دعوة للتفاؤل;12423261:
ماشاء الله مدرسه بجد علي راي باربي والله منوره ومجهودك واضح واضح:L::L::L::thumbs_up::thumbs_up:
ممكن بقي لو فيه رخامه البلاشرات دي منين وخصوصا بروجوا نت قولتي من عالميه بس انا عايزه الارقام بتاعهم درجاته بالرقم علشان مش اروح اقعد ادور كتير
لو فيه درجه خوخي مط يعني لو عندك فكره وبتاع لدوموني هو كمان درجته ايه ياقمرايه
تسلمي حبيبتي ربنا يخليكي ويسعدك
بوصي ياقمر البرجوا دا اتاخد مني وناسيه خالص رقمه بس البرجوا التقليد 4-5 درجات على ما افتكر 3 بينكات والرابع الاورانج يعني مش هتدوخي وتدوري عليه متقلقيش
الخوخي المط اه فيه كتييير هتلاقيه في ايفر بيوتي و ADS وماكس فلاور
اللودنمي درجته 8 ^.^ F:F:
حبة السكر;12438755:
مسااااااااء الخير يا بنات .. منورين كلكم ماشاء الله .. بجد موضوع أكثر من رااااااااااائع و عقبال الجزء ال 100
أنا أول مرة أشارك معاكم انهاردة و بجد عندى أسئلة كتير و ياريت تردوا عليها كلها و تفيدونى ربنا يبارك لكم .. بصوا بقا :
1 - أنا بشرتى جافة (تقريباً يعنى ) يعنى مش ناشفة أوى بس بتحتاج ترطيب بالكريم دايماً .. إيييييه بقى نوع كريم الأساس اللى يبقى مناسب لبشرتى بس بشرط مايكونش من الانواع الخفيفة دى اللى بيقولوا عليها تنفع للصيف و خروجات النهار علشان أنا بحب كريمات الاساس اللى بتعمل تغطية حلوة للوش و تبقى لون واحد كده و مش خفيفة أوى .. يبقى إيه بقى النوع اللى ممكن يكون مناسب لبشرتى ..؟؟
أنا بصيت على جيفنشى و شانيل ( التقليد طبعاً ) و عاجبنى شكلهم فهل دول يبقوا مناسبين ليا ؟؟
2- كريم الديرماكول الدهبى أو الأبيض .. أى واحد منهم ( و طبعاً برضه التقليد اللى موجود فى مصر ) حد جربهم و حلوين ولا لأ و ينفعوا لنوع بشرتى الشبه جافة دى و ألوانهم مناسبة للبشرة القمحية ؟؟
3- برضه ياريت تفيدونى الله يبارك لكم فى موضوع البيس .. ( أنا عمرى ما استعملته قبل كده ) بس سمعت إنه بيخلى نتايج المكياج أحلى لو اتحط قبل الاساس .. و سمعت عن ماركة إسمها سماش بوكس بس مش موجود منها ف مصر .. فياترى إيه ماركات البيس الحلوة اللى حد منكم يكون جربها و تكون مناسبة لبشرتى ؟؟
4- و كمان يا بنات البودرة المضغوطة .. نفسسسسسى فى نوع اجربه و ارتاح له و يبقى ناااااااعم كده على الوش و مايجيرش .. حاجة كده تبقى جميلة مع البشرة الجافة .. قولولى على حاجة تنفعنى تكونوا جربتوها و عجبتكم .. و كمااااااان البودرة اللى هى من لانكوم اللى فيها 2 بودرة و 2 أساس .. حلوة دى يابنات ؟؟ حد جربها ؟؟ يعنى ينفع اعتمد عليها لوحدها فى كريم الاساس اللى فيها و البودرة ؟؟
5 - أخرررررر حاجة بقى و أهممممممممم حاجة .. أنا قريت قبل كده ف موضوع إن ف القاهرة مكان موجود فى أخر شارع الموسكى ناحية حمام التلات و إنه شارع كده كله محلات ماكياج ( زى الزنقة ف اسكندرية كده ) و إنهم هناك بيبيعوا بأسعار حلوة و تقليد الماركات .. و واحدة قالتلى إن البنات اللى بيبيعوا الميك أب الهاى كوبى بيجيبوه من هناك .. فيااااااااريت بالله عليكم اللى تعرف المكان ده و اشترت منه قبل كده تقولى هو فعلاً صح كده ؟؟ و يااااااااريت بالله عليكم برضه اللى تعرف حد من إخواتنا اللى بيبيعوا الماركات التقليد النضيفة دى تسألهم بيجيبوا من هناك فعلاً ؟؟ علشان هو ده المكان اللى أنا أعرفه و ممكن أروحه و اشترى منه لو بتتباع فيه الحاجات اللى هتقولولى عليها ...
أنا رغيت كتيرررررررر مش كده ... معلش أنا أصلى ماصدقت لقتكم و عشمانة فيكم بإذن الله تفيدونى فى أسئلتى اللى فاتت دى و تساعدونى ف موضوع شرا المكياج ده علشان هيفرق معايا بجد .. علشان أنا زهقت من الحاجات اللى جربتها و مانفعتش معايا ..
مستنية ردودكم يا بنات .. و متشكررررررررة أوى لكم كلكم على أى معلومة هتفيدونى بيها يا قمرات
صباح الخير ياقمر منورة .. والله تسلمي يارب ان شاءالله يفضل مفتوح بيكم
البشرة الجافة مش بيناسبها غير النوعيات الليكود او السائل واللي فيه فيتامينات او مرطبات وبس غير كده مش هينفع وهتلاقيه يتكتل ويعمل قشور
النوعيات اللي تناسبك كتيرة ماشاءالله بس اهم حاجة تراعي حتت الترطيب لان في فاونديشنات سائلة بس مكتوب عليها اويل فري يعني دي للبشرة الدهنية مش الجافة وانتي ممكن يناسبك من اماندا او جولدن روز السائل الفلود وان كان الاخير تغطيته اقوى وهيبقى رائع معاكي عشان هو مرطب وكمان مقاوم للماية وبيناسب استخدام سهرات وخروجات عادية
جيفنشي ولانكوم وشانيل وغيرهم من الفاونديشنات التقليد انا مجربتهاش ومش بقتنع بيها لان زي ما قلتلك عايزة اختبار قبلها على بشرتك عشان تعرفي هي مرطبة لا اويل فري وكمان اغلبية درجاتها روز وابيض مش حتى البياض المصري العادي او البيج فا جربت قبل كده كذا حاجة منها واترمت زي ايف سان لوران وتقليد مايبلين xxl و ماكس فاكتور كلهم روزات وفاتحين وبيجيرو وبيتكتلو عالوش متحسيش ان وشك ناعم خالص بالعكس دنا بشرتي دهنية وكانو بيعملولي قشور وتكتلات وبيسيحو بطريقة غبية تنزلي بيهم تحسي انك طالعة من الغسالة :lol:
الديرماكول الدهبي هو اللي يناسبك لان قوامة فيه نسبه ترطيب لا بأس فيها انما الابيض مستحيل يناسب بشرة جافة لانه ناشف اوي زي الاسمنت كده هههههههه وبالنسبة للدرجات هو فيهم درجات اعتقد تناسب البشرة القمحاوية
البودرة المضغوطة ليه تستخدميها اصلا وانتي بشرتك جافة ؟!!!
البودرة مهمتها تحافظ على المكياج من السيحان وتخلي الفاونديشن يثبت اكتر ودي مواصفات تخص البشرة الدهنية مش الجافة يبقى انتي مش تستخدميها
ولو عايزة تستخدمي بودره يبقى لوس مش كومباكت لان اللوس خفيفة ومش هتنشفلك وشك وبالنسبة لبتاعة لانكوم انا قلتلك رأيي في التقليد والقرار يرجعلك فالاخر
بالنسبة للاماكن وكده انا مش من هناك بس اسمع ان في الموسكي و الازهر لكن فين بالظبط الله اعلم F:F:F:
مكرووونة;12439901:
انوووووووووووووووووووووش بجد انتى روعة و ملكيش حل ما شاء الله عليكى
بجد انتى عاوزة بوسة كبيييييييييييييييييييرة :087::087::087::087::087::087::087::087:
حتتباس يعنى حتتباس ههههههههههه
هى الكومبكت بودر بتتحط بفرشة و لا سفنجة ؟
تسلميلي ياقمر متحرمش منك وشكرا عالتقييم تسلم ايدك وعقبال ما نفرح بيكي يارب :o:L:
الكومباكت عادي تحطيها زي ما تحبي بس فالاغلب تبقى بالاسبونج لكن سيبك من الاغلب اللي ترتاحي عليه اعمليه F:F:F:
