التجمع الثاني لحوامل شهر يناير (1) 2011م

بيبي

الحمدلله امورج كلها طيبه

وبصراحه ما عجبتني فرح انا سويت عليها اكسين خخخخخخخخخخخخخخخخ مو اكس بس

يعني قالت لج كلام من لا شيء

ومادري شلون بعد بتولدين عندها

maryoom;12501255:
هلا والله عروووس
آنا جوعااااااااااااانة للحين ماسويت أوردر اللي معاي تقول نطري لحزة الغدا بنطلب باستا شربت لي لبن :(

هلا والله...
انا خلاص فطرت..
امس الفطور والغدا والعشا كله رجعتــه :(

بخير يامال الخير الحمد لله

لا والله خلاص الدكتورة أكدت إني مب بحاجة الربط وعنق الرحم طوله طبيعي

وخذت برايها لأنها متفقة مع الدكتورة الثانية اللي قالت لي نفس الكلام

والله يا تذكر يوم أنا إهتزت ثقتي فيها من عقب هالسالفة

بس المشكلة مابي أولد في مكان غير التخصصي

مادري يعني شاسوي ^o)

عند من كنتي؟!

بيرلي أو إيزابيلا؟!

ممممم أنا عبالي هذي مختص بأطفال الأنابيب فقط!!

إنتي ليش رحتي له هو؟!

إي أدري إنه بروفيسور وبإنتظار القصة عروسو

بيبي وكل البنات بدون استثناء

انا حملت ويوم حملت ما حاولت اروح ولا مكان غير عند سلام جبريل ليش لان اختي كانت 11 سنه متزوجة والله ما رزقها باي طفل ويوم حملت صار عندها نزيف والياف بالرحم وكانت بالدولي وكل يوم يعطونها حبوب ومثبتات غير شكل المهم بعدين بالصدفة اتصلت الى التخصصي علشان فرح وقالوا لي فرح محد بس موجود د. سلام وقلت لهم ممكن اكلمة وحولوا المكالمة وكلمته وشرحت ضرف اختي تعرفين شنو رد علي خلها تجي حالاً ومن اول زيارة اختي ارتاحت اله واخذ جميع الحبوب الى اعطوها من الدولي وقطهم الله يعزكم في الزباله وقال الشغلة مو حرزانه هل الكد ويوم بتولد كانت الضغط مرتفع عندها والبيبية مالتها كانت تعبانه وقعد عليها للين ما نزل الضغط لان ما كان يقدر ينزل الضغط ولا يقدر يسوي عملية ويوم نزل الضغط درجة وحده ولدها خلال نص ساعة بس للعلم كنا انقول له البيبي تعبان راح ننقلها السلمانية لان االجهزة اكثر والخبرة اكثر رد علينا مو مشكلة بس انا راح اروح وياها واولدها بالسلمانية بدون مبلغ خير شر ووثقنا فيه.

وصارت حالات جدامي بالشغل مرت المدير التنفيذي ولدت عنده ويابت ولد وهم بعد وحدة ولدة من الشغل وياي ويابت بنت وحاليا يتابع حالتين والكل يمدح فيه ولا احد شفته دم فيه وفوق هاي كله شفت حالات عنده طالعين من عند دكتور احمد بركات وياين عنده يبون يتعالجون المهم اي الى قصتي:

انا حملت ورحت له ودخلت بدون موعد وسوا لي اتراساوند وقال لي ارد له بعد سبوع ويوم رحت له شاف النبض وراواني اياه وقال الحمد لله بس ما راح اعطيك مثبتات ولا شي راح استكفي بوليك اسد واستغربت منه ومن تعابير ويه بس ما فهمت وفي طلعتي اعطى زوجي رقم تلفونه النقال وقال له اي شي يصير كلمني على تلفوني المهم يوم الخميس الى اهو بتاريخ 17/6/2010 كنت احس بدوخة مو طبيعية ولوعة غير شكل ويلست الصبح كنت ابي اصك الستيان كان ضيك وقول الى زوجي وقال لي اكيد كبر صدرج بالحليب هههه وانا كنت اقول له لا المحيط الصدر صاير ضيج المهم خبرت امي قالت لي عادي تغير مال الحمال على العصر كنت احس روحي الدوخة كانت اتزيد بدون فايدة وقال لي زوجي تبين اتروحين المستشفى قلت له لا ماله داعي لان تاريخ 22/6/2010 بكون موعدي وبقول له المهم رجعت شقتي ونمت ويوم الجمعة تاريخ 18/6/2010 يلست النفخ زاد في جسمي وكنت اطالع ريولي لنعال عزكم الله ما كان يدخل خير شر في ريلي ولبست نعال مال البيت الاسفنج ورحت بيت ابوي ويلست فيه وكنت دايخة وكانت امي وخواتي الثنتين الاكبر مني يقولون لي راح اتكون هل الايام صعبة عليج لان النساه باين بيعمل عمايله فيج وكنت داخلينا احس فيني شي ازيد من الوحام لان مستحيل يكون الوحام بهل الطريقة والناس تحمل وتيب 4 و5 و6 وبعضهم 10 يا اكون انا الغلط او اهما الغلط المهم المغرب دخلت الحمام وشفت اشوية دم بالكنيس وقالوا لي هاي عادي مال الحمل وسكت على الساعة 10.30 صار ضهري يعورني ودخلت الحمام وهم شوية دم لا اكثر اتصلت الى زوجي كان طالع وي ربعة وي لي وصحت قلت ابي اروح المستشفى انا خايفة وكسرت خاطرهم وقالوا لي انزين روحي السلمانية لانهم اخبر بهل الامور واخت بشورهم ورحت السلمانية ويلست بالطوارئ الحمل والولادة ولوعة جبد وكانت اختي هم وياي وي زوجي وبعدين دخلوني على الدكتورة وفحصتني وقالت لي البيبي مافيه نبض وهل انتي متاكدة من تاريخ موعد الدورة مالتج لان البيبي يبين عمرة يمكن 5 اسابيع بس قلت لها مستحيل لان انا الدكتور الى اتعامل وياها كان رواني اياه وعطاني الاسابيع غير وراواني النبض سيدة اهي هل الدكتورة شالت الاتراساوند وقالت لي يمكن الدكتور الجهاز الى عنده احسن من جهازي روحي له قلت لها الحين الساعة 12.30 وين اهو مو متواجد وانا اقول لج اشوية دم ينزل علي وشوفي النفخ الى فيني اراويها ارجولي ويدي قالت لي والله هاي عادي ومافيج شي ووقفت واخت ورقة الطوارئ ومشيت ورجعت اصيح بيت ابوي وامي وابوي ما خلوني اروح الشقة قالوا لي رقدي بالبيت وهني يقصدون غرفتهم علشان غرفتي بالطابق الفوقاني وموراضين اركب درج وقلت لهم اوكي والصبح راح اروح لدكتور سلام وزوجي ركد وياي بيت ابوي المهم الفجر تقريبا على الساعة 3.30 يلست من النوم ورحت الحمام وكنت ما اقدر امشي ورحت ويلست على الدبليوسي واطيح من عليه واكتشف اليلسة الى يلستها كله صار دم عليه ويلست اصارخ ابي زوجي يوتعي من النوم بس ما كان يسمعني علشان هو نايم ويلست احبي على اركبي وبطلت باب الحمام وصرخت ووتعى من النوم وياني الحمام وصرخ اش صار فيج ليش ويهج هل لون وشالني وداني على السرير وانا اهني خلاص ابتدى الم فيني مو طبيعي وكنت اصارخ وما اقدر اكتم لصراخ والوي على السرير كاني دودة وكنت اشوف الدم ملعوز الدنيا وراح يدور امي وابوي باي غرفة راقدين ويلسم وليلتها هم اختي لكبيرة رقدت في بيت ابوي كانوا خايفين علي ويلسوا وي وكل ما شافوني هل لون كانوا يصيحون وكانوا يبون يشيلوني من على السرير مو قادرين لان انا كنت اتعفرت اتعفرت وكانوا خايفين يشيلوني واطيح من عندهم لان كنت اتحرك ما اقدر اثبت من الالم المهم بعدين ودوني التخصصي الفجر ويوا طوارئ واسعفوني بسرعة ودخلوني وكان صوتي الوحيد الى طالع والدم تارس الدنيا يعني كنت اتعفرت احط يدي على بطني من الالم كنت اتلعوز دم وخلال نص ساعة وصل دكتور سلام طوارئ لي وكان الفجر وتفشلت علشان انهم قعدوه من النوم ومن شافني قال بسرعة غرفة العمليات جهزوها فيها تسمم حمل وقال لي شو بكي فلانه ليش بتبكي وقال لي (((( احنى ما بنريد البيبي مو هو الى مايريدنا)))) عمري ماراح انسى هل الكلام ومسح على راسي وقال لي انا معاكي لا تخافي وكلم زوجي وسوا لي اترساوند وقال لي البيبي مات وسيدة كانوا طوارئ يبون يودوني الطابق الثاني للعمليات وهما يمشوني على السرير كانو يفخوني الاكسسوارات الى علي والدبله ماكانت تطلع مني من النفخ الى صادني وشالوها بصابون تخيلوا اشلون صادني نفخ المهم وانا بخدروني حسيت ابي اروح الحمام وقلت لهم وكانوا مو راضين وانا اصريت اني اروح وانا بدخل الحمام حسيت شي بينزل بسرعة وانا على باب الحمام وعلي ثياب العملية وحطيت يدي بسرعة الى طايح قطعة من لحم واخذوها وحطوها في غرشة مالت الابوال وقالوا لي هاي جزء من البيبي المهم خذروني وسوني العملية وبعدين بعد ما يلست من البنج الدكتور خبر هلي وزوجي انه لو اتخروا علي من 4 الى 6 ساعات كنت راح افارق الحياة من تسمم الى صادني والبيبي الى داخلي مات صار له كم يوم والبشيمة ما ادري شنو انفصل عنه ويلست اترجع الدم لي وصادني التهاب بالرحم والحمد لله وخبر زوجي انه ليش عطاه رقم تلفونه الخاص وقال له اي شي يصير يتصل له على تلفونه لان من اول ما شاف البيبي وكيس الحمل عرف انه ماراح يكمل الحمل واتكد بالكلام من بعد اسبوع من الزيارة انه راح يصير اجهاض او لا سمح الله شي ثاني وتوقعاته كانت في محلها ومن هل لون ما عطاني ولا مثبت لان قال بهل الطريقة يكون صلاح لها وشروحوا البيبي وطلع فعلا الكرموسومات مالته ملخبطة يعني لا سمح الله لو عاش كان بيطلع لي مو طبيعي والحمد لله.

طبعا زوجي يوم يصرخ علي بالحمام ليش شكلج هل لون بعدين سالته وقالوا لي البيت كلهم ان يوم يشوفوني ينزهقون لان ويهي يوم ارقد كان اوكي ويوم يوا لي كان منتفخ كله وعيني صاير شخط بس كاني فلبينية وقلت لهم ليش ماصورتوني قالوا كنا خايفين عليج وايد وقالوا لي صرتي بالونه منفوخة بسبب التسمم الى صادني والحمد لله.

طبعا زوجي كان وايد يصيح علي وانا موديني غرفة العمليات كان ميود يدي ويصيح كانه فلم هندي ويقول لي خلاص ما ابي عيال اهمشي انتي بحياتي.

دكتور سلام حاليا راجعني يوم الخميس الى طاف وخبرني بانه اقدر احمل خلال الشهرين الى جاين وقال لي راح اتواصلين على حبوب الفوليك اسد واذا ما صار حمل خلال الــ 3 اشهر الياية اراجعة وخبرني لا اتاخر على الحمال لان صادني التهاب ولزمن احمل خلال هل فترة.

سؤال بنات بقول لكم الحين بقول لكم الفوليك اسد يمنع التشوهات ويساعد على الحمال وما هي بعد فوائدة والشغلة الثانية بعد هل يساعد على انجاب توأم والله لا لان صار خاطري في توأم علشان يوم كنت بالمستشفى وحدة كانت والدة بتوأم وصار خاطري؟؟؟؟ بليز الى يعرف شنو فوائد الفويلك اسد يعطيني اياهم غير يمنع التشوهات ويساعد على الحمال؟؟؟؟؟؟؟

والله يرزقني بل الى هو فيه صلاح يارب

وسوري على الاطاله
واذا كنت استاهل التقيم قيموني


تحياتي

عروسوا

عروووس

الحمدلله على كل حال

وسلامتج فديتج

بس ترا السلمانية مستغربه ليش ما سوو لج تحاليل

انا في اجهاضي

وسو لي تحليل يتاكدون اذا فيه تسمم ولالا مع انه مافي انتفاخ ولا شي
وفعلا طلعت نتايجي سليمه
وكانت الدكتوره تقول لي ترا اذا الياهل صغير مايصير لج تسمم
بس االاحتياط واجب وبنسوي التحليل نتاكد