تجمع بنات الجزائر لشهر رجب 1431ه

السلام عليكم ورحمة الله وبراكاته

وعليكم السلام ورحمة الله وبركاته

أهلا سولاف

سلام اشراق واش راكي

لاباس الحمد لله واش راكي انتي

والله الحمد لله pa tellement
كيما كامل الجزائريين المورال راه طايح

شفتي الله غالب ضيعنا فوز محقق والله مااستاهلناها الخسارة

ربي يعضوضنا خير ان شاء الله و على كل حال هذا مونديال ماشي كاس افريقيا ولا حاجة صغيرة

مام اذا خسرنا رانا مع منتخبات عالمية و كبار

الوصفة لي كانت تسقسي عليها شمعة الجزائر
ماء ورد + عصير ليمون + حبة باراسيتامول وتطلي بيها الجسم نتاعك مباشرة من بعد استعمال الحلاوة

عندك الحق اشراق لكن الانتقادات قاسية انا شخصيا مبقاش في خاطري غزال لكن شاوشي مايستاهلش بلخف نساو بلي هو لدانا تمة والله بلا شاوشي ماكنا نفوتو
وعلى المظهر هي عندهم الحق لانهم راهم تمة يمثلو فريق عربي والمظهر ماكانش يدل على انهم عرب
لكن في كل الاحوال ماكان ما دخل المظهر مع الربح والخسارة الضغط كان كبير عليهم الجزائريين من جهة والعرب كاملين من جهة
لازم نوحدو الدعاء وانشاء الله ننتاصرو على الانجلترا وامريكا ولما لا
وانتي بلاك شفتي المناصرين لي كانو حاملين راية فلسطين امام العالم

نعم هي سقست عليها وقلتلها باللي راكي كتبتيها في موضوع الاستفسارات

ان شاء الله تشوفها هنا

لاجلك سوف اتغير;12346803:
عندك الحق اشراق لكن الانتقادات قاسية انا شخصيا مبقاش في خاطري غزال لكن شاوشي مايستاهلش بلخف نساو بلي هو لدانا تمة والله بلا شاوشي ماكنا نفوتو
وعلى المظهر هي عندهم الحق لانهم راهم تمة يمثلو فريق عربي والمظهر ماكانش يدل على انهم عرب
لكن في كل الاحوال ماكان ما دخل المظهر مع الربح والخسارة الضغط كان كبير عليهم الجزائريين من جهة والعرب كاملين من جهة
لازم نوحدو الدعاء وانشاء الله ننتاصرو على الانجلترا وامريكا ولما لا
وانتي بلاك شفتي المناصرين لي كانو حاملين راية فلسطين امام العالم

صح انا معاك الانتقادات تكون في اسلوب اللعب ولا في خيارات المدرب بصح يوصلوا يدخلوا في les coupes تاع لي جوار ولا في مظهرهم نضن هذه حاجة شخصية ماتزيد ماتنقص في النتيجة تاع الماتش وبالنسبة لتمثيل العرب الحمد لله مشرفينا و مشرفين العرب وماداروا حتى حاجة منافية للدين ولا الاخلاق و انا متأكدة باللي اغلبية شباب العرب يحلموا يشبهوا يبدة ولا غزال :cool: الخطأ كان من سعدان احنا كنا كامل نستناو في بودبوز بصح الشيخ الله غالب راسوا حديد دخل غزال و دفعناها كاش

اعلام فلسطين في المدرجات موقف راااااائع وماشي غريبة على المناصرين الجزائريين حتى ضد كي لبعبنا مع ايرلندا في المانيا كانت اعلام فلسطين مزينة الملعب مع اعلام الجزائر :L:

انشاء الله الله ربي ينصرنا والفريق الجزائري يلعب مع الابطال
انشاء الله ينصرنا وينصر رايتنا راية الجزائر وراية فلسطين والاسلام يا رب

آمين يارب العاااااااااااااااالمين

أخواتي...ممكن المشرفات على هذا التجمع يراسلوني للأهميه...

