هذا جزائي؟

من الاساس لمن يكون في شي خاص بك و بزوجك
لا تدخلي احد مين ما كان
و المثل يقولك خلك بعيد حبك يزيد
لا تلصقي في اهل زوجك كتير
كل اسبوع كفاية مرة
و ازا في سفرة او رحلة لا تفكري تعزمي احد لا من اهلك ولا من اهله
استمتعي بحياتك مع زوجك
و بصراحة مرة حركة تقهر ..الله يجبر بخاطرك

ما شاء الله تبارك الله .... من الواضح انك انسانة رائعة وأكثر

موقفك يرفع الرأس فلا تفسديه .... نعم الموقف متعب نفسياً ويقهر مثل ما قلتي لكن حاولي تسيطري على اعصابك وخططي لحفلة حلوووووة لردة زوجك من السلامة

ولما يوصل بيني له انو رغم اشتياقك الشديد له فترة غيابه إلا انك راضية عن موقفه وانه سعى لرضى والدته ... بتكبرين في عينه وما راح ينسى لك الموقف صدقيني

وحماتك كمان استقبليها استقبال حار ... ويوم ردتهم اعملي حلى حلو وقولي لها انك اشتقتي لها في غيابها إلخ ولا تبيني ضيقك بأي شكل من الأشكال

إذا كان القصد استفزازك ودفعك لارتكاب تصرف يقلل من شأنك أو يعكر ولو بنسبة 1% مزاجك تجاه زوجك ... اثبتي العكس وخليهم يثنو " ولو داخلياً " على حسن تصرفك

رغد الحياه;12375980:

ما شاء الله عليك حبوبه كلك اخلاق

بس طولي بالك شوي , ومن رأيي روحي اعملي مفاجأه لزوجك وهو جاي , ولمن يجي قوليله انك ماخذه ف خاطرك عليه بس اشتقتيله , هو الحل الافضل لو زوجك كنسل السفره كامل من الاساس , عموما عاد لا تجلسين تعازمين احد لمن تريدوا تروحوا مكان ولا تخبروا احد الا بأخر لحظه وانتم طالعين وقولوا تو قررنا , عموما عوضي السفره هذي روحوا دبي مره انت وزوجك بروحكم وحلاتها السفره بتكون , بس خلك ع تواصل مع زوجك الحين , وحماتك ولا تناقشيها بشي وكأن شي مو صاير ابدا وعامليها بدبلوماسيه , اذا شخص عمل حركه وقصده شي مو زين فأحسن لا تظهري له اي اهتمام بالشي الي سواه وكأن عادي عندك عشان ما يحاول دايما يسوي حاجات تنرفزك , وانت خلك مع زوجك واكسبيه وخليه يحبك اكثر ومثل ما قلتلك لا تتكلمي امام احد انكم بتروحوا مكان الا اخر لحظه , وبشكل عام لا تتكلمين عن حب زوجك لك واهتمامه فيك امام اي احد على الاطلاق ولا تعطي اي معلومات عن حياتك مع زوجك حتى لاقرب الناس الحسد والحقد موجودين والله يحفظك حبيبتي

السلام عليكم اختي
انا احييكي علي موقفك وان دل علي شي يدل علي اخلاقك العالية؛ و نسبك الطيب تاكدي ان الله سوف يجازيك خير جزاء . انا متاكدة انك الان كبيرة في نظر زوجك ويجب ان لا تبدى انزعاجك امامهم حتى لا يستفزوك. ودائما هاتفيه وعند عودته تناقشى معه بهدوء وسوف يعوضك الله خيرا.اختك رفقة من تونس

مشكورات حبيباتي

بس انا مو طيبة ولا شي لأني من داخلي مقهووورة مرة عالحركة هذي

اهلي مو عارفين اللي صار اخاف يغيروا رايهم بزوجي

على قولتكم تعلمت درس

الواحد لازم يكون اناني ويحب نفسه عشان يرتاح بهالزمن

زوجي كل شوي يتصل بي او يراسلني

قاللي اشترالي حاجة كنت اتمناها من زمان

بنات وش رايكم اقطع عادة اني اطبخ لحماتي او اخذلها هدية كل اسبوع؟؟

لأني لو استمريت ما رح تكون من قلبي مثل اول وباخذلها كأنه واجب علي

من جد مقهورة امس طول الليل انا ابكي

الليلة بيردون زوجي ما رضى يطول

لو انا وهو بروحنا كنا بنقعد اسبوع

حبيتبي زوجك يحبك لا تزعلي منه بس انحط ب موقف مع امه كبيره امه تخبره اذا ما خذيتنا انا ما امك ما كان عنده حل غير

بس اقترح اول ما يرجعون بسلامه جلسي مع حماتك وكلميها بلطف
خبريها انك تحبيها مثل امك ومافي فرق ومن الكلام الي يلين القلب

وبعدين شوفي اذا شي ف خاطرها اذا زعلانه منك ف شي حاولي تطيب خاطرها ترا الحريم كذا يدلوع

بعدين خبريها انك كثير تحبي زوجك ولو ما كنتي تحبي ما كنتي بتغاري عليه وخبريها انك تضايقي زوجك يروح مع بنت خالته ف سفره وانتي ما موجوده فهميها انه هذا الشي مضايقك ومو حلو بحقك تخلين زوجك يسافر معكم ومع بنت خالته ودونك كل هذا تتكلمي بهدووووووء ولطف لا تيجي وتفكر انتي زعلتي لانه زوجك خذهم هم دونك انتي

