السلام عليكم ورحمة الله
أخواتي الحمد لله أنا بدأت من فترة وعلمت طفلي على الحمام...
وخلصنا من دا الموضوع والحمد لله ...
حبيت أقول لكم ايش هي الأفكار اللي سويتها عشان يسير التعليم متعة له
أول شي خليت الباب بالشكل دا
طبعا خليت حمام الضيوف هو الحمام الخاص فيه
مو حمامنا الرئيسي
على الباب فيه صور اطفال الله يكرمكم في الحمام
عشان يشوف إنو الأطفال غيره كدا يسووا
خاصة إنو لسه ما عنده أخوان اوا أخوات
وكمان جدول أتابع في كل يوم هل عمل في الحمام
او لأ مع صورة له
وكمان نحط في الحمام ألعاب عشان يلعب فيها
زي كدا مثلا
هنا الله يكرمكم الإطار حق الأطفال على الحمام العادي
وإذا حابة تستعلمي له النونية او القصرية
ممكن تحطيها بدا الشكل عشان يحب يجلس فوقها
انا سويت الفكرة بس ما استعملتها ...
على سيارة عنده
وكمان حطيت على رف الحوط مجموعة كتب إنجليزية حقته عشان يتسلى ويجلس يقرأ فيها
لمن أكون مشغولة
مثلا أحطه في الحمام وأديه كتب واروح أشوف الطبخ على النار وأرجع
إن شاء الله عجبتكم الفكرة
يعني مثلا كتير أمهات يعانوا من دا الموضوع
حلو تبديه معاه بمتعة
انا وهو عانينا جدا أول يوم
وعلى طول فكرت وفكرت وسويت دي الأفكار وهو نايم
لمن قام وأخذته الحمام فرح وخف الخوف منه
كمان ممكن تلعبي معاه لعبة
أي ألعاب حقت أطفال
يفرح جدا