رابطة امهات واطفال مصر من سن سنتين شهر رجب

كتبله على الدوا اللى بيكون فى البخاخ بس شراب اللى هو فانتولين

وكاتبله على زيرتك للحساسيه وعلى زيثروماكس مضاد حيوي وعلى اقراص كدة تدوب فى معلقه مايه وياخدها


هو عاما كاتبله علاج لمدة اسبوع وكمان اسبوع ان شاء الله هيغيرله العلاج لحاجه اسمها علاج وقائي ضد الحساسيه

عشان الدور يهدي ويبطل يتكرر بالشكل دة

ويبقى فى فترات متباعدة

لان حسن زى ماقلتلكم من الشتا وهو مش بيلحق يفوق من الدور ويبدا من جديد

وكمان قالى طبعا دة مأثر على شهيته وعلى وزنه لان تكرار الدور كدة بياخد من الغذا بتاعه ومش هيديله فرصه للنمو بشكل طبيعي

عشان كدة حسن كل اللى يشوفوه يقولى بيخس بيخس

وهو اصلا جسمه مش تخين

دة معظم اللبس اللى جبتهوله اول الصيف وسع عليه ومش عارفه البسه له ورحت جبت من اول وجديد مقاسات اصغر

تخيلي

هههههههههههههههههههه معلش يا شهيدة بيدلع شوية بس

والحمدلله انه فيه تحسن شوية شوية وهيقول ان شاء الله هم بياخدو وقت كده
ربنا يهديهولك يارب

شيماء ايه ده يابنتي بجد صعب عليا اوي والله يا حبيبي
ربنا يشفيه يارب

طب ما توديه لدكتور تاني يمكن يركب له محاليل يعوض بيه الاكل
اصل ابن خالتي كان كده وفاكرة كل التطورات اللي كانت بتحصل وكان على طول ف ابليت عندهم انبوبة الاكسجين دي

بس هي كانت عنده زايدة شوية بعدالشر على حسن يارب
وربنا يشفيه قريب ان شاء الله

معلش يا شهيدة

انا اخدت فترة طويله برضو بعتمد على توقعاتي المرئيه مع حسن هههههههههههههههه

يعنى اتوقع امتى يكون عايز يعمل وادخله وبرضو كان بيرفض كتير

واحدة واحدة هيبدا يقول

اصل المشكله انهم اساسا متاخرين فى الكلام عشان كدة المرحله دى بتاخدة وقت شويه

ويكون فى علمك لحد دلوقتى ماقدرش اعتمد كليا ان حسن يقول

يعنى اوقات بحس انه طول والمفروض يدخل الحمام ومش بيقول برضو

بدخله من نفسي رغم انه بيرفض شويه

بس اول ماقعده بيعمل

اوقات اللعب بياخدهم وبينسيهم

كاتبله علاج قوى وكويس فعلا


وفعلا اى مرض اما بيطول مع الطفل بياثر على الشهيه والنمو

ربنا يتم شفاه على خير يا رب

لا يا ايمان مش للدرجه الحمد لله

بس ربنا يحفظنا يارب ومانوصلش لمرحله دى

هو كل اللى بيحصل مع حسن دور برد ويقلب بكحه

بس الدور دة بقى مستمر

يعنى يخلص بعد يومين تلاته يبدا من جديد

بس طبعا الاهمال مش كويس ابدا

وطبعا الشهيه متاثرة وبالتالى الوزن متاثر

هوا فعلا تاخر الكلام ماثر

بس ابنى دماغه صعبه اوى

يعنى هوا بيكسل يتكلم
عنده الاسهل انه ياخدنى من ايدى ويودينى المطبخ ويشاورلى عالتلاجه اسهل بكتير من انه يقول مايه او مم

دماغ غريبه اوى

بس بصراحه باباه برضو يتحرك اسهل له من انه يتكلم

فشكلها حاجه وراثيه
هههههههههههه

لا ان شاء الله يا شيماء مايوصلش ابدا لكده
انا بس بطمن
ربنا يشفيه يااااااااارب ويطمنك عليه

شهيدة على فكرة معاذ كده لحد الان فيه بعض حاجات وطبعا الاول كان في كل حاجة يشدني من ايدي ويشاور لي على اللي عاوزه بس انا جيت فترة كده مابقتش اقوم واقول له لا قول انت عاوز ايه واساله وهو يقول لي اه او لا لو مش عارف ينطق الكلمة دي
لحد شوية يعني بقى يقول هم واش يعني اشرب هههههههههههههههههههه

شهيدة;12487847:
كاتبله علاج قوى وكويس فعلا


وفعلا اى مرض اما بيطول مع الطفل بياثر على الشهيه والنمو

ربنا يتم شفاه على خير يا رب

ايوة فعلا يا شهيدة علاج قوى

امبارح بعد مارجعنا من عند الدكتور وادتله الدوا راح مرجع كل الدوا وادتهوله من الاول