السلام عليكم
كيفكم يا بنات
ليش زعلانين
بالله انا صح زعلت كتير عالمنتخب خاصتا باللي كان فور على سولفانيا بالصح الزهر جا معاهممممممم
وبعدين ما عجبكمش شعرهم قاع اصفر الامممود
هههههههههههه
مش برك هما داير ين شعرهم حتى فريق اليابان وبزاف
عادي عادي
بييبقاو عررب
وان شاء الله يشرفونا وهما اصلا شرفونا يكفي باللي طلعوه للمونديال
غيرهم مازالووه يبكي علىى المونديال ولا نسيتوه
هههههههههههههههههههههه

وصح نسيت نقولكم يكفي انه نشوف علم فلسطين مرافق لمشجعين الجزائرين
يرد الرووووووووووووووووووووووووووح

وعليكم السلام ورحمة الله وبركاته

أهلييييييييييييين نادية

هههههه والله غير كلامك يبرد عالقلب

بصح ماغضتناش الخسارة غاضنا الحال كي كنا استاهلنا الفوز و كنا مسيطرين عالماتش وفي الأخير خرجنا خاسرين الله غالب بصح الحاجة اللي ماتعجبش الانتقاد اللي ماشي رياضي كيما انتقاد مظهر اللاعبيييييييين هذي حاجة شخصية و بالعكس طلعت عليهم الصبغة و بوقوصين الله يبارك و كيما قلتي حنونة المووووووونديال في حد ذاتو حاجة فووووووووور ونحنا الوحيدين في العرب اللي قدرنا نتأهلولو وراكي عارفة الباقي بلا مانحكو هههههههههههه

ويكفينا بلا مانحكو على النتائج اننا درنا أغلى حاجة مادارها حتى عربي قبلنا كي رفرفرت اعلام فلسطين في سماء الموندياااااااال :adore::adore::adore:اللي العالم كامل متبعوا بالدقيقة و الثانية هاذا اكبر انتصااااااااار

لبنات باش مانطولوش و مادامني انا كونكتي حاليا رايحة نتصل بالمشرفة العامة رمروم

ممممم حبيبات قلبي راهم هنا سلاف ناديه واشراق وشمعة الجزائر توحشتكم بزاف

سلاف راكي مشاركه مع مسابقة ملكة الجمال روحي بعتيلها على الخاص اليوم تبدى ولازم تحطي الجدول نتاعك انا راني درت لاصيغ لوجهي وراه حمر راني دايره حاله في عمري ههههههه ليشوف يقولو غادي يدوني عروس ;) بصح مشكلتي يانوض خطرى وحده يانطلق مره وحده :worn_out:

ḆŌ₦Ťầầ ĚĽЗ§ẩŁŁ;12340911:
الله يخليكم
شموعه الشتاء انت وين تسكني في الجزائر؟

انا نسكن في البليدة
هادو اليومين الشتا دارت حالة
بصح دوكا راهي صحات والجو راهو شباب بزاف

اشـــراق;12340966:
لالا احنا غير السخانة :(

الحمد لله على كل حال

شفتك تسقسي على الذهب في ركن العروس

انا اللي نعرفو الغرام ب 220 الف بصح نزيد نسقسيلك باش نتأكد

و انا نقولك اذا قدرتي تشري غير اشري راهو وين رايح رايح يغلى

و ماتسمعيش اللي يهدرلك على le plaqué or

الذهب ماشي زينة وخلاص راهو شغل une banque نحطو فيه دراهمنا و نقدرو نصيبوها في كل وقت:thumbs_up:

ايه عندك الحق حتى انا منيش حابة نديرو زينة برك
كيما يقولو الحدايد للشدايد هههههههههههه

لاجلك سوف اتغير;12346732:
الوصفة لي كانت تسقسي عليها شمعة الجزائر
ماء ورد + عصير ليمون + حبة باراسيتامول وتطلي بيها الجسم نتاعك مباشرة من بعد استعمال الحلاوة

يعطيك الصحة اختي سلاف على الوصفة

** سوسو جزائرية **;12349672:
ممممم حبيبات قلبي راهم هنا سلاف ناديه واشراق وشمعة الجزائر توحشتكم بزاف

سلاف راكي مشاركه مع مسابقة ملكة الجمال روحي بعتيلها على الخاص اليوم تبدى ولازم تحطي الجدول نتاعك انا راني درت لاصيغ لوجهي وراه حمر راني دايره حاله في عمري ههههههه ليشوف يقولو غادي يدوني عروس ;) بصح مشكلتي يانوض خطرى وحده يانطلق مره وحده :worn_out:

اهلا اختي سوسو انا ثاني توحشتك
ههههههههههههه والله غير ضحكتيني بصح راكي شاطرة وعندك الكوراج
انا والله نخاف نخلط في وجهي
ان شاء الله غير كيما اليوم تكوني عروسة ونفرحو بيك