بدي أتزوج وأتخلص من الإهانات

دقات قلبFي;12374032:
تووووك يالغلا صغيره والعمر قدامك


وصدقيني نصيبك الله كاتبه

وبعدين اتركي ثقتك بنفسك اعلى من كل كل شي

لا تلتفتي لهم ابدا" قولي العمر قدامي كل ماقالوا لك شي

وقولي النصيب بيد الله ولاتعلمين لعل الله كاتب في تأخيرك خير لك


لا تتحسسي من الموضوع كوني على ثقه من رب العالمين ان يرزقك زوج صالح تقي نقي يخاف الله فيك ويسعد دنيا وآخره

ادعي الله ولن يخيبك


وبالنسبه لك ارى ان عمرك صغيـــــــــــــر فلا تتحسسي من الموضوع


ومن راقب الناس مات هما"


انظري لحال غيرك من البنات وصلوا ل 30 سنه وش راح يكون حالهم ووضعهم ...


انتي العمر قدامك

واسأل الله العظيم رب العرش العظيم ان يرزقك وجميع بنات المسلمين بالأزواج الصالحين التقيين والنقيين انه على كل شي قدير

اتمنى ان اكون شاركتك بمشكلتك


تقبلي مروري


دمتي بخير وبحفظ الرحمن

شكرا إلك على نصائحك القيمة وعلى دعودتك الرائعة (اللهم آمييين) التي أثارت السرور والفرح في نفسي بارك الله فيك خيتي وأسعدك ورزقك ورضى عنك وجزاك الجنة ^_^

خــوخــه;12374034:
افــآ ليش كل هاي الكلام
انتي حبيبتي بعدج صغيرة ما عليج من كلام احد
اهم يبون بس يلفتون نظرج ويفشرون عليج هلج عادية
قالوا ما قالوا لا تهتمين لكلامهم كل اضحكي في وجوهمم
حسسيهم انج مو مهتمة لهالاشياء ليما اهم يطفشون
ولا تنسين ربج كريم ويختبر الصابرين وان شاء الله صبرج خير
واللهل يوفقج ويرزقج بالزوج الصالح

الله يجزيك كل خير خير يارب على نصائحك وكلاماتك
شكرا لك كثييييييير

بارك الله فيك وأسعدك ورزقك الجنة

بالعكس انتي للحين صغيرونه وكتكوته وترا العرس مب كل شي
والصراحه ماعندهن سالفه .. تفكير يهال ..وشو يعني لو تزوجوا قبلج الله يوفقهن وترا كله نصيب
ولا تخلين هالشي ياثر فيج بالعكس .. في بنات تعدوا 30 وللحين ماعرسوا وعايشين حياتهم وهم بخير وسهاله ...
لا تشغلين بالج واهتمي بدراستج وعيشي ايامج بعدج كتكوته
والله يرزقج بولد الحلال الي يحطج ف عيونه

سخيفات ماعندهم سالفة صدقيني
وانتي بعدك صغيرة والنصيب جاي لك واحسن منهم ان شاء الله
بس انتي كبري عقلك وخليك من الاشكال البايخة ....
لاتتاثررين بكلامهم لان انتي عارفة نفسك حبوبة وعسل ^_^
وان الدنيا قسمة ونصيب وكل شخص نصيبه يختلف عن الثاني
اذا هم انخطبوا بسرعة
انتي بعد بيجيك نصيبك بس اصبري
والعمر قدامك وبعدك صغيرة ....
لاتستعجلي واكثري من الاستغفار
وتصدقي وادعي ربك يرزقك بالزوج الصالح الي تفتخري فيه قدامهم

^_*

حبيبتى انت شكلك ليبية ؟؟ من ليبيا يعنى ؟؟

انا مش راح نرد عليك لان موضوع مسيستحقش الرد

بس ارجوكم يا بنات المنتدى راعوا شعورنا نحن الى وصلنا الى الثلاثين وماتزوجنا كاننا عجائز والا كان الزواج كل شى فى الحياة ونحن مكسورات

انا عمرى هلا قريب الثلاثين وعايشة حياتى مبسوطة ولله الحمد واهم شى فى الدنسا عندى رضا ربى والا الناس اخر همى لانهم تافهين وتفكيرهم غبى جدا

وبعدين الله خلقنا لعبادته عشان ندخ جنته

واذا جاء الزواج اهلا وسهلا ولازم طبعا يكون زوج صالح واذا ماجاء الحمد لله
لان الدنيا ماتسوى عند الله شى واهم شى الموت على الشهادة سواء تزوجت والا حتى عنست

الحاصل ماتفكرى فى الزواج فكرى فى اخرتك الى فيها معادك

وارجوكم لااسمع مرة تانية حد يتكلم على البنات الى وصلوا الى الثلاثين نحن ماشكينا الى احد والا اصلا نفكر نشكى

اي زوج اي بطيييخ

توج صغيره عيشي حياتج طول بعرض

من حلات شباب هالوقت ولا من زينهم من تتزوجين واحد منهم يكرهج عيشتج الله عايشتها

هذا وانتي 20 سنه؟؟

هههههههههههههههههههه

شوفي غريج جم وصل


وعاااادي طاف الموضوع

ولا احطه ببالي الحمدلله دام عايشه بصحتي وعافيتي وخيري ونعمتي

هذي اكبر نعمه

وكلام الناس لابيأخر ولا يقدم



الصراحه العقده انتي جايبتها لنفسك


وسلامتك

بعدك صغيرونة والعمر قدامك افرحي واستانسي
بيكون عرسك مميز وستتفردين به

السلام عليكم
شكرا إلكن أخواتي على ردكم وكم سعدن بنصائحك الجميلة وكلماتكم الرائعة التي أدخلت السرور في نفسي بالفعل أنتم نعم الإخوة

حبيباتي أنا ما كنت أفكر بالزواج والأمر كان عندي عااادي يعني إنخطبت او تزوجت يعني تاركة الأمر بيد الله بس بسببهم خلوني كل يوم أفكر في الزواج ..

بارك الله فيكم والله يسعدكن ويرزقكم كل خير ويوفقكم في الدنيا والأخره ويجزيكم الجنة

وأشكر أخواتي اللي راسلوني على الخاص بارك الله فيكم وإن شاء الله أعمل بكل نصائحكم القيمة التي تدل على أخلاقكم العالية وسمو نفسكم الرفيعة

بارك الله فيكم ولا تنسوني من دعواتكم

{ نور الـ ع ـرب };12373757:
سخيفات ماعندهم سالفة صدقيني
وانتي بعدك صغيرة والنصيب جاي لك واحسن منهم ان شاء الله
بس انتي كبري عقلك وخليك من الاشكال البايخة ....
لاتتاثررين بكلامهم لان انتي عارفة نفسك حبوبة وعسل ^_^
وان الدنيا قسمة ونصيب وكل شخص نصيبه يختلف عن الثاني
اذا هم انخطبوا بسرعة
انتي بعد بيجيك نصيبك بس اصبري
والعمر قدامك وبعدك صغيرة ....
لاتستعجلي واكثري من الاستغفار
وتصدقي وادعي ربك يرزقك بالزوج الصالح الي تفتخري فيه قدامهم

^_*

ما علبك اختي انت صغيرة وامامك العمر وهم كانهم اطفال ما يعرفون شيء

حبيبتي،،انتي لسه 20 ،،،يعني صغيرة.....

هذولا بنات تافهين و ما عندهم سالفة و عقلهم صغير،،،لا تعملي عقلك بعقلهم،،حتى لو تاخرتي و تزوجتي بعمر 29 او 30 او 31 بيكون برضه توقيت معقول،،،ما تتحسي من هالموضوع و لا تسغلي بالك بيه.

المهم ادعي الله يرزقك بالرجل الذي تقر به عينك.