يظهر اول ماخد الدوا مع كميه الافرازات اللى على صدره الدوا طردها وخلاه يرجع


بصراحه د رفعت الجابرى ما شاء الله عليه فعلا
على المستوي العلمى وعلى المستوي الانساني كمان

ربنا يجعله سبب شفا يارب

هو اول واحد عرف ان حسن عنده حساسيه وكان ساعتها اول مرة حسن يجيله دور رشح وزكام

كان عنده شهور او اقل كمان

بس مجرد بوصفله راح قالى عندة حساسيه انف ساعتها استغربت اوى من انه حكم وشخصها بسرعه كدة

يلا الحمد لله ويارب ماتطول معاه وتستجيب للعلاج ياااااااااااااااارب

والله يا ايمان هوا عارف الكلام يعنى مم ومايه بيقلهم عادى
بس لاحظت انه بدا يستسهل انه يشدنى عن انه يتكلم

بصو انا تعبت من القعده عالجهاز هحاول اقوم اجيب الاب توب

انا برضو حاسه ان حسن مكسل يتكلم

او بمعنى اصح عشان حاسس اننا عايزينه يقول فهو مش بيرضي يقول

يعنى فى كلمات بينطقها بتكون بسيطه فى نطقها وفى كلمات تانيه بتكون على نفس المستوي ويمكن ابسط

ومع ذلك مش بيرضو ينطقها

انا برضو سالت الدكتور على موضوع تاخر الكلام

وقالى طالما فاهم ومستوعب وبيوصلك اللى هو عايزه وبيتواصل بطريقته الخاصه يبقى متقلقيش

وطول الوقت اتكلمى معاه

انا اصلا زهقت من كتر مانا شغاله بغبغان طول النهار وهو برضو دماااااااغ

انتو قمتو ولا ايه؟

انا هنا يا بنات مش تقولو انكو هنا

انا فاتحة الصفحة وسايباها

ازيكم جميعا شهيدة وشيماء الف سلامة على حسن يا حبيبتى ربنا يشفيه ويعافيه يارب

رعشة قلب;12487963:
انا برضو حاسه ان حسن مكسل يتكلم

او بمعنى اصح عشان حاسس اننا عايزينه يقول فهو مش بيرضي يقول

يعنى فى كلمات بينطقها بتكون بسيطه فى نطقها وفى كلمات تانيه بتكون على نفس المستوي ويمكن ابسط

ومع ذلك مش بيرضو ينطقها

انا برضو سالت الدكتور على موضوع تاخر الكلام

وقالى طالما فاهم ومستوعب وبيوصلك اللى هو عايزه وبيتواصل بطريقته الخاصه يبقى متقلقيش

وطول الوقت اتكلمى معاه

انا اصلا زهقت من كتر مانا شغاله بغبغان طول النهار وهو برضو دماااااااغ

ياااااااااااه كانك بتحكى عنى وعن عمر

انا قعدت ادور في الموضوع جامد ولقيت ان موضوع تاخر الكلام مقبول وفي اطار الطبيعي لحد سن 3 سنين وزى ما قلتى اهم حاجه ان في بينا وبين الطفل تواصل
وكل مدى التواصل بيزيد

واصلا الطفل مبيدلوش كورسات تخاطب قبل سنتين ونص وفي بيقولو 3 سنين
انا كمان فوجئت ان ابن خالى قعد لحد ما تم 4 سنين مكنش بيتكلم وبعدها زى ما تكون نافورة واتفتحت في الرغي الغير محدود
وحتى الان ابن خالى ده مشهور ان رغاي جدا

ازيكممم يا بنات اخبارم ايه

انا جيييييييييييييت

شيماء على فكرة هم طول ما بيلاقونا بنفهم اسلوبهم ده مش هيتكلمو
هم عاوزين شوية طناش شوية عشان يتكلمو
انا حاسة ان معاذ الحمدلله بقى بيلقط الكلام شوية عن الاول
يعني لوقتي بيعد من اتنين لحد اربعة ههههههههههههههههههههههههه

وفيه كلمات كتيرة بقى يقولها وممكن يقول جملة من تلات كلمات يعني مثلا لا يا ماما
او عدي يا ماما هههههههههههههههههههه
عدي يا ماما دي عاملها نشيد طول النهار يسمعه

وطبعا عشان شقتي صغيرة فطول النهار يقول لي عدي يا ماما ههههههههههههههههههههه

سالي

ازيك وازى فله وحمودى؟
ما شاء الله لا قوة الا بالله فله انا عايزة اكلها اكل

بجد والله فتحت نفسي عالبنات جدا

ربنا يبارك لك فيها يارب هيا وحمودى ويقر عينك بيهم

ايمان
على فكرة انا بطنش لعمر فعلا
بس عارفه بيعمل ايه
لو كان باباه موجود يروحله ويفضل برضو يشد فيه

ولما يزهق مننا لاننا مبنعبرش فيه بينسى

وشويه ويفتكر ويعيد الموضوع تانى

ربنا يهديه ويهدى جميع اولادنا

اهلا يا هوبا

ازيك؟ وازى ندى؟