moneta;12469068:
الله يبارك فيكي ياقمر والله المشكله انك متعرفيش انا مثلا اللوب مكنش تاعبني ولا اي حاجه بالعكس مريحني جدا لكن واضح انه مكنش ليه لزمة اصلا والرضاعه هي الي كانت مانعه الحمل عشان انا حملت اول مافطمت بنتي تقريبا فانتي توكلي على الله ومهما عملتي وربنا كتب شيئ هتشوفيه غصب عنك وفعلا بيباركلك فيه وبيحببك فيه اوي سبحان الله
الله يبارك فيكي ياشوشو ازيك وازاي عمور وماشاء الله شايفه ان فيه بيبي كمان نور حياتك ربنا يباركلك فيه يارب ويفرحك بولادك
بيرو الحمد لله كويسه وشقيه ومطلعه عيني عاااااااااااا ومش عارفه ارتاح منها خاااااااااااااالص
مبروك مبروك ان شاء الله على خير والدم طبيعي متقلقيش والمغص برضه طبيعي ان شاء الله يومين وبروحوا
دا الي انا حاسه بيه والله انتي تقريبا حملتي في نفس مرحلتي وسن ابنك تقريبا من سن بنتي فعلا حاسه ان بيرو لسا صغيرة ومحتاجه اهتمام كبير اوي وعشان كده مكنش في دماغي حمل دلوأتي خالص بس ربك اما يريد الحمد لله
بنات هو طبيعي انه يفضل ينزل دم اول 3 شهور حمل اصلي بينزل دم عليا كتير والدكتورة مدياني ادوية للتثبيت بس اقل مجهود القي دم نزل وبتقولي طبيعي بس انا مش مطمنه هل دا ممكن يكون عادي وفي حمل بيكون كده انا في بيرو كان بينزل دم برضه بس كان حاجه عبيطه مقارنه بدا وخدت يومها حقنه وقفت الدم بس المره دي مينفعنيش الحقنه عشان شلت اللوب بعد الحمل ودا لوحده معرضني للاجهاض 50%
مونيتا يا قمر
واضح ان ظروفك زى ظروفي بالضبط
على فكرة انا لسه حامل والبيبي ان شاء الله لسه جاى في السكة
دعواتك
انا مكنتش مستخدمة وسيله على اساس ان الرضاعه وسيله
ويدوب لسه هبتدى افطم عمر عرفت بموضوع الحمل
وكان برضو بينزل عليا دم كتير جدا لدرجه ان كل ما ينزل كميه اقول انا لله وانا اليه راجعون وافتكر ان الحمل نزل
بس ربنا اراد انه يكمل وبرضو فضل ينزل لحد ما خلصت التالت مع انى كنت باخد حقنه يوم اه ويوم لا
انتى اهم حاجه الدم لونه ايه ؟
بنى ولا احمر
انا كان غالبا بنى واوقات ينزل احمر بس اراده ربنا فوق كل شيء
وموضوع شيل اللوب ده عادى متقلقيش ممكن يتشال اول الحمل وممكن يتساب لوقت الولاده
فمتقلقيش ان شاء الله خير