على ما قرأت الواجب كان الكل راااااااااااح
يا بنات انا مزكمة ومريضة مرة ... وزايد عندي الغثيان كثير ...
وطبعا مافي ادوية ومهدئات للزكام مضطرة اتحمل واجلس
دنيا القوي2;12440171:
بيبي فيس صدق هلمعلومه انه الي تحمل بعد الدوره مباشره يصير الحمل ببنت والي تحمل في ايام التبويض يصير حملها بولد
اي صحيح .. وهو حديث الرسول عن ماء الرجل والمراءة ... بس كمان كله هبة من الله مالهاش علاقة بشي معين
*بيبي فيس*;12440190:
والله بصراحة ماعندي فكرة لكن بيني وبين نفسي ماصدق هالخرابيط
يهب لمن يشاء إناثاً ويهب لمن يشاء الذكور
صحيح 100%
*بيبي فيس*;12440693:
كللللللللللللللللللللللووووووووووووووووووووش
ألف الصلاة والسلام عليك ياحبيب الله محمد
ولدي حبيبي يحق لي أفرح
مبروك ياللي كل سنة تنجح
الله ماخيب رجاي
اليوم حقق لي مناي
أول فرحتي نجح بتفوق وطلع الأول كالعادة ورفع راسي
ماشاء الله تبارك الرحمن
مبروووووووووووووووووك يستاهل حبيبتي وتستاهلي الفرحة
maryoom;12440832:
هلا حبيبتي منوى شخبارج ياقلبي؟؟
طال عمرج تقريري لأمس وهو:
خو موعدي المفروض الساعة عشر من زحمة الشارع ومريت على أختي عشان معاي تكون وصلنا الساعة عشر وربع.. فتحت ملف عندهم نطرت شوي جان تقول لي الممرضة شربي ماي وخو آنا من وصلت وكنت حصرانة..
عاد نطرت شوي ودشيت للدكتورة وكشفت وسألتني عن الدورة وووالخ..
وقالت لي بأذن الله موعد ولادتج بتكون بتاريخ 2/2/2011م وأنتي بالأسبوع الثامن ويوم الأحد بتدشين الشهر الثالث وأستانست حدددددي وبعدها رديت رحت للكونتر وقالت لي بعد شربي ماي وتحركي قلت لأختي خلينا نروح الصيدلية ومن وصلت الصيدلية قلت لها بسرعة لايعة جبدي طلعت بالشارع رجعت اللي بجبدي كله ووووووووويع طلعت رووووحي..
بعدين رجعت دشيت على الدكتورة وشافت الجنين وقالت لي كل شي أوكيه والجنين نبضه أوكيه وعنق الرحم وقالت عمره تسع أسابيع:) ...ألخ بس قالت لي وياي ألياف بس خفيفة مو وايد؟؟؟؟^o) قلت لها هل له مضرة على الجنين؟؟ قالت: لا قلت لها أنزين شلون يروح؟؟؟؟ قالت بعملية!!! :badly:
أنزين شسالفة الأليااااااااااف؟؟؟
وأي سألتها عن سياقة السيارة مسافة طويلة؟؟ قالت أوكيه وعن المانجو قالت لي أوكيه بس يكثر الدهون.. وقالت لي حاسبي أهم شي بحركاتج تكون خفيفة ولاهي سريعة ولاتآكلين الأكل الحار والوجبات السريعة والكاكاو بس آنا ماأحب الوجبات السريعة ياحسرة حدي حدي باستا مالت يم يم تري :lol: والكاكاو من زمان ماأحبه والفلفل ماأحبه :cool:
وحذرتني من الجماع خلال فترة ثلاثة أشهر وقالت لي اللي متوقعينه أنه سهل ترى وااااااايد خطير ويسبب نزيف الله يكفينا الشر..
وموعدي معاها بعد شهر :D اوووووووف وااايد هذرت
مريوم مبروووووووووك تطمنتي على البيبي ... ما اعتقد ان الجماع فيه اذا كان بهدوء ومش اكروباتي .. والا اذا كمان كان عندك تاريخ اجهاضات ما عدا ذلك فلا تسمعي كلامها
اما موضوع الاورام الليفة فعندي صاحبتي عندها هذي الاورام وحملت وولدت وظلت الاورام مكانها ما كبرت ولا اضطرت تعمل عملية ... المشكلة مع الاورام الليفية انها تكبر بهرمونات الحمل مع الجنين .. بس في حالات لما تكون صغيرة ما بيكون لها تاثر ..
zumerdah;12441675:
سلاااااااااام يا بنات شلونكم شخباركم وحشتوني
شخبار الحمل معاكم والنساة والوحام
انا ماتدرون شصار فيني تعبت في الايام الي راحت قام ينزل لي دم بالابوال كرمكم الله ورقدوني بالمستشفى عملولي شوية فحوصات والحين انتظر يسوون لي اشعة تلفزيون على الكلى لانه قالو احتمال فيج حصة صغيرة بالكلى
غير النساة الي ذابحتني اللوعة والترجيع الي مايفكوني ..
الله يعين .. بس الحمدلله البيبي بخير وكذا مرة يسوون لي التراساوند وشفته بعد :D وتطمنت الحمدلله
بس على حسبة الدكتورة انا معطيني موعد ولادة تاريخ 27-1 و لما سوا لي التراساوند عطاني تاريخ الولادة 2-2 .. ومايندرى صار عندي خربطة الحين ..
انتبهي حبيبتي وروحي شوفي موضوع الدم في البوم ... هي دائما هذي الاشياء بتتفاقم مع الحمل بسبب ضغط الجنين على المنطقة
بالعافية يا رب
تذكر يوم;12441838:
رحت العياده ما تاخرت على طول دشيت
اممممم
وقالت لي شنو اللي راح يصير
الابر انو هيب اللي قلت لج اخذها
قالت لي خلاص بوقفه
وقالت لي بواصل على الادويه الفوليك السيد وبيبي سبرين
وعطتني حبوب وحديد
وبعدين شفت جنيني في الالتراساوند فديته
ووووواهوه متسدح
عاد روتني مخه خخخخخخخخخخ تقول اللحين شفاف يبين
الا ريلي يساله يبين اذا ذكي ولالا :lol::lol::lol:
وروتني كل شي خشمه حلجه
عموده الفقري
كل شي
وبعدين تبيه يقلب علشان تشوف العمود الفقري واهوه منسدح تقول راقد طالع على امه
كله يبي ينام
واطق على بطني علشان يتحرك مو راضي
وكل شوي اطق
مو راضي
اخر شي بعد عناء نقلب استانسسسسسسسسست عدل يوم شفته انقلب
وبس كملت الفحص وجي
وعطتني الادويه وكل شي ومشيت
بس اللي مستغربه منه تقول لي :-# لا تصومين
وحتى لو يه رمضان بعد لا تصومين !!!
انتي باين عليك ما تاكلي ابدا ... وهذي مشكلة ...
والله متعة الصيام وانتي حامل على الاقل ما بيكون عليم قضاء !!!!!!