تجمع بنات الجزائر لشهر رجب 1431ه

أهلا ميشا

واش اخبارك

الحمد لله إشراق وانت ان شاء الله بخير

الحمد لله لاباس

ميشا وينهي نيسو ماشي تبان ياسر في المنتدى

راهي خدامة نيسو وتجي عيانة العشوة ماتقدرش تدخل ياسر للمنتدى إلا ساعات

صح ربي يعاونها surtout مع هالصيف و السخانة اللي تقتل

صح ..... حق قوليلي إشراق الواد مازالهم يقطعو عنكم التيريسيتي ولا بطلو يعني الحالة تريقلت ولا مازال؟؟؟؟

لالا احنا قليل كانوا في القايلة يقطعوه واحد الربع ولا نص ساعة و مبعد كي خفت السخانة بطلوا بصح الله أعلم في le centre ville راهو قطع لا ارادي من كثرة les t.v , les climatiseurs et les frigidaires

و انتم واش دايرين في الحاسي

لا لا حنايا الحمد لله مايروحش خلاص التيريسيتي وحتى الماء مايروحلناش كاينين 24 س /24 سا بصح غير كيكون كاينة اي مشكل فيه ولا راهم قاعدين يخدمو ولا حاجة ولا الريح زلا كي تجي ساعت مطر قاوية يروحلنا بصح حاجة اخرى لا .... بصح كل مانروحو للواد في الصيف يقولونا التيريسيتي تروح وصح في الصبف ليفات غير وصلنا منا راحت منا قيلت في السخانة وهي الي خايفة منها كي نهبطو للواد

لالا في وين ساكنة انا الحمد لله ماكانش المشكل هذا غير تقطعات صغيرة و ماشي كل يوم

ميشا تعرفي صابونة البابايا ولا صابونة أغادير

لا إشراق وهذي واش دير؟؟؟؟؟

يصفوا الوجه و يبضوا البشرة حابة نشري وحدة منهم بصح ماشي عارفة اذا كاين في الدزاير ولا لالا

لبنات شكون فيكم تعرف اذا صابونة البابايا و اغادير هاذم موجودين في الدزاير و شكون فيكم استعملت كريم يولاي que se soit تاع الليل ولا النهار ؟

والله ماعلابالي ماعنديش فكرة

أهلا بنات

راني جيييييييييييت
سلام عليكم

وعليكم السلام والرحمة شمعة واش راكي اليوم ان شاء الله بخير

الحمد لله بخير انتي وشراكي

والله الحمد لله ,,, ولن شاء الله تتاهل دزاير للدور الثاني نصير احسن وأحسن مليون مرة من ظرك قولي آميييييييييييييين

اميييييييييييييييييييييين
راني نستنا في نهار غدوا بفااااااااااارغ الصبر

نوريلك قاطو درناه في الدار تشجيع للخضر في الماتش تاع 18/09/2009









إن شاء الله تتأهل دزاير للدور الثاني يا رب