ماشية بالدرب;12345501:
هلوووووووو
يالله على الصلاه
والدعوات
ان شالله تولدون بالسلامه
وعقبالنا
الله يقومنا ويقومكم بالسلامة
ananya;12345532:
السلام عليكم
مبروووووووووك التجمع الجديد ويارب فيه فال خير للي دخلو التاسع
كيف حال الكروشات اليوم؟؟؟
الله يوصلكم لذاك اليوم وتشوفون البيبي بصحة وسلامة يااااااااااااااارب
انا استغليت نومة بنتي عشان ادخل واتطمن عليكم واقولكم قصة ولادتي :)
طبعا الحين مافي وقت حتى لنفسي ساعات ابي ادخل الحمام بس الا هي صاحت هههههههههه
طبعا كنت قايلة لكم قبل بيوم من ولادتي ان عندي موعد الا هو يوم الخميس في الامريكي حق متابعة اسبوعية
وكنت حاسة يوم الاربعاء اني بولد قريب مع انه مافي الم ولاشي ومن خوفي قمت اجهز اشياء وااايد ماكنت مخلصتها
المهم على يوم الخميس رحت الدوام من الصبح وبعدين مر علي زوجي عشان يوديني المستشفى حق الموعد
وهناك قالت لي الدكتورة بنسوي لج تخطيط لانج دخلتي التاسع خلاص عشان نجيك اسبوعيا مع الموعد
قلت لها اوكي وسبحان الله هذا الموعد كان بيتاجل لان دكتورتي اللي اتابع عندها اتغير دوامها بس قلت لهم مو مشكلة حولوني على دكتورة ثانية الا هي دكتورة الكا
المهم حطو التخطيط نص ساعه وكان معاي زوجي ولما خلص التخطيط رجعت النيرس الا تقول التخطيط مو عدل ومافي حركة للبيبي يمكن للحين نايم وسالتني اذا ماتريقتي روحي اتريقي اول وبعدين تعالي نعيده لج
رحنا اتريقنا ورجعنا وعادو لي التخطيط وصج لاعت جبدي تمللت كلحين يعيدونه
ومثل قبل خلوه نص ساعه ويوم رجعت النيرس الا تقول ترى مبين عندج الم ونادت الدكتورة
انا كنت احس بألم التيبس في بطني مثل كل يوم قبل كنت اقول لكم بطني اذا يتيبس شلون
جت الدكتورة بتشوف التخطيط وقالت اكو يبين عندج طلق منتظم كل ربع ساعه تقريبا يعني هالتيبس الحين انتظم ههههههههههههه وانا خبر خير يعني لو ماجيت الموعد كنت مادري اني بولد وجان ولدت في البيت خخخخخخخخ شوفو رحمة الله
وبس عطتني الدكتورة تحويل للسلمانية وقالت لي الحين الحين تروحين السلمانية لاني كنت فاتحة 3 سم يوم فحصتني وماشاء الله ايدها خفيفة صح حسيت بالم بس كان محتمل مو مثل الدفشة اللي في السلمانية
وطبعا انا وزوجي مو مصدقين اني بولد والممرضة تقول مابتجي عشر الليل الا انتي والدة ان شاء الله وانا عيوني :'(:woo:^o)
بس بعدها رحت شقتي ورتبت باقي الاغراض وطبعا لاكنت حافة ولا شايلة بالسويت بس اشوه ذيك المنطقة شايلتها خخخخخخخ
ورحت حفيت في الصالون خذيت نص ساعه.......شوفو المغامرات خخخخخخخخخخخخخ ولي قلب بعد بس الصراحه ماقدر اولد جذي على هالحال
وعلى الساعه 3وصلت السلمانية وكان وااااااااااايد زحمة بس لاني فاتحه لما وصلت 4 سم خلوني في الاولوية الحمدلله
ونقلوني بعد غرفة الولادة على الساعه 5 العصر وكنت 5 سم
بعدها وقف مارضى يتوسع الى الساعه 7 :(
عطوني ابرة توسع عنق الرحم وسبحان الله الالم قام يزيييييييييييييييييييييييييييد ذبحني بس ماكنت اصرخ اتأوه على خفيف محسوبتكم صوتها مايطلع خخخخخخخ
والاهل كلهم برة ينتظروني واسمع دعواتهم الله يخليهم لي
يوم تعبت وايد ماقدرت اتحمل عطوني ابرةه مهدء معاها الاكسجين اللي احسه يخنقني بدل مايريحني كل ما اشيله ترجعه الدكتورة :(
وخلوني وطلعو عشان ارتاح
ومرة وحده حسيت شي بيطلع وخفت وايد قمت اصرخ عليهم تعااااالو
يوم جت الدكتورة فحصتني الا 10 سم الحمدلله قالت لي جذي وماحسيت بالم فرحت لاني قريب اولد
سالت الدكتورة ها متى بولد ههههههههههههههه الناس في شنو وانا في شنو
قالت لي ان شاء الله 10 دقايق
على ماجهزوا كلشي
وقالت لي من يجي الالم دفعي وكنت ادفع بس بدون قوة والدكاترة كلهم متجمعين يشجعوني كانه فريق ههههههههههه
قالو لي اذا ظليتي ماتدفعين عدل البيبي قاعد يتعب ومو زين كلش
تحملت وقممت ادفع بكل قوتي وفي 3 دفعه جت الغالية وسمعت صوتها ونورت علي حياتي :)
وبعدها بنجوني وخيطوني وانا هلكاااانة كنت من التعب مادري بالدنيا
والحمدلله على تمام النعمة وكمال المنة
قصتي طويلة صح خخخخخخخخخخخخ
يالله اخليكم
ونسالكم الدعاء ان الله يشافيني ويعافيني
انووووووووون بصيح خلاص:'(
الحمدلله على سلامتج مرة ثانيه وتتربى في عزكم حووووور وعقبال ما نجوف ضنانا
انا من سمعت بولادتج صار خاطري اولد الحين ههههه