات انا قرات الكثير بيشكروا في منتجاتهم وخبرتي مو مره ودي تذكروا شئ مجرب وتشاركوا لان بادين عرض حلو حبيت افيدكم ونفيد بعض يعني لو تشتري اي غرض سعره 500 ريال تاخذي اي شئ بـ 500 وهكذا :adore:

تحياتي :L:

يعطيك العافيه يالغلا
تقبلي ودي

[QUOTE=✿..شShــرينـهَ..✿;12604112]حبيبتي تفضلي الطريقة وترى بحثت ولقيت هالوصفة فالنت يعني منقولة وجزاها الله خير صاحبة الوصفة

لمن ترغب في صنع المخمرية بنفسها فهذه مكوناتها وطريقة صنعها ولا تحتاج الى مجهود كبير فهي سهله
ولكن لتنجح خلطة المخمرية عليكي شراء افضل انواع المكونات ذلك لان المكونات الرخيصه تتغير رائحتها بعد مده معينه
ولا تكون بجودة المقادير والمكونات الجيده.

المقادير:
ربع تولة زباد
علبة مسك الطيارة
اربع تولات زعفران خشن
نصف تولة دهن العود
قطرات من روح الورد
ربع تولة فل


يعني وشو زباد؟ ومسك الطيارة؟ روح الورد ، فل ؟ ومن وين اقدر اجيبهم؟