وبكذا بيظل ف بالها وبتعرف انه هذا ما يعجبك وان شاء الله بتتجنب تسويه مره ثانيه

وحبيبتي ستمري تعاملي اهله مثل ما انتي ترا الرجال اذا شافك تحبين اهله يحطك فوق راسه ويكبر حبه لك ف قلبه وانتي لا تجلسين تزعلين من زوجك لا ينقلب ضدك ترا هذي امه ومها كان ضاها واجب عليه

وبعدين تقدرين تجلسين مع زوجك وبكل هدو خبريه كم انتي تحبي اهله بس الي مو عاجبك بنت خالته تروح معه وخبريه انك عارفه هو سوا هذا الشي وهو مجبور يرضي امه وانتي فخوره فيه سوى شي ما يريده عشان امه بس خبريه ياريت مره ثاني لا ترضى تروح لانه مو حلوه ف حقك وما يجوز يسوي فيك كذا خبريه انت بعد ما كنت بترضى لو كنت مكاني

وان شاء الله خير حبيبتي والله يديم المحبه بينكم ويهنيكي يارب

بالعكس ريلج يحبج وانتي نفسج اتقولين هو يرسل لج مسجات ويتصل بج كل ساعه ... يعني هو متلوم وماكان بيروح بس عشانج يعني انتي الي قلتي ...
وبعدين لا تتتغيرين ويا عمتج يعني كوني وياها مثل قبل واحسن .... لا تخلينها مشكله وتكبرين السالفه ..
لانه لو تغيرتي وياها يمكن هالشي يزعل زوجج منج ....
والله بيعوضج غير هالطلعه ...

احس موقفش انك قمة في الاخلاق والطيبة والله بيجازيش خير . أنصحش لا تبينين بضيقش لا لزوجش ولا لاهله حتى تكبري في عين زوجش وأهله ولا تبيني غيرتش من بنت خالته ترى تفتحين المجال للشيطان

محد يلومج لو تتضايقين وتحزنين لان الموقف من ام زوجج مب حلو ابداً

يمكن هي تغار وتعودت ان ولدها مايرفض لها طلب .. ويمكن قالت حق اختها وبنتها وقالوا بيجون وماحب ولدها يحرجها صوبهم

انتي حاولي تتقبلين الموضوع وماتشيلين فقلبج على ام زوجج ..

واطلبي من زوجج بعد فتره انه يعوضج بسفره ثانيه انتوا بس

" واعذريه .. لانها قالت له لو ماوديتنا انا مب امك .. والموقف مايستاهل عشان يكبر لـ هالدرجه "


وطبعاً ما انسى اني اقول لج زين سويتي لما بادرتي وقلتي بتاخذين اخته معاكم ..

والله يعينج

:f:

شوفي:

من الاول انتي تصرفتي تصرف نبيل،،بس هم اللي طلعوا مو كفو.

عموما هدا بيكون درس ليكي للمرة الجاية،،اي شي مشترك بينك وبين زوجك ما في داعي يدخل حد بينكم و لا معاكم.

بس مش عارفة لي ما رحتي معاهم،،دامك شفتي خالته و بنتها راحوا اعتقد هذا يخليكي تفضلي تروحي معاهم على انك تخلي زوجك يروح لحاله.

الله يعينك على مابتلاك

كلماضاق صدرك قولي حسبي اللـــــــــــه ونعم الوكيل

اهـ ياحياتي الله يعوضك بس قهر بت خالتك تروح وانتي الاولى ماتروحي ع العموم يالغاليه اللي راح راح ولاتخسرين زوجك ولاتنسين انتي اللي قلتيله روح

زي ماقالت اختي اذا جاء روحوا سفره لوحدكم برع بلادكم عشان تردين كرامتك وبنفسك الوقت ماتخسرين زوجك عشان هالسفره موفقه اختي ربي يسعدك فين مارحتي

ربى ان شالله يكون معاك ويعوضك خير

يو حرام عليها سوت كدا بس انتي ماعليك منها دحين الي صار صار ودام راحو يعني زلعك ما رح يغير شي خلك منهم وحاولي تهدين ولما يرجع زوجك بالسلامه قوله بياخدك انتي بس اهم شي لا تزعلين والايام قدامكم انشالله مو على السفره هادي بتنتهي الدنيا

غناتي
زوجج بعوضج ان شاء الله
وهذا في ميزان حماتج
لو رحتي معاهم كان احسن حتى لو تراعصتو في السيارة
بس لا تجيبين لهم سيره
ولا كأنه صاير شي
ابتسمي معاهم
وان شاء الله ابو لعيال بعوضج

وليش مارحتي معاهم طيب ؟؟؟ المهم اللي صار صار والله بيعوضك بدال السفرة سفرات ..
ومن الافضل تخلي علاقتك بأم زوجك جدا رسمية وزوريها مرتين في الشهر يكفي صدقيني كثر الاحتكاك والتقارب مايجيب غير المشاكل خصوصا بعد تصرفها هذا ,,
خلك بعيد تكون حبيب :rolleyes: