اخباركم اخواتي ان شالله تكونو بخير
جايبتلكم اكله حلوة وخفيفه وصحيه والاهم كتير مفيده
وطبعا من اختراعي :D
وتصلح طبق جانبي او رئيسي
وطريقه جديده لطبخ المشروم (الفطر )
اول شي نجيب الفطر ونغسلة كويس
وبنقطعه كل حبة 4 اجزاء
وبعدين بنجيب طنجرة وبنحط فيها شوية زيت زيتون
بنقطع بصل وبنقلبه شوية بالزيت :|
بعدين بنضيف الفطر وبنضيف عليه رشة سماك:thumbs_up:
وبتركه عالنار لحتى يستوي شوي
بهادا الوقت بنجيب فليفله ملونه او خضرا حسب المتوفر
وبنقطعها بشكل طولي
كما هو موضح بالصورة
ولما تحسي انو الفطر استوي وصار طري
تضيفي عليه الفليفله
وتقلبيهم مع بعض اقل من دقيقه على النار
وبتضيفي المزيد من السماك :biggrin:
وتطفي النار وتتركي الطنجرة مسكرة لحتى تحضري السفرة
وهادا شكلو وقت التقديم
صورة اقرب :p
واخر شي تؤكل مع خبز
وصحتين والف عافيه
تحضير هادي الاكله ما بياخد اقل من ربع ساعه:thumbs_up:
ان شالله تكون عجبتكم الاكله
ودعواتكم يا حلوين