حبيبتي ...قالوا الثمانينات راحت موضته...هههه شوفي الاغنية اليديدة الي نازلة الحين ( إنجليزية) كلها عن جيل الثمانينات ..كل شيء في الثمانينات الحين راجعة موضتة ...تقولين مثل شنو ..اقول لج ...اللجن ( الإسترج) ...هاي من الثمانينات.. الالوان البيج (السكن كلر ) ..الفيت ورمر..هاي الدلاغات الي تنلبس فوق الريل الي تدفي الريول ..بعد ثمانينات ... البيك مان ..بعد ثمانينات .....احسن جيل جيل الثمانينات يعرفون يعيشون ...وجيل عقل ..وعباقرة ...... وخلهم يعرسون ..مافيها شيء.. عادي ..قولي لهم انتوا عرسوا اول شيء...عشان لما انا اعرس يكون كل شيء جديد في عرسي ..ما ابي يكون عرسي مثلكم ...لانهم على قولتج ان عرسهم بيكون ورى بعض...يعني نفس التصاميم...وغيره ..وإذا لقيتيهم يقرون سورة البقرة ...قولي لهم ...اقروها بصوت عالي ..عشان ما تصكم العين ... وقعدي معاهم خليهم يقرونها بالكامل..لاتخلينهم يوقفون قعدي وخليهم يقرونها ...لين يخلصونها آيه آيه وياحبذا تصلحين لهم في المد والإدغام ..هم يبون ينرفزونج ...بالعماله ...وثانيا في اعتقادي ..جيل الحين المفروض ما يتزوجون قبل ما يكون عمرهم على الاقل 22 سنة ..لانهم يهال ....مايعرفون يسون شيء...وهاي احسن شيء..خلج في بيت امج ..وجهزي عمرج حق عرسهم ..وماعليج ..نصيبج بيجي..سبحان الله يمكن حد يشوفج ..في عرسهم ويخطبونج حق ولدهم ...... وانتي كل ما قالوا لج شيء..ولا يهمج ..مثلا إذا قالوا لج عنستي..قولي لهم انج قاعده في بيت ابوج معززة مكرمة.بكيفج...لا تغسلين الحمامات ولا تكوين ..يعني وحده بوحده ...ولا واحد يجي لج من برع يصرخ ويتامر ..انتي قاعده وتتامرين ...ومن هاي الكلام اكيد بتنبط جبودهم ...... وإذا قالوا لج انج شينة..قولي لهم بنشوف من احلى في العرس انتي ولا العروس...اكيد انتي طبعاً واهل زوجهم بيقولون احنا اخترنا البنت الغلط ..مثلا ..

(( هاي حركات اجرامية مالت يهال إذا حابة تجربينها ...وانا اخلي مسؤوليتي منها))

بس نصيبج راح يجيج ..ولا عليج منهم ...انا يا حبيبتي...آخر وحده تتزوج من عائلتنا .... كانوا اليهال يتطنزون علي ...يعني تخيلي ...ياهل ام 6 سنين ..تجي وتنط جدامي ..وتقول لي عنستي عنستي...يالعانس ... واقول لها ..انا ما ابي اعرس بكيفي...لاني ما ابي اجيب بنت قليلة ادب مثلج ... والحين انا متزوجة وعندي بنوته ... ويوم جت بنت خالي .. تبي تمسكها ...قلت لها وخري عنها ...يقولون قلة الادب تعادي... ^_^ لما يكون عندج ادب تعالي لعبي مع بنتي... قوية ...صح ... بس فقعت مرارتي 7 سنين وهي تقول لي يالعانس وينج ...ويالعانس... برد خاطري

لاحول ولاقوة الا بالله

حياتي^^

يا قلبي عليك والله من جد طيبه وعلى نيتك ^^

اسمعي يا قلبي ترا بتأخيرك للزواج انتي اللي كسبانه موهم

من نواحي كثيرة لو انتي 20 فأنا 27 وتوي انخطبت وقبل خطوبتي 4 من اخواني اتزوجوا وكل بنات خلاتي وعماتي اتزوجوا... يعني صفيت عانس وسطهم ^^

بس لعلمك انا المستفيده تقولين لي كيف ؟؟ اقولك اقري اللي بكتبه واستفيدي من تجربة غيرك... وما راح اتكلم عن اسباب تأخري لأن من بينها النصيب والمشاكلو حاجات كثير بس حوريك نقاط قوتك...

1\اذا هم اصغر من سن 20 فراح يحملون مسؤليات كبيرة واهي بيت و زوج وأطفال وحمل وولادة وانتي ببيت اهلك تدلعين.. لنتي مطالبة بغدا او عشا ومش من مسؤلياتك وفي ام تحن عليك... لو الزوج دلع زوجته ب اول سنة الدلع يروح بعد اول طفل صديقيني الموال يتكرر مو بس بيتنا بكل البيوت...

2\ عندك فرصة تكملين دراستك وتشتغلين وتشوفين حياتك وتكونين شخصيتك عدل... ام هم متأكده يا بيضعفوا او ينحفوا من كثر المشاكل ... ايش بك الزواج مو لعب... كيف تتعاملين مع اهل زوجك كيف تكسبين زوجك وغير رمي الكلام ولعب الأعصاب تعرفين حريم... لو اشتغلتي بتتفتح عيونك لدنيا تشوفين اصناف من الناس كثيرة حتعرفي كيف تتعاملين معاها وراح تكون لكي خبرة وتجارب مع الناس.. وتسمعين قصصهم وتستفيدين...

حتى لو قريباتك بيكملون دراستهم مع الزواج صدقيني مو مثل لما تكونين صبية ببيت ابوك تراها تعب تعب مو طبيعي ونص البنات اللي بذي الطريقة يوقفوا من النص...

3\ اغلب الشباب الحين يقولون نبيها فوق 25 ليش لأنها تكون في كامل عقلها ورومنسيتها وذا صح.. والبنت اللي بتتزوج صغيرة في العادة تكون طايشة ومشاكلها اكثر من من تجاربها الحلوه مع زوجها و مواقفك مع زوجك اهي اللي بتعطيه انطباع عنك يا يحبك او يكرهك او يتغصب عليك ... وماراح تعرفي تتجاوبين معاه في ذا السن الصغير خاصة لكان زوجك 30 وانتي ما دخلتي العشرين...

4\ وآخر شي انتظري الزوج الصالح انتظري اللي يسعدك و اهو مو شرط يكون كامل الأوصاف اهم شي ولد ناس وطيب ولا تستعجلي ابد وتراني حبيبتي فوق ما عنيت من اهل امي وابوي من ذي المسألة فوق ما فضلت اني انتظر واصبر لأن الأنسان ينقاس بأخلاقه مو بعمره ولا ماله ولا جماله .... صبرت والحين انخطبت لرجل اخلاقه عظيمة وانسان مكافح بحياته ابوي يقول لي انوا بكل اللي اتقدمولك قبل ... انتي لا تفكري بالموضوع والا ما تلاقين العرسان يطقون باب بيتكم بس لاتدوري وتفكري ...

اهم شي ادرسي شوفي مستقبلك خليكي مستقلة والرجال يحب المرة القوية يحب يمتلك المرة اللي يحس انها تقدر تعيش من غيره ويحكرها لنفسه اما اللي يتغصب عليها ماراح تذوق منه غير المر بحياتها و القهر.. وابني شخصيتك بالمطالعة والقراءة

الأنسان اول ما يسطر بالقلم على الدفتر عشان يكتب احساسه او افكاره فهو ببداية الطريق اللي يخلي ذهنه يتفتح لدنيا

وذا اللي عندي لكي والله يوفقك^^

دقات قلبFي;12374032:
تووووك يالغلا صغيره والعمر قدامك


وصدقيني نصيبك الله كاتبه

وبعدين اتركي ثقتك بنفسك اعلى من كل كل شي

لا تلتفتي لهم ابدا" قولي العمر قدامي كل ماقالوا لك شي

وقولي النصيب بيد الله ولاتعلمين لعل الله كاتب في تأخيرك خير لك


لا تتحسسي من الموضوع كوني على ثقه من رب العالمين ان يرزقك زوج صالح تقي نقي يخاف الله فيك ويسعد دنيا وآخره

ادعي الله ولن يخيبك


وبالنسبه لك ارى ان عمرك صغيـــــــــــــر فلا تتحسسي من الموضوع


ومن راقب الناس مات هما"


انظري لحال غيرك من البنات وصلوا ل 30 سنه وش راح يكون حالهم ووضعهم ...


انتي العمر قدامك

واسأل الله العظيم رب العرش العظيم ان يرزقك وجميع بنات المسلمين بالأزواج الصالحين التقيين والنقيين انه على كل شي قدير

اتمنى ان اكون شاركتك بمشكلتك


تقبلي مروري


دمتي بخير وبحفظ الرحمن

ردي نفس اختي ماقصرت بعدك صغيره مره والعمر قدامك موفقه وربي يرزقك الزوج الصالح اللي يعوضك عن كل مافقدتيه يارب العالمين:adore